கைக்கு எட்டியது வாய்க்கு எட்டவில்லை : மதுரையில் பிரியாணிக்கு "டிமாண்ட்'

**சிவா** · **சிவா** Fri Sep 30, 2011 5:51 pm

மதுரை : உள்ளாட்சித் தேர்தலில் வேட்பு மனு தாக்கல் செய்ய நேற்று கடைசி நாள் என்பதால், அனைத்து இடங்களிலும் வேட்பாளர்கள் மற்றும் தொண்டர்கள் கூட்டம் அலைமோதியது. தாரை, தப்பட்டையுடன், ஆதரவாளர்களுடன் வேட்பாளர்கள் மனு செய்ய வந்தனர். மனு தாக்கலுக்கு பின், ஆதரவாளர்களுடன், ஆரவாரத்துடன் திரும்பிச் சென்றனர். இவர்களுக்கு, "டாஸ்மாக்' விருந்தோடு, அசைவ ஓட்டல்களில் உணவு விருந்தும் காத்திருந்தது. போட்டியிடும் வேட்பாளர்கள், "டெபாசிட்' பணத்தை செலுத்துவதற்கு முன், ஓட்டல்களில், "டெபாசிட்' செலுத்தி டோக்கன் பெற்றனர்.

இதை கொண்டு வந்தவர்களுக்கு, "சுடச்சுட' பிரியாணி வழங்கப்பட்டது. இதனால், வழக்கமாக ஓட்டல்களில் பிரியாணி சாப்பிடுபவர்களுக்கு, நேற்று பிரியாணி, "காலி!' சில, "தெளிவான' வேட்பாளர்கள், நண்பர், உறவினர்கள் தோப்பில் கறி விருந்துக்கும், பிரியாணிக்கும் ஏற்பாடு செய்திருந்தனர். இதை "மோப்பம்' பிடித்த எதிர்க்கட்சிக்காரர்கள், போலீசாருக்கு தகவல் கொடுக்க, வேட்டை ஆரம்பமானது.

மேலூர், சேடப்பட்டி, உசிலம்பட்டி, திருமங்கலத்தில் நடந்த, "தேடுதல்' வேட்டையில், அண்டாக்களில், "பதுக்கி' வைக்கப்பட்டிருந்த பிரியாணியும், கறியும் பறிமுதல் செய்யப்பட்டன. "இதை ஏழைகளுக்கும், ஆதரவற்றோருக்கும் கொடுத்தால், அது வாக்காளர்களுக்கு கொடுத்தது போல் தேர்தல் கமிஷன் கருதி விடும்' எனக் கருதி, வேறு வழியின்றி பிரியாணியை கீழே கொட்டி போலீசார் அழித்தனர். கடைசியில், கைக்கு எட்டியது வாய்க்கு எட்டாததால், "உற்சாக' தொண்டர்கள், பசியால் உற்சாகம் இழந்தனர்.

தினமலர்

dsudhanandan · dsudhanandan Fri Sep 30, 2011 5:54 pm

சிவா wrote:
மேலூர், சேடப்பட்டி, உசிலம்பட்டி, திருமங்கலத்தில் நடந்த, "தேடுதல்' வேட்டையில், அண்டாக்களில், "பதுக்கி' வைக்கப்பட்டிருந்த பிரியாணியும், கறியும் பறிமுதல் செய்யப்பட்டன. "இதை ஏழைகளுக்கும், ஆதரவற்றோருக்கும் கொடுத்தால், அது வாக்காளர்களுக்கு கொடுத்தது போல் தேர்தல் கமிஷன் கருதி விடும்' எனக் கருதி, வேறு வழியின்றி பிரியாணியை கீழே கொட்டி போலீசார் அழித்தனர். கடைசியில், கைக்கு எட்டியது வாய்க்கு எட்டாததால், "உற்சாக' தொண்டர்கள், பசியால் உற்சாகம் இழந்தனர்.

தினமலர்