காக்கை பற்றி தெரிஞ்சுக்கலாம் வாங்க

by **ந.கார்த்தி** Sat Oct 01, 2011 8:57 pm

காக்கைகள் பற்றிய ரிலிஜியஸ் நம்பிக்கைகள் இந்தியாவில் நிறையவே உண்டு. சனிபகவானின் வாகனமாக (!?) துதிக்கப்படும் இப்பறவைக்குத்தான் பித்ருக்களுகான பிண்டம் வைக்கிறார்கள். எனவே இந்துக்கள் எவரும் இப்பறவையைக் கொல்வதில்லை; பயமும் கூட! எங்கே, சனி பகவான் சப்போர்ட்டுக்கு வந்துவிடுவாரோ என்று!! ஆனால் அமெரிக்காவிலும், கனடாவிலும் 'குரோ ஹன்டிங்' என்பது ஒரு 'பாபுலர் ஸ்போர்ட்'. காக்கைகளுக்குக் பிடிக்காத டம்மி ஆந்தையை செட் பண்ணி, அவைகள் ஈர்த்து ஜாலியாக சுட்டுத் தள்ளுகிறார்கள்.

கோர்விடே என்னும் குடும்பத்தைச் சார்ந்த காக்கைகளில், மூன்று இந்திய இனங்கள் இங்கு பிரபலம்! அதில் முழுக் கருப்பில் இருக்கும் பெருங்காக்கை, மலைப்பிரதேசங்களோடு சரி. இவைகளுக்கு ஆயுசு கெட்டி 70 வருட ரெக்கார்டு கூட இருக்கிறது. அண்டங்காக்கைகள் கிராமபுறத்திலும் அதை ஒட்டிய வனப்பிரதேசங்களிலும் பிரசித்தம்! இங்கு பிற விலங்குகளால் கொல்லப்பட்டு கிடக்கும் பிரேதத்தின் இருப்பிடத்தை இலை பறக்கும் திசையை வைத்துக் கண்டறிகிறார்கள்! நாம் எங்கும் எப்போதும் பார்க்கும் வீட்டுக் காக்கைகளுக்கு கழுத்து மட்டும் கிரே நிறம்!

மேலை நாடுகளில் நூற்றுக்கும் மேற்பட்ட காக்கை இனங்கள் இருக்கின்றனவாம். வடஅமெரிக்க வகை, மீன் காக்கை, புளோரிடா வகை, இங்கிலீஷ் பிளாக் என்று பற்பல
வெரைட்டிகள்! இதில் ஹூடட் காக்கை, சத்தியமாக வெள்ளை நிறத்தில் தான் இருக்கிறது!

ஈகோ இல்லாமல் ஒற்றுமையாய் வாழ்வதில் இரையைப் பகிர்ந்து உண்பதிலும் காக்கைகளுக்கு நற்பெயருண்டு. எங்கேனும் சிதறிக் கிடக்கும் இரையைப் பார்த்துவிட்டால், தன் சகாக்களை அழைத்த பிறகே உட்கொள்ளும். மனிதர்களை, எவ்வளவு ஆசையாக சனிகிழைமையில் உணவு வைத்தாலும், கூட - நம்புவதில்லை. மனிதன் தாக்கி விடுவானோ என்ற அவநம்பிக்கையோடு, கள்ளப்பார்வையுடன், இரை பொறுக்கும்.

காக்கைகளின் டைனிங் ஐயிட்டங்கள் இன்னதென்றில்லை; எச்சில் சாதத்திலிருந்து மனிதன் கழித்தொதுக்கும் அனைத்து கிச்சன் வேஸ்டேஜ் வரை எதையும் உட்கொள்ளும். தவிர எலி, பல்லி, ஒணான், தவளை, வெட்டுக்கிளி போன்ற சிறுபிராணிகள் எல்லாவற்றையும் நாள் கிழமை பார்க்காமல் வெளுத்துக்கட்டும். பிற இனத்து முட்டைகளை திருடி சாப்பிடுவதில் கில்லாடிகள்! இறந்து கிடக்கும் பிணங்களைக் கூட இவை விட்டுவைப்பதில்லை. ஸ்கேவெஞ்ஜர்!

ஏதேனுமொரு மின் கம்பத்திலோ அல்லது முற்றத்திலோ காக்கைகள், தன் ‘லாலிபாப்புடன்’ சினேகமாய் அமர்ந்திருக்கும்போது கூட, இவைகளின் கண்கள் மட்டும் கீழே உற்று நோக்கிக் கொண்டிருக்கும். பார்வை படா ஷார்ப். சின்னஞ்சிறு ஜீவன்களின்
இயக்கத்தைக்கூட எளிதில் கிரகித்து டூமில் கேட்ச் பிடித்து விடும்!

இவை தம் இருப்பிடத்திலிருந்து அதிகாலையில் திரவியப் பயணம் மேற்கொள்ளும்போது, கோடு போட்டாற்போல நேர்கோட்டில்தான் பயணிக்கும்! மாலையில் ரிட்டர்ன் ஜர்னியும் இப்படியே. இடையில் இடவலம் திரும்புதல் கிடையாது. இதனால் தான் ஆகாய தூரத்தை அளப்பதற்கு அளவு கோலாக ‘க்ரோ ஃபிளைஸை’ வைத்திருக்கிறார்கள்.

பொதுவாக காக்கைகள், பகற்பொழுதில் இரைதேடும் யாத்திரையை, தம் இணையுடனோ அல்லது மற்றும் சில உறவுக் காக்கைகளுடனோ, ஒரு பிக்னிக் மாதிரி, கழிக்கின்றன. இப்படி இவை எத்தனை தூரம் வந்துவிட்டாலும், இரவுப் பொழுதைக் கழிக்க, தம் இருப்பிடத்திற்கே மீண்டு விடுகின்றன. இந்த இருப்பிடம் என்பது பெரும்பாலும் ஒரு மரங்கள் அடர்ந்த பகுதியாகவே இருக்கும். இங்கேவந்து சேர்ந்தவுடன் பெரும் ஆரவாரத்துடன் ஒன்றுக்கொன்று தம்மை அறிவித்துக் கொண்டு ஓய்வெடுக்கத் துவங்கும்.

காக்கைகளின் காதல்களில் நிறைய சுவாராஸ்யங்கள் உண்டு! டீன் ஏஜ் காக்கைகள், கல்லூரி திறக்கும் ஜூன், ஜூலை மாதங்களில்தான் ஜோடி சேர்கின்றன. கொட்டை போட்ட பழஞ்ஜோடிகளும், தம் காதலை இப்பருவத்தில்தான் புதுப்பித்துக் கொள்கின்றன.

இப்படி இவை ஒரு முறை ஜோடி சேர்ந்துவிட்டால், ஆயுளுக்கு அதே ஜோடிதான்! காதல் சீசனில் ஆண் காக்கை தன் மனைவியிடம், மேலும் புதிய காதலைத் துவங்கும். இத்தருணத்தில் ஆண் காக்கைக்கு கிடைக்கின்ற சுவையான இரையை விழுங்காமல் கொண்டுவந்து, மனைவிக்கு முத்தமிட்டவாறே ஊட்டி விடும். சட்சட்டென்று சிறகு கோதலும், சிறு துழாவலுமாய் மனைவியைச் சிலிர்ப்பூட்டும். கணவன் காதலை புரிந்து கொண்ட மனைவி, தன் முரட்டுக் குரலை வெவ்வேறு பிட்சிலும், வெவ்வேறு ரிதத்திலும் கரைந்து காட்ட கணவன் காக்கை புளகாங்கித்துப் போகும்.

அபரிமித சந்தோசத்தில் காக்கை அலை அலையாய் ரெக்கை வீசி சட்டென்று மேலே பறக்கும். திடீர் திசைமாற்றி அம்புபோல் கீழே பாயும். பின் ஸ்லோமோஷனில் மனைவி
அமர்ந்திருக்கும் கிளையை அடையும். இந்த ஏரோபாட் வித்தைகளை கண்ணுற்று திகைத்துப் போயிருக்கும் மனைவியை, இரவுப் போர்வைக்குள், இறகின் நிறமும், கதகதப்பும் காட்டிக்கொடுக்காமல் ஒத்துழைக்க ஆண் காக்கை யாருக்கும் தெரியாமல் அந்தரங்க இல்லற வாழ்வில் ஈடுபடும்.

அடுத்து நிலமட்டத்திலிருந்து 20-30 அடி உயரத்தில் டிரைபாட் ஸ்டாண்ட் மாதிரி இருக்கும் கிளைப் பிரிவுகளில் சிறு சிறு குச்சி, நார், பஞ்சு போன்றவற்றைக் கொண்டு ஒரு அவசரக்கூட்டை அமைக்கும். இக் கூட்டின் குழிவில் 3-6 முட்டைகளையிட்டு
பெட்டை அடைகாக்க, ஆண் இரை கொணர்ந்து உதவும்! முட்டைகள், நீல அல்லது
பச்சைப் பின்னணியில் மண்ணிறப் புள்ளிகளைக் கொண்டவைகள்! முட்டையிலிருந்து
வெளிவந்து ஆறு வாரகாலத்துள், குஞ்சுகள் சிறகு முளைத்துப் பறக்கத்
தயாராகிவிடுகின்றன.

இந்த இன்டெலிஜண்ட் காக்கைகளை பெட் பேர்டாக, பல மேலை நாட்டினர் வளர்க்கிறார்கள். இக்காக்கைகள் தம் முரட்டுக் குரலை மறந்து விட்டு, மனிதர்களைப் போல மென்மையாக மிமிக்ரி கூட செய்கிறதாம்!

– டாக்டர். ஆர். கோவிந்தராஜ்

by **கே. பாலா** Sat Oct 01, 2011 9:21 pm

பல புதிய தகவல்களை தந்தது கட்டுரை ! காக்கைதானே என்ற அலட்சியம் வேண்டாம் செய்திகளை தெரிந்து கொள்வோம்

by நட்புடன் Sat Oct 01, 2011 9:32 pm

கை கைய பிடிப்பேன், கால் கால பிடிப்பேன், கா கா காக்கா பிடிப்பேன்
எனும் அவப் பெயரை காகத்திற்கு தந்த நமக்கு இது விழிப்புணர்வுக் கட்டுரை...

by ஆளுங்க Sat Oct 01, 2011 9:45 pm

"காக்கை சிறகினிலே நந்தலாலா" என்று பாடினான் பாரதி..
அப்படிப்பட்ட காகத்தை இன்று நகரங்களில் பார்ப்பது அரிதாகி வருகிறது..

காகத்தைப் பற்றி ஒரு கட்டுரை கொடுத்து அதன் இருப்பின்மையை உணர்த்தியமைக்கு நன்றி!