வெண்ணிலாவே ....!

**ஹிஷாலீ** · **ஹிஷாலீ** Mon Sep 26, 2011 2:32 pm

நச்சத்திரங்கள் கோடி கோடி சூழ - அதன்
நடுவினிலே நீந்திவரும் வெண்ணிலாவே ....!

பாலும் சோறும் பகிர்ந்தூட்டும் - தாயின்
பாடல் பாடும் வெண்ணிலாவே ......!

இரவையும் பகலாய் மாற்றி - உன்னை
இராகுவும் விழுங்கிடுமோ வெண்ணிலாவே ....!

வளர்ந்து வளர்ந்து வட்டவடிவமாய் மாறி - மீண்டும்
வாடிவாடி மறைவதேனோ வெண்ணிலாவே .....!

கூகை ஆந்தை போலவே - பகல்
கூட்டினில் உறங்கும் வெண்ணிலாவே ......!

காலத்தின் கடமையில் நிதமும் - நீ
கால் பாதி வாழ்ந்திடும் வெண்ணிலாவே .....!

**உமா** · **உமா** Fri Sep 30, 2011 5:24 pm

வெண்ணிலாவை பற்றிய உன் கவிதை நல்லா இருக்கு...
ஹிஷாலீ அனைத்து கவிதைகளையும் படிக்க நேரம் இருக்காது..சில நேரத்தில் படித்தாலும் பின்னூட்டம் போடாமல் சென்று விடுவோம்... சில நேரத்தில் கவனக்குறைவாக பார்க்க தவறி விடுவோம்...

நிறைய பதிவுகளுக்கு பின்னூட்டம் கிடைக்காது..அதனால் அவைகள் நல்லா இல்லை என்று நினைக்க வேண்டாம்... சரியா...
உங்களின் கவிதைகளை தரத்தில் கொண்டே உங்களுக்கு இந்த சிறப்பு கவிஞர் பதவி....என்றுமே உங்கள் கவிதைகளின் ரசிகை நான்....

அருமையிருக்கு