லாரி மோதி 3 பள்ளி மாணவர்கள் பலி

திருவள்ளூர் மாவட்டம் வெள்ளியூரில் பஸ் நிறுத்ததில் இன்று காலை பள்ளிக்கூடம் கல்லூரிகளுக்கு செல்வதற்காக ஏராளமான மாணவர்கள் மற்றும் வேலைக்கு செல்ல என பலர் பஸ்சுக்காக காத்து இருந்தனர்.

அப்போது தறிகெட்டு ஓடிய மணல் லாரி ஒன்று பஸ்நிறுத்ததில் காத்து நின்றவர்கள் மீது மோதியது இதில் 3 மாணவர்கள் பலியானார்கள் . இவர்கள் அனைவவரும் +2 மாணவர்கள் . மேலும் 7 பேர் படுகாயம் அடைந்தனர்.இவர்கள் அனைவரும் சிகிச்சைக்காக மருத்துவமனையில் அனுமதிக்கபட்டு உள்ளனர்.

அல்லாஹு அக்குபர் ............

வெங்கல் அருகே ஓட்டலுக்குள் லாரி புகுந்து 4 மாணவர்கள் பலியானார்கள். இதையொட்டி பொதுமக்கள் மற்றும் மாணவ-மாணவிகள் சாலை மறியல் போராட்டத்தில் ஈடுபட்டனர்.

மாணவர்கள் பலி

திருவள்ளூர் மாவட்டம் வெங்கல் அருகே திருவள்ளூர்- செங்குன்றம் நெடுஞ்சாலையில் வெள்ளிïர் கிராமத்தில் அரசு மேல்நிலைப்பள்ளி உள்ளது. அங்கு 2026 மாணவ-மாணவிகள் படித்து வருகின்றனர். நேற்று காலை அந்த பள்ளியை சேர்ந்த மாணவர்கள் பள்ளிக்கு எதிரே உள்ள ஓட்டலில் அமர்ந்து சாப்பிட்டுக்கொண்டிருந்தனர். அப்பேது எறைரில் இருந்து செங்குன்றம் நோக்கி மண் ஏற்றிக்கொண்டு சென்ற டிப்பர் லாரி கட்டுப்பாட்டை இழந்து சாலையோர ஓட்டலுக்குள் புகுந்து பள்ளத்தில் இறங்கியது.

இதில் ஓட்டலில் சாப்பிட்டுக்கொண்டிருந்த 12-ம் வகுப்பு மாணவர்கள் முனுசாமி, மோகன் தாஸ், ராஜ்குமார், தம்பிதுரை, செல்வகுமார், சபாபதி, ராஜ்பரத், நாகராஜ் ஆகியோர் படுகாயம் அடைந்தனர்.

அவர்கள் சிகிச்சைக்காக திருவள்ளூர் அரசு ஆஸ்பத்திரியில் அனுமதிக்கப்பட்டனர். அவர்களில் முனுசாமி, மோகன்தாஸ், ராஜ்குமார் ஆகியோர் வழியிலேயே இறந்து விட்டதாக டாக்டர்கள் தெரிவித்தனர்.

சாலை மறியல்

மேலும் படுகாயம் அடைந்த 3 பேர் சென்னை அரசு ஆஸ்பத்திரியிலும், 2 பேர் திருவள்ளூர் அரசு ஆஸ்பத்திரியிலும் அனுமதிக்கப்பட்டனர்.

விபத்து நடந்ததும் லாரி டிரைவர் தப்பி ஓடிவிட்டார்.

தகவல் அறிந்ததும் மாணவ-மாணவிகள் மற்றும் பொதுமக்கள் சாலை மறியலில் ஈடுபட்டனர். உடனடி நிவாரணத்தொகை வழங்க வேண்டும். பள்ளிக்கு அருகில் வேகத்தடை அமைக்க வேண்டும். எறைïர், மெய்ïர், அரும்பாக்கம் பகுதிகளில் நடைபெறும் மண் குவாரிகளை தடை செய்யவேண்டும். பள்ளி நேரத்தில் லாரி போக்குவரத்துக்கு தடை விதிக்க வேண்டும் என்று கூறி ஆர்ப்பாட்டத்தில் ஈடுபட்டனர்.

சம்பவ இடத்திற்கு அமைச்சர் ரமணா, மணிமாறன் எம்.எல்.ஏ., வடக்கு மண்டல ஐ.ஜி சைலேந்திரபாபு, காஞ்சீபுரம் சரக டி.ஐ.ஜி. திருஞானம், போலீஸ் சூப்பிரண்டு வனிதா உள்ளிட்டோர் விரைந்து சென்று பேச்சுவார்த்தையில் ஈடுபட்டனர்.

மேலும் ஒரு மாணவர் சாவு

இதற்கிடையே படுகாயம் அடைந்து சென்னை அரசு ஆஸ்பத்திரியில் அனுமதிக்கப்பட்டவர்களில் சபாபதி என்ற மாணவர் சிகிச்சை பலன் இன்றி மரணம் அடைந்தார். இதனால் பலியானவர்கள் எண்ணிக்கை 4 ஆக உயர்ந்தது.

மற்றொரு இடத்தில் மறியல்

சம்பவ இடத்திற்கு மாவட்ட முதன்மை கல்வி அலுவலர் செல்வகுமாரி, மாவட்ட கல்வி அலுவலர் கிருபாகரன் விரைந்து சென்று பேச்சுவார்த்தை நடத்தினர். நேற்று பள்ளிக்கு விடுமுறை அறிவிக்கப்பட்டது. முடிவில் 5 இடங்களில் வேகத்தடை அமைப்பது என்றும், மற்ற கோரிக்கைகள் குறித்து உரிய நடவடிக்கை எடுக்கப்படும் என்றும் தெரிவித்தனர். அதன் பின் மறியல் செய்தவர்கள் கலைந்து சென்றனர். மறியல் போராட்டம் காரணமாக வாகனங்கள் மாற்றுப்பாதையில் திருப்பி விடப்பட்டன.

லாரி மோதி மாணவர்கள் பலியானதையடுத்து திருநின்றவூரில் இருந்து தாமரைப்பாக்கம் கூட்டுச்சாலை செல்லும் வழியான கணக்கம்பேடு இந்திரா நகரில் லாரிகள் வேகமாக செல்வதாக கூறி பொதுமக்கள் மறியலில் ஈடுபட்டனர். வெங்கல் இன்ஸ்பெக்டர் சண்முகம் தலைமையில் போலீசார் விரைந்து சென்று சமரச பேச்சுவார்த்தையில் ஈடுபட்டனர்.

இதே போல் மற்றும் ஒரு பதிவு இருக்கு சிவா, இப்ப தான் பின்னூட்டம் போட்டேன்