தினமும் சாகும் வேதனை

**Manik** · **Manik** Fri Sep 30, 2011 7:02 pm

பேரலையில் அடித்துவந்த
வண்ணச் சிறகுகள்
வானத்தில் சுற்றித் திரிந்த
அழகு வண்ணத்துபூச்சிகள்
ஆழ்கடலில் விளையாடிய
அழகு மீன்குட்டிகள்
கரையோரத்தில் ஓடித் திரிந்த
பிஞ்சு நண்டுகள்
எதுவுமே தெரியாமல் வேடிக்கை பார்க்கும்
இளம் பிஞ்சு மனம் கொண்ட குழந்தைகள்
காலமே அறியாது பேரலையை
இக்குழந்தைகளா அறியமுடியும்
அழிந்தது என்னமோ உண்மைதான்
உடல்விட்டு உயிர் பிரிந்ததும் உண்மைதான்
தினமும் சாகும் வேதனை
உயிருடன் பிழைத்தவர்கள் மட்டும் !!!!!!

**rameshnaga** · **rameshnaga** Fri Sep 30, 2011 7:25 pm

ஆழிப் பேரலை ஏற்படுத்திய வடுவை...ஒரு நல்ல கவிதையாய்ப்
பதிவிட்டு இருக்கிறீர்கள்..வாழ்த்துக்கள் மாணிக்.

**Manik** · **Manik** Fri Sep 30, 2011 7:47 pm

நன்றி நண்பா உங்களைப் போல் ஒரு கவிஞர் என்னை வாழ்த்துவதில் மிக்க மகிழ்ச்சி

பூவன் · பூவன் Fri Sep 30, 2011 11:50 pm

கொள்ளை அழகாய் விளையாடிய ...
கொஞ்சு தமிழ் பேசும் ...
பிஞ்சுகளையும் அள்ளிய ...
கொல்லை கொடுங்கடலே ...
உன் எல்லை இல்லா பசிக்கு ......
இரையானவர் எத்தனை எத்தனை பேர் ...........