ரத்தத்தை உறிஞ்சுகிறதா இன்டர்நெட் மூலம் பரவும் ரேவ் பார்ட்டி?

by முஹைதீன் Fri 30 Sep 2011, 01:23

ரத்தத்தை உறிஞ்சுகிறதா இன்டர்நெட் மூலம் பரவும் ரேவ் பார்ட்டி?

ஆள் அரவமே இல்லாத சாலையில் அமைந்துள்ள ஒதுக்குப்புறமான அந்த வளாகத்தில் சத்தமில்லாமல் சாரைப்பாம்பு போல பாயும் கார்கள். அரங்கில் பளீர் என்று வீசும் லேசர் ஒளிக்கற்றைகள் மட்டுமே வெளிச்சம் தருகின்றன. மற்றபடி மனதுக்கு பிடித்தமான கும்மிருட்டு.

திடீரென பெரும் கூச்சல்; டிரம்களுடன் ஜாஸ், ராக் இசை; டிஜே.க்களின் கூக்குரல். யார் யாருடன் கைகோர்த்து, பின்னிப்பிணைந்து ஆட்டம் போடுகின்றனர் என்று தெரியாத அளவுக்கு எங்கு பார்த்தாலும் இளசுகளின் ஜோடி.நள்ளிரவு ஆக ஆக, போதை உச்சத்துக்கு ஏற ஏற ஆட்டம், பாட்டமும் உச்சத்துக்கு போகிறது. போதை, ஆட்டத்தை தவிர, நடை, உடை, பாவனை எல்லாம் ‘இறங்’குகிறது...

ஏதோ ‘பலான’ படம் பார்த்தது போல இருக்கிறதா? உண்மைதான். இன்டர்நெட் கொடிகட்டிப்பறக்கும் இந்த கம்ப்யூட்டர் காலத்தில், இளைஞர்களை திசை திருப்பும் மேற்கத்திய பாணி சமாச்சாரங்களில் ஒன்றுதான் ‘ரேவ் பார்ட்டி’.

கரீபிய கடலில் அமைந்துள்ள சிறிய குடியரசான ஜமைக்காவில் முப்பது ஆண்டுகளுக்கு முன் ஆரம்பித்ததுதான் ‘ரேவ் பார்ட்டி’. ரேவ் என்பதே அங்கிருந்துதான் வந்தது. ஒதுக்குப்புறமான இடத்தில், சிலர் கூடி போதையுடன் ஆட்டம் பாட்டம் என்று கூத்தாடி களிப்பதற்குதான் ‘ரேவ்’ என்று பொருள். இதனைப் பற்றி தினகரன் நாளிதழ் விரிவாக செய்தி வெளியிட்டு உள்ளது.

இது அங்கிருந்து கிளம்பி, அமெரிக்க, ஐரோப்பிய நாடுகளில் பரவி, 80களில் கொடிகட்டிப் பறந்து, பிட்சா, பர்கர் போல, இப்போது இந்தியாவில் ஊடுருவியிருக்கிறது.

கோவாவில் ‘பிறந்து’ மும்பை, புனே என்று தவழ்ந்து, டெல்லி, பெங்களூரு என வளர்ந்து, இப்போது, சொன்னால் நம்ப மாட்டீர்கள், நம் தருமமிகு சென்னையில் கோலோச்சுகிறது. சட்டவிரோதம்தான், போலீஸ் பிடித்தும் வருகிறது. ஆனாலும், ‘நெட்’ கைகொடுப்பதால் வெளியே தெரியாமல் ‘ரேவ்’, ஜிவ்வென பட்டொளி வீசி பறக்கிறது.

18 வயது முதல் 45 வயது வரை உள்ளவர்கள் கூடும் இந்த ‘ரேவ் பார்ட்டி’யில் தண்ணியெல்லாம் ஜுஜுபி. அபின், கஞ்சா, போதை மாத்திரைகள்தான் ஸ்பெஷல் டிஷ். இந்த வயதுள்ள ஆணும், பெண்ணும் ஜோடிகளாகத்தான் பங்கேற்க முடியும். எல்லாமே ‘நெட்’ வழியில் ரகசியமாக நடப்பதால் இவர்களுக்கு ரொம்ப சுலபமாகிறது.

உச்சட்ட ஜாஸ், டிரம் இசை ஒரு பக்கம், உள்ளே போன போதை மறு பக்கம் சூடேற்ற, கைகோர்த்த பெண்களோடு போடும் ஆட்டம் பாட்டம், மிட்நைட்டை தாண்டியும் போகிறது. பல ஆயிரம் செலவழிக்கும் பணக்கார வீட்டு செல்வங்கள்தான் ஆஜராகின்றனர் என்றாலும் போகப்போக இது வேறு ரூபங்களில் நடுத்தர குடும்பங்களில் ஊடுருவாமல் பார்த்துக்கொண்டால்தான் இளைஞர்கள் தப்ப முடியும்.

வெளிநாட்டு முதலீடு எப்போது இந்தியாவில் நுழைந்ததோ, எப்போது பிட்சா, பர்கர், பிரைடு சிக்கன் நம் நாவில் டேஸ்ட் ஊட்டியதோ, அப்போதே அவர்களின் கலாசார, பழக்க வழக்கங்கள் எல்லாம் நம்ம இளைஞர்களை ஈர்க்க ஆரம்பித்து விட்டது.

ஆணும், பெண்ணும் அரைகுறை உடைகளில் ஆட்டம் பாட்டம் என்று இருட்டில், போதை ஏற நடக்கும் கேவல சமாச்சாரங்களுக்கு அளவில்லைதான். மும்பை, புனே என்று பல இடங்களிலும் இதுவரை நூற்றுக்கணக்கான இளம் ஆண்களும், பெண்களும் ‘ரேவ்’வில் கலந்து கொண்டதற்காக சிறையில் அடைக்கப்பட்டுள்ளனர். ஆனாலும், ‘ரேவ்’ ராட்சஷன் தன் ஆளுமையை பரவிய படிதான் உள்ளான்.

இதிலிருந்து தப்பிப்பது இளைஞர்களின் கையில்தான் இருக்கிறது. செய்வார்களா?

நன்றி : http://sakthistudycentre.blogspot.com/2011/09/blog-post_5190.html

by **Aathira** Fri 30 Sep 2011, 08:34

சென்றிடுவீர் எட்டுத் திக்கும் - கலைச்
செல்வங்கள் யாவும் கொணர்ந்திங்கு சேர்ப்பீர்

பாரதி சொன்னது பலிக்கிறது.
அநியாயம்

by **Aathira** Fri 30 Sep 2011, 08:42

ப்கிர்வுக்கு நன்றி முகைதீன்

by உதயகுமார்.K Fri 30 Sep 2011, 10:05

கலி யுகம் போக போக இன்னும் கொடுமையா இருக்கும்.........

by வின்சீலன் Fri 30 Sep 2011, 10:32

Aathira wrote:சென்றிடுவீர் எட்டுத் திக்கும் - கலைச்
செல்வங்கள் யாவும் கொணர்ந்திங்கு சேர்ப்பீர்

பாரதி சொன்னது பலிக்கிறது.

ஆனால் இது கொலை செல்வம். போதை ஏறினால் மனிதனுக்கு எதுவும் நடக்கும் .

அலங்காநல்லூர்:அலங்காநல்லூர் ஒன்றியத்தில் நான்கு தினங்களாக ஊராட்சி தலைவர், வார்டு உறுப்பினர், ஒன்றியக்குழு உறுப்பினர் பதவிக்கு நூற்றுக்கு மேற்பட்டவர்கள் மனு தாக்கல் செய்தனர். மனு தாக்கல் செய்ய வருபர்கள் தங்கள் பலத்தை காண்பிக்க வேண்டும் என்ற கண்ணோட்டத்தில் உடன் வருபர்களுக்கு குவார்ட்டர் மற்றும் பிரியாணி வாங்கி கொடுப்பதை ஒரு மரபாக ஏற்படுத்தியுள்ளனர். அ. புதுப்பட்டியை சேர்ந்த சோமசுந்தர கணேசன்(52) என்பவர் பாலமேடு அருகேயுள்ள பாண்டியன்( அம்மா பேரவை ஒன்றிய செயலாளர்) வீட்டில் மேற்பார்வையாளராக பணிபுரிந்து வந்தார். நேற்று பாண்டியன் குடும்பத்தில் ஊராட்சி தலைவர் மற்றும் ஒன்றிய குழு உறுப்பினர் பதவிக்கு மனு தாக்கல் செய்தனர். முதலாளி வீட்டில் இரண்டு பதவி என்ற என்ற சந்தோஷத்தில் கேட் கடை பகுதியில் உள்ள டாஸ்மாக் கடையில் அளவுக்கு அதிகமாக மது அருந்தினார். எம்.டி.சி.சி., பாங்க் அருகே நடந்து வந்த போது நிலை தடுமாறி கீழே விழுந்தவர் சம்பவ இடத்தில் பலியானார். தினமலர்.காம்

இங்கே இவன் டாஸ்மாகில் வாங்கி செத்துட்டான், அங்கே அந்த குடிகார முட்டல்களுக்கும் இதே நிலமைதான் வரும் . அப்புறம் எய்ட்ஸ் வரும். இத எல்லாம் வளத அப்பாவுக்கும் அம்மாவுக்கும் இதுக பண்றத வீடியோ எடுது போட்டுக்காட்டினா ரொம்ப சந்தோஷமா இருப்பாங்க . இவன் எல்லாம் இந்தியாவின் எதிர்கால தூணா?

நெஞ்சு பொறுக்குதில்லயே ....