சீனாவில் பயங்கர ரெயில் விபத்து; 245 பயணிகள் படுகாயம்

**சிவா** · **சிவா** Wed 28 Sep 2011 - 11:41

சீனாவில் பயங்கர ரெயில் விபத்து; 245 பயணிகள் படுகாயம். சிக்னல் கோளாறால் சுரங்கப்பாதையில் 2 ரெயில்கள் மோதிக்கொண்டன

சீனாவின் வர்த்தக நகரான ஷாங்காய் சுரங்கப்பாதை வழியாக அதிவேக மெட்ரோ ரெயில்கள் இயக்கப்பட்டு வருகிறது. நேற்று பகலில் ஷாங்காய் சுரங்கப்பாதையில் ரெயில் இயக்கத்தை கட்டுப்படுத்தும் சிக்னலில் நேற்று பகல் 2.10 மணி அளவில் திடீரென்று கோளாறு ஏற்பட்டது.

இதன்காரணமாக ஷாங்காய் சுரங்கப்பாதையில் பகல் 2.51 மணி அளவில் அதிவேகமாக சென்ற 2 ரெயில்கள் திடீரென்று ஒன்றுடன் ஒன்று மோதிக்கொண்டன. இதில் ரெயிலில் பயணம் செய்த பயணிகள் 245 பேர் படுகாயம் அடைந்தனர். மேலும் ரெயிலின் இடிபாடுகளுக்குள் சிக்கிய 500 பேரை மீட்புக்குழுவினர் மீட்டனர்.

இந்த விபத்தில் காயம் அடைந்த அனைவரும் அந்த பகுதிகளில் உள்ள ஆஸ்பத்திரிகளில் சிகிச்சைக்காக அனுமதிக்கப்பட்டுள்ளனர்.

இதேபோன்று சிக்னல் கோளாறு காரணமாக கடந்த ஜுலை மாதம் 24-ந் தேதி ஏற்பட்ட மெட்ரோ ரெயில் விபத்தில் 40 பேர் பலியானது குறிப்பிடத்தக்கது.