அதிமுகவில் மனைவிக்கு சீட் கிடைக்கவில்லை: கணவன் தற்கொலை

by kitcha Mon Sep 26, 2011 4:08 pm

பெரம்பலூர் மாவட்டம், வேப்பந்தட்டை ஒன்றியம், இனாம் அகரம் கிராமத்தை சேர்ந்தவர் மன்னன் என்கிற செங்கமலை (வயது 65) இவர் அதிமுக கிளை செயலாளராக இருக்கிறார்.

வரும் பஞ்சயத்து தேர்தலில் வேப்பந்தட்டை ஒன்றிய ககவுன்சிலர் பதவிக்கான தேர்தலில் போட்டியிட தனது மனைவி சின்னம்மாளுக்கு (வயது 53) அ.தி.மு.க சார்பில் போட்டியிட வாய்ப்பு கொடுக்கும் படி பெரம்பலூர் மாவட்ட அ.தி.மு.க நிர்வாகிகளிடம் விருப்பமனு கொடுத்துள்ளார்.

ஆனால், அ.தி.மு.க மாவட்ட நிர்வாகம் செங்கமலையின் மனைவி சின்னம்மாளுக்கு போட்டியிட வாய்ப்பு கொடுக்கப்படவில்லை. இதனால், மனமுடைந்து போன செங்கமலை நேற்று (25/09/2011) காலை பத்து மணிக்கு அகரத்தில் உள்ள தனது வீட்டில் விஷம் குடித்து விட்டார். தகவல் தெரிந்து உறவினர்கள் செங்கமலையை பெரம்பலூர் அரசு மருத்துவமனைக்கு கொண்டு சென்றனர்.

மருத்துவமனைக்கு செல்லும் வழியிலேயே செங்கமலை பரிதாபமாக உயிரிழந்தார். இது குறித்து வி.களத்தூர் போலீஸ் இன்ஸ்பெக்டர் பொறுப்பு செல்வம் விசாரணை செய்து வருகிறார்.

நக்கீரன்