300 ஆண்டு கால அபூர்வம் : புரட்டாசியில் தீபாவளி

**சிவா** · **சிவா** Sun Sep 20, 2009 9:48 am

300 ஆண்டுகளுக்குப் பின் இந்த ஆண்டு புரட்டாசி மாதத்தின் கடைசி சனிக்கிழமையில் தீபாவளிப் பண்டிகை கொண்டாடப்பட உள்ளது.

இது குறித்து சமய சான்றோர் கூறியதாவது:

தீபாவளி என்றாலே ஐப்பசி மாதத்தில் தான் வரும். ஆனால்இந்த வருடம் புரட்டாசி மாதத்தில் தீபாவளி வருகிறது. இதிலும் சுமார் 300 ஆண்டுகளுக்கு பிறகு புரட்டாசி மாதத்தின் கடைசி சனிக்கிழமையில் வரும் தீபாவளி மிகவும் அபூர்வமானது.

புரட்டாசி மாதம் என்பது மகாவிஷணுவுக்கு உகந்த மாதம். இந்த மாதத்தில் புலால் உண்ணாமல் விரதமிருந்து, துளசிபூஜை செய்து கடவுளை வழிபட்டால், வறுமை நீங்கி, செல்வம் பெருகி, வாழ்க்கை வளமாகும் என்பது ஒதீகம்.

இதேபோல் புரட்டாசி மாதத்தில் வரும் சனிக்கிழமைகளில் எல்லா வைணவக் கோயில்களிலும் சிறப்பு வழிபாடுகள் நடத்தப்படும். புலால் உண்ணாமல் விரதம் இருப்பவர்கள் இந்த மாதத்தின் கடைசி சனிக்கிழமையில் சிறப்பு பூஜைகள் செய்து தங்கள் விரதத்தை நிறைவு செய்து கொள்வார்கள். இந்த வருடம் இப்படிப்பட்ட புரட்டாசி மாதத்தின் கடைசி (5வது) சனிக்கிழமையில் அமாவசை நாளில் தீபாவளி பண்டிகை வருகிறது.

அபூர்வமான தீபாவளி திருநாள், 300 வருடங்களுக்கு பிறகு இந்த வருடத்தில் தான் அமைந்துள்ளது என்பது பஞ்சாங்க குறிப்புகள் மூலம் தெரியவந்துள்ளது.