கல்யாண வாழ்க்கை மகிழ்ச்சியாக இருந்தால் மனைவி நிம்மதியாக உறங்குவாராம்

by **சிவா** Thu Sep 29, 2011 8:12 am

First topic message reminder :

கல்யாண வாழ்க்கை மகிழ்ச்சியாக இருந்தால் மனைவி நிம்மதியாக உறங்குவாராம். அமெரிக்காவின் மின்னிசோட்டா நகரில் நடந்த தூக்கம் சார்ந்த விழிப்புணர்வு கூட்டத்தில் இந்த ஆய்வுத் தகவலை வெளியிட்டிருக்கிறார்கள்.

மனக்குழப்பத்தாலும், கேலி கிண்டலாலும் பாதிக்கப்பட்ட பெண்கள் ஓரளவு தூக்கத்தை தொலைக்கிறார்கள். ஆனால் கணவரால் அலட்சியப்படுத்தப்பட்டு, அவரால் முழு மகிழ்ச்சியைப் பெற முடியாத பெண்கள் முழுமையாக தூக்கத்தை தொலைத்துவிட்டு அவதிப்படுகிறார்கள் என்கிறது, புது ஆய்வு.

இந்த விஷயத்தில் ஆண்களின் நிலை நேர்மாறாக இருக்கிறதாம். பெரிய அளவில் மனைவி புறக்கணித்தால் மட்டுமே ஆண்கள் தூக்கத்தை தொலைப்பதாக தெரியவந்திருக்கிறது. மனைவியின் லேசான அலட்சியம் எல்லாம் ஆண்களின் தூக்கத்தை பாதிப்பதில்லையாம்.

35 இளம் தம்பதிகளை தொடர்ந்து 10 நாட்கள் ஆய்வு செய்தபிறகு இந்த ஆய்வு முடிவு வெளியிடப்பட்டது. மனைவியின் உணர்வுகளுக்கும், தேவைகளுக்கும் கணவர் ஒத்துழைப்பு கொடுத்து கவனித்துக்கொண்டால் அவள் நிம்மதியாக தூங்குகிறாளாம். அப்படி இல்லாதபோது, அவளது ஏக்கங்கள் தூக்கத்தை கெடுத்துவிடுகிறது. உங்கள் மனைவி, ஏங்காமல் தூங்கட்டுமே!

by **krishnaamma** Thu Sep 29, 2011 11:40 am

nadesmani wrote:ஆமாம், நான் நல்லவனா கெட்டவனா? ஆனா ரொம்ப பேரு சொல்ராங்க நான் கெட்டவன், பொல்லாதவன் அப்படி இப்படின்னு. ஏன் ரொம்ப தூரம் போகனும்.
ஒரு முறை உள்ளூர் நாடகத்தில நடிக்க தேர்வுக்கு வரச்சொன்னாங்க. சிவா சார் நல்லா கேட்டுக்குங்க ஆடிசன் உங்க ஊர் பக்கம்தான பிரிக்பீல்ட் ல .
எங்க வீட்டு அம்மா ( அம்மான்னா சொன்னாலே கும்பிடு போடனும்ல) அதான். நடிக்கப் போரேன்னு சென்னது தான் தாமதம், உடனே என் இல்லத்தரசி ' யோவ் வீட்ல நீ நடிச்சது போதும், இந்த லட்சணத்தில வெளியில வேற நடிக்கனுமான்னு கட்டள போட்டாங்க. அன்றைக்கு வெந்து, நொந்தவன்தான். இன்னைக்கு வரைக்கும் சதிபக்தனாக இருக்கேன்.

ரொம்ப போராடிக்குதா, மன்னிச்சிடுங்க. என் சோகக் கதையை வேற எங்க சொல்லமுடியும். இப்பதான் மனசு கொஞ்சம் லேசா இருக்குங்க நாமி.

உங்க சோக கதையை எங்க கிட்ட சொல்லாம வேற யார் கிட்ட சொல்றது, போகட்டும் அது யாருங்க 'நாமி', உங்க மாமி கிட்ட கேட்ட சொல்வளா?

அப்பாவி, ஒன்னும் புரியல

கிருஷ்ணாம்மா ஜாலி

by **உமா** Thu Sep 29, 2011 11:53 am

முற்றிலும் உண்மை...

by ரேவதி Thu Sep 29, 2011 11:59 am

இது ஏதோ பெரியவங்க செய்தி போல......நான் அய்யோ, நான் இல்லை

by krpr Thu Sep 29, 2011 12:10 pm

பொதுவாக மகிழ்ச்சி இருந்தால் தூக்கம் வரும். அவளவுதான்.

by **பிரசன்னா** Thu Sep 29, 2011 12:21 pm

சிவா wrote:
இந்த விஷயத்தில் ஆண்களின் நிலை நேர்மாறாக இருக்கிறதாம். பெரிய அளவில் மனைவி புறக்கணித்தால் மட்டுமே ஆண்கள் தூக்கத்தை தொலைப்பதாக தெரியவந்திருக்கிறது. மனைவியின் லேசான அலட்சியம் எல்லாம் ஆண்களின் தூக்கத்தை பாதிப்பதில்லையாம்.

முதலில் தலைமை அலுவலகத்தில் வேலை பார்க்கும் பொது அநேக நேரம் freeயா தான் இருப்பேன், வீட்டிற்கு காலை மற்றும் மாலை ஃபோன் செய்வேன் (இடையில் lunch break வீட்டிற்கு சாப்பிட வருவேன்).
அப்ப என் மனைவி சும்மா சும்மா ஃபோன் பண்ணி தொந்தரவு செயதிங்க என்பார், அதற்கு சமைக்கணும், துவைக்கணும் (fully automatic வாஷிங் மெஷின்), ரொம்ப busy என்பார்கள்...

இப்ப நான் Project Siteல் இருக்கிறேன் பல நாள்கள் ஃபோன் செய்ய முடிவதில்லை (வேலை பளு காரணமாக தான், திருமணம் ஆகி சில வருடங்கள் ஆனதால் இல்லை, நம்புங்க please) அடிக்கடி நான் ஃபோன் செய்வதில்லை என்று சொல்லி காட்டுவார், அதற்கு என் மீது உங்களுக்கு அக்கறை இல்லை என்றும் சொல்வார்கள்...

தனியாக ஒரு திரி ஆரம்பித்து - அலட்சியம் செய்வது யார்? ஆனா பெண்ணா? - தனியா ஒரு தலைப்பு வைத்து வோட்டெடுப்பு நடத்தலாம்

மனைவியின் லேசான அலட்சியம் எல்லாம் ஆண்களின் தூக்கத்தை பாதிப்பதில்லையாம்.

by **பிரசன்னா** Thu Sep 29, 2011 12:22 pm

krpr wrote:பொதுவாக மகிழ்ச்சி இருந்தால் தூக்கம் வரும். அவளவுதான்.

சரியா சொன்னிங்க...

by **மாணிக்கம் நடேசன்** Thu Sep 29, 2011 12:52 pm

அன்புள்ள கிருஷ்ணம்மா அக்கா, இந்த தம்பிய முதல்ல முழுமையா ஆசீர்வாதம் பண்ணுங்க. அதென்ன முழுமையா ன்னு நீங்க அங்க சத்தம் போடரது இங்க எனக்கு கேட்குது. ஆசிய மட்டும் நீங்க எடுத்துக் கிட்டு வாதத்தை எனக்கு கொடுத்திடாதீங்க. அப்படியை எடுத்துக்கிட்டாலம் அதுக்கென்ன பரவாயில்லை. அக்காவுக்காக தம்பி விட்டுக் கொடுத்திடரேன்.
நான் சாமின்னு தான் டைப் பண்ண நினைச்சேன். அந்த சமயம் பார்த்து என் வீட்டுக்கார அம்மா வந்திட்டாங்க பயத்தில தப்பா நாமின்னு டைப் பண்ணிட்டேன்.
இப்படி ஒரு பொண்ண என் தலையில கட்டி வச்சிட்டீங்களே அக்கா
தம்பி நிலைமைய ஒரு தடவையாவது வந்து எட்டி பாத்தீங்களா அக்கா.

சும்மா ஒரு காமிடிக்காக இப்படி எழுதிட்டேன். தப்பா இருந்தா மன்னிச்சிடுங்க.

உண்மையாக சொல்ரன். நான் நல்லா தூங்குவேன். ஒரு நாளைக்கு 9லிருந்த 10 மணி நேரம் எனது தூக்கம்.