பிரதமருக்கு 79 வயது: பிறந்த நாளை, விமானத்தில் கொண்டாடினார்

by **சிவா** Mon Sep 26, 2011 1:35 pm

பிரதமர் மன்மோகன்சிங் குக்கு இன்று 78 வயது முடிந்து 79-வது வயது பிறந்தது. 6 நாள் அரசு முறைப் பயணமாக அமெரிக்கா சென்றிருந்த பிரதமர் மன் மோகன்சிங் தற்போது நாடு திரும்பிக் கொண்டிருக்கிறார். விமானத்தில் பிரதமர் மன்மோகன்சிங் தனது 79-வது பிறந்த நாளை கொண்டாடினார்.

அவருக்கு அரசு உயர் அதிகாரிகள் பிறந்த நாள் வாழ்த்து தெரிவித்தனர்.

இதையடுத்து விமானத்தில் அவருடன் வந்த அனைவருக்கும் இனிப்பு வழங்கப்பட்டது. பிரதமர் மன்மோகன்சிங் வெளிநாட்டு பயணத்தின் போது தன் பிறந்த நாளை கொண்டாடுவது, இது நான்காவது முறையாகும். கடந்த 2004-ம் ஆண்டு அமெரிக்கா சென்றிருந்த போதும், அவர் விமானத்தில் பிறந்த நாளை கொண்டாடியது குறிப்பிடத்தக்கது.

பிரதமர் மன்மோகன் சிங் பாகிஸ்தானில் உள்ள பஞ்சாப் மாகாணத்தில் 1932-ம் ஆண்டு சர்தார் குருமுக் சிங்-அம்ரித் கவுர் தம்பதிக்கு மகனாக பிறந்தார். ஆனால் அவரது உண்மையான பிறந்த நாள் எது என்று தெரியவில்லை. அவரை பள்ளியில் சேர்த்த போது மன்மோகன்சிங் செப்டம்பர் 26-ந் தேதி பிறந்ததாக பதிவு செய்தனர். அன்று முதல் மன்மோகன்சிங் செப்டம்பர் 26-ந் தேதியை பிறந்த நாளாகக் கொண்டாடி வருகிறார்.

பிரதமர் மன்மோகன்சிங்குக்கு, தி.மு.க. தலைவர் கருணாநிதி பிறந்த நாள் வாழ்த்து செய்தி அனுப்பி உள்ளார். அதில் அவர் கூறி இருப்பதாவது:-

உங்களது நீண்ட நாள், பலதரப்பட்ட அனுபவம் மூலம், கணக்கில் அடங்காத பிரச்சினைகள் உள்ள போதிலும் நீங்கள் தெளிவாக நாட்டை வழி நடத்தி செல்கிறீர்கள். உங்களுக்கு பிறந்த நாள் வாழ்த்துக்களை தெரிவித்துக் கொள்கிறேன். நீண்ட ஆயுளும், நல்ல உடல் நலமும், மகிழ்ச்சியும் பெற மீண்டும் வாழ்த்துகிறேன்.

இவ்வாறு அந்த வாழ்த்து செய்தியில் கூறப்பட்டுள்ளது.

மாலைமலர்

by ரேவதி Mon Sep 26, 2011 1:40 pm

என்றும் நல்ல உடல் நலமும், மகிழ்ச்சியும் பெற்று 1000 ஆண்டுகள் வாழ வாழ்த்துகிறோம் என்று வாழ்த்து சொல்ல மனம் வரவில்லை பிரதமரே!!

பிரதமருக்கு 79 வயது: பிறந்த நாளை, விமானத்தில் கொண்டாடினார்

பிரதமருக்கு 79 வயது: பிறந்த நாளை, விமானத்தில் கொண்டாடினார்

Re: பிரதமருக்கு 79 வயது: பிறந்த நாளை, விமானத்தில் கொண்டாடினார்