ராஜபக்சேக்கு சம்மன்: அமெரிக்கா கோர்ட்டு அனுப்பியது

by **சிவா** Mon Sep 26, 2011 1:28 pm

இலங்கையில் இறுதிப் போர் நடந்த போது, பல்லாயிரக்கணக்கான மக்களை சிங்கள ராணுவம் குண்டு வீசி கொன்று குவித்தது. சரண் அடைந்த விடுதலைப் புலிகளும் ஈவு இரக்க மின்றி, சித்ரவதை செய்து கொல்லப்பட்டனர். விடுதலைப்புலிகள் அமைப்பில் கர்னலாக இருந்த ரமேஷ் என்பவரும் கத்தியால் குத்தி சித்ரவதை செய்து படுகொலை செய்யப்பட்டார்.

அவர் சித்ரவதை செய்யப்பட்ட காட்சிகள் இணையதளங்களில் வெளியாகி பரபரப்பை ஏற்படுத்தின.

ரமேஷ் கொல்லப்பட்டது, போர் குற்றம் என்று அவரது மனைவி வத்சலாதேவி கடந்த 22-ந் தேதி அமெரிக்க கோர்ட்டு உதவியை நாடி உள்ளார்.

நியூயார்க் கோர்ட்டில் அவர் தாக்கல் செய்த மனுவில், ராஜபக்சே மற்றும் சிங்கள ராணுவம் மீது உரிய நடவடிக்கை எடுக்க வேண்டும் என்று கூறி இருந்தார்.

வத்சலா தேவியின் மனு நியூயார்க் தெற்கு மாவட்ட கோர்ட்டில் விசாரணைக்கு எடுத்துக் கொள்ளப்பட்டது. வத்சலா தேவி சார்பில் ருத்ரகுமாரன் ஆஜரானார். வக்கீல் வாதம் முடிந்த பிறகு இலங்கை அதிபர் ராஜபக்சே கோர்ட்டில் ஆஜராக சம்மன் அனுப்ப நியூயார்க் கோர்ட்டு நீதிபதி உத்தரவிட்டார்.

இது சிங்களர்களுக்கு கடும் அதிர்ச்சியை கொடுத்துள்ளது. நியூயார்க் கோர்ட்டு சம்மன் அனுப்பியதைத் தொடர்ந்து ராஜபக்சே அவசரம், அவசரமாக கொழும்பு திரும்புகிறார்.

மாலைமலர்

அருமையான செய்தி ... மகிழ்ச்சி

இது அவனுக்கு மரண அடியாக இருக்கவேண்டும்.

by **சிவா** Mon Sep 26, 2011 1:39 pm

Sundararaj Thayalan wrote:அருமையான செய்தி ... இது அவனுக்கு மரண அடியாக இருக்கவேண்டும்.

ஆம் அண்ணா, இதுதான் உலகிலுள்ள அனைத்துத் தமிழர்களின் ஆசையும்!

by kitcha Mon Sep 26, 2011 1:50 pm

ஐரோப்பிய நாடுகள் சேர்ந்து அவனுக்கு நிச்சயம் தண்டனை வாங்கிக் கொடுக்கணும். காலம் ஒரு நாள் வரும்.காலனும் ஒரு நாள் வருவான்

அவனுக்கு உதவிய காங்கிரேசுக்கு தண்டனை இங்கும் மக்கள் தருவார்கள்,தேர்தல் நேரத்தில்