Latest topics

மகாளய அமாவாசை ராமேசுவரத்தில் 50 ஆயிரம் பக்தர்கள் குவிந்தனர்; அக்னி தீர்த்த கடலில் புனித நீராடினர்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மகாளய அமாவாசை ராமேசுவரத்தில் 50 ஆயிரம் பக்தர்கள் குவிந்தனர்; அக்னி தீர்த்த கடலில் புனித நீராடினர்

Post by இளமாறன் Wed Sep 28, 2011 1:58 am

ராமேசுவரம், செப். 27-

மகாளய அமாவாசையை முன்னிட்டு ராமேசுவரத்தில் 50 ஆயிரம் பக்தர்கள் இன்று குவிந்தனர். ஆடி அமாவாசை, தை அமாவாசை, மாசி, சிவராத்திரி, மகாளய அமாவாசை மற்றும் ஒவ்வொரு மாத அமாவாசைகளில் ராமேசுவரத்திற்கு பக்தர்கள் குவிந்து அக்னி தீர்தத கடலில் புனித நீராடுவார்கள். பின்னர் முன்னோர்கள் ஆத்மா சாந்தியடைய தர்ப்பணம் செய்வார்கள்.

இன்று மகாளய அமாவாசை ஆகும். இதையொட்டி நேற்று இரவே பஸ், கார், வேன்களில் தமிழ்நாட்டில் பல்வேறு இடங்களில் இருந்து பக்தர்கள் குவிந்தனர். இன்று அதிகாலை 3 மணி அளவில் அக்னி தீர்த்த கடலில் பக்தர்கள் புனித நீராடி முன்னோர்கள் ஆத்மா சாந்தியடைய தர்ப்பணம் செய்தனர். பின்னர் திருக்கோவிலில் உள்ள 22 புனித தீர்த்தங்களில் நீராடி சுவாமி தரிசனம் செய்தனர். சுமார் 50 ஆயிரம் பக்தர்கள் அக்னி தீர்த்த கடலில் புனித நீராடினர்.

மகாளய அமாவாசையை யொட்டி மதுரை, திருச்சி, சிவகங்கை மற்றும் முக்கிய பகுதிகளில் இருந்து சிறப்பு பஸ்கள் இயக்கப்பட்டன. ராமேசுவரம் டி.எஸ்.பி. மணிவண்ணன் தலைமையில் ஏராளமான போலீசார் பாதுகாப்பு பணியில் ஈடுபட்டனர். பக்தர்களுக்கு வேண்டிய வசதிகளை கோவில் இணை ஆணையர் ராஜமாணிக்கம், தக்கார் ராஜாகுமரன் சேதுபதி ஆகியோர் செய்திருந்தனர். மாலைமலர்

நேசி.. உன்னை நீ நேசிப்பது போல பிறரையும் நேசி

நட்புடன் என்றும்... உங்கள் நண்பன் இளமாற‌ன்

மகாளய அமாவாசை ராமேசுவரத்தில் 50 ஆயிரம் பக்தர்கள் குவிந்தனர்; அக்னி தீர்த்த கடலில் புனித நீராடினர் Ila

இளமாறன்: மன்ற ஆலோசகர்; பதிவுகள் : 13977
இணைந்தது : 29/12/2009