அன்புச் சகோதரிக்கு ஒரு சிலேடைக் கவிதை

nandhtiha · nandhtiha Tue Sep 22, 2009 6:36 pm

First topic message reminder :

வணக்கம்
அன்புச் சகோதரி மீனுவுக்கு
இதோ உனக்காக ஒரு சிலேடைக் கவிதை

சங்கத்தைத் தாங்குதலால் தண்மை பொருந்துதலால்
எங்கும் பரவி இருத்தலால்-அங்கத்தில்
ஐந்து மமைவுறலா லாரணங்கே ஒர்ந்துபார்
செந்தமிழே மாலாகும் தேர்

அழகிய பெண்ணே

தமிழ்ச் சங்கம் வளர்த்ததாலும் குளுமை பொருந்தியதாலும் உலகில் எல்லா மொழிகளுக்கும் உயிரெனப் பாவி
இருத்தலாலும் தமிழ்த்தாய் தன் அங்கத்தில் ஐம்பெருங்காப்பியத்தை அணிதலால் –செந்தமிழும்

பாஞ்சஜன்யம் என்னும் சங்கைத்தாங்குதலாலும் குளிர்ச்சி பொருந்திய தண்ணீரில் சயனித்திருப்பதாலும்
(குளுமை பொருந்திக் காக்கும் கடவுளாதலாலும்) தன்னுடைய அங்கத்தில் ஐந்து விதமான
ஆயுதங்களத் தரித்தலாலும் –திருமாலும்

ஒன்றெனத் தெரிந்து கொள்வாயாக
அன்புடன்
நந்திதா

nandhtiha · nandhtiha Wed Sep 23, 2009 12:13 pm

வணக்கம்
அன்புடை இளவல்
நீண்ட மடல் படித்தேன்.

என் புகழுக்காக இதை இங்கே தெரியப் படுத்தவில்லை சகோதரி என்று எழுதி இருந்தீர்கள். தன்னைப் புகழ்தலும் தகும் புலவோர்க்கே என்பது தமிழ் கண்ட நெறி. அவையடக்கம் புலவர்க்கு வேண்டியதாயினும் சிற்சில சமயங்களில் தன்னைப் பற்றிக் கூறவேண்டியது அவசியமாகிறது.

இம்மென்னு முன்னே எழுநூறும் எண்ணூறும்
அம்மென்றால் ஆயிரம் பாட்டாகாதோ - சும்மா
இருந்தால் இருப்பேன்; எழுந்தேனே யாயின்
பெரும்காள மேகம் பி(ள்)ளாய்'
என்று கவி காளமேகமும் கூறினாரல்லவா. நீ பெற்ற புகழையெல்லாம் தமிழ்த்தாயின் மலரடியில் சாற்றும் நின் தனித் தன்மைபோற்றற்குரியது
தன் மகனைச் சான்றோன் எனக் கேட்ட நின் தாய் நிச்சயம் மகிழ்வாள்
அன்புடன்
நந்திதா

வித்யாசாகர் · வித்யாசாகர் Wed Sep 23, 2009 12:20 pm

வணக்கம்!

மகிழ்ந்தேன் சகோதரி. என் மகிழ்வும் உங்களின் வாழ்த்தும் இன்னும் அரிய பல படைப்புகளையே தர, எனை முன் வைக்குமென பணிவன்புடன் தெரிவிக்கிறேன் சகோதரி.

மிக்க நன்றி! அன்புச் சகோதரிக்கு ஒரு சிலேடைக் கவிதை - Page 2 678642

அன்புச் சகோதரிக்கு ஒரு சிலேடைக் கவிதை - Page 2 678642

**கா.ந.கல்யாணசுந்தரம்** · 28/02/2009

அன்புச் சகோதரி நந்திதா அவர்களுக்கு,
சிலேடைக் கவிதை எழுதுவது என்பது அவ்வளவு எளிதல்ல.
அருமை, பாராட்டுக்கள்.

......கா. ந. கல்யாணசுந்தரம்.

nandhtiha · nandhtiha Wed Sep 23, 2009 2:27 pm

வணக்கம்
அனைவ்ருக்கும் என் நன்றி
அன்புடன்
நந்திதா

மீனு · மீனு Wed Sep 23, 2009 2:33 pm

வணக்கம் நந்திதா அக்கா ,நலமா அக்கா, இனிய வணக்கங்கள் அக்கா ..

nandhtiha · nandhtiha Wed Sep 23, 2009 2:39 pm

வணக்கம்
நலமாக இருக்கிறேன். நலமறிய விரும்புகிறேன்
நின்னைக் கொடியாகக் கொண்டதனால் தான் (மீன் கொடி) பாண்டி நாட்டில் தமிழ் வளர்ந்தது.
ஈகரையில் நின் கொடி பறப்பதனால் இங்கும் தமிழ் வளர்கிறது
அன்புடன்
நந்திதா

அன்பு தளபதி · அன்பு தளபதி Wed Sep 01, 2010 4:42 pm

சூப்பர்

அப்புகுட்டி · அப்புகுட்டி Wed Sep 01, 2010 6:06 pm

இன்னும் தமிழ் படிக்க ஆவலாக உள்ளது சான்சே இல்ல

Sponsored content · Sponsored content

அன்புச் சகோதரிக்கு ஒரு சிலேடைக் கவிதை

அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

Re: அன்புச் சகோதரிக்கு ஒரு சிலேடைக் கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக