ஜப்பானில் பறக்கும் ரெயிலை நிறுத்திய குழந்தை

by மீனு Wed 23 Sep 2009 - 0:47

டோக்கியோ, செப். 22
ஜப்பானில் உள்ள டோக்கியோவில் சுசாக நகர் பகுதியில் அதிவேக பறக்கும் ரெயில் சென்று கொண்டிருந்தது. அப்போது தண்டவாளத்தின் குறுக்கே தத்தி தவழ்ந்து நடைபயிலும் ஒரு பெண் குழந்தை நின்று கொண்டிருந்தது.
குழந்தை நிற்பதை ரெயில் என்ஜின் டிரைவர் பார்த்துவிட்டார். உடனே இரக்கமனம் படைத்த அவர் மெதுவாக ரெயில் என்ஜினின் வேகத்தை குறைத்தார். பின்னர் தண்டவாளத்தில் நின்றிருந்த குழந்தையின் அருகே 50 சென்டி மீட்டர் இடைவெளியில் அந்த ரெயிலை நிறுத்தினார். இதனால் அந்த ரெயில் மோதாமல் அக்குழந்தை உயிர் தப்பியது.

இது மிகவும் ஆச்சரியப்படத்தக்க விஷயம் என அந்த டிரைவரை பயணிகள் பாராட்டினர். விசாரணையில் பறக்கும் ரெயிலை நிறுத்திய அக்குழந்தை, வீட்டில் இருந்து காணாமல் போய் இருந்தது தெரியவந்தது