அமெரிக்காவின் செயற்கைகோள் கனடாவில் விழுந்துள்ளது: நாசா தகவல்

by **இளமாறன்** Sat Sep 24, 2011 5:31 pm

அமெரிக்காவின் செயற்கைகோள் கனடாவில் விழுந்துள்ளது: நாசா தகவல் (வீடியோ இணைப்பு)
[ சனிக்கிழமை, 24 செப்ரெம்பர் 2011, 11:45.48 மு.ப GMT ]
6 டன் எடை கொண்ட அமெரிக்க செயற்கைக் கோள் யு.ஏ.ஆர்.எஸ் கனடாவில் விழுந்துள்ளதாக நாசா தெரிவித்துள்ளது.

அமெரிக்காவின் நாசா விண்வெளி மையம் கடந்த 1991ம் ஆண்டு உயர் வளிமண்டல ஆராயச்சி செயற்கைக்கோளை(யு.ஏ.ஆர்.எஸ்) விண்ணில் செலுத்தியது. அது பூமியின் வளி மண்டலம் குறித்த பல தகவல்களை அனுப்பி வந்தது. கடந்த 2005ம் ஆண்டோடு அந்த செயற்கைக்கோள் செயலிழந்தது.

அதன்பின் பூமியை வெறுமனே சுற்றி வரும் பல செயற்கைக்கோள்களை போல யு.ஏ.ஆர்.எஸ் செயற்கைக்கோளும் பூமியை சுற்றி வந்தது. இந்நிலையில் எதிர்பாராவிதமாக அது பூமியின் ஈர்ப்பு விசையால் கவரப்பட்டு பூமியை நோக்கி வந்து கொண்டிருப்பதை விஞ்ஞானிகள் கண்டுபிடித்தனர்.

யு.ஏ.ஆர்.எஸ் செயற்கைக்கோள் மொத்தம் 6.5 டன் எடை கொண்டது. இது நூற்றிற்கும் மேற்பட்ட துண்டுகளாக உடைந்து வளிமண்டலத்தில் எரிந்து கொண்டே பூமியை அடையும்.

இதில் ஏறக்குறைய பல துண்டுகள் வளிமண்டலத்திலேயே எரிந்துவிட்டாலும், சில பெரிய துண்டுகள் பூமியை அடைந்து விபத்துகளை ஏற்படுத்தலாம். அந்த பெரிய துண்டுகள் அதிகபட்சமாக 136 கிலோ வரை இருக்கலாம் என தெரிகிறது என்று நாசா வி்ஞ்ஞானிகள் கூறியிருந்தனர்.

இந்த நிலையில் இந்த செயற்கைக் கோள் கனடாவில் வந்து விழுந்து கொண்டிருப்பதாக நாசா தகவல்கள் தெரிவிக்கின்றன. பல துண்டுகளாக உடைந்து பெரும் குப்பை போல இந்த செயற்கை கோளின் பாகங்கள் கனடாவில் விழுந்துள்ளன.

இதுதொடர்பாக ட்வீட்டர் மூலம் தகவல்கள் வந்து கொண்டுள்ளன. மேற்கு கனடாவில் உள்ள கல்காரியின் தெற்கில் உள்ள ஓகோடோக்ஸ் என்ற பகுதியில் இந்த செயற்கைக் கோள் விழுந்துள்ளதாக கூறப்படுகிறது.

இதற்கு முன்பு 1979ம் ஆண்டு அமெரிக்காவின் ஸ்கைலேப் பூமியில் விழுந்தது நினைவிருக்கலாம்.

அதேபோல 2001ம் ஆண்டு ரஷ்யாவின் 135 டன் எடை கொண்ட மிர் விண்கலம் பசிபிக் பெருங்கடலில் விழுந்தது. இதை ரஷ்ய விஞ்ஞானிகள் தரைக் கட்டுப்பாட்டின் மூலம் இயக்கி கடலில் கொண்டு போய் விழ வைத்தனர்.

ஆனால் தற்போது விழுந்துள்ள அமெரிக்க செயற்கைக்கோள் எரிபொருள் தீர்ந்து போய் விட்ட காரணத்தால் கட்டுப்பாட்டை இழந்து அதுவாகவே விழுந்துள்ளது.

by **சிவா** Sat Sep 24, 2011 9:21 pm

இப்பொழுதுதான் நிம்மதி. நேற்றிரவு முழுதும் நான் தூங்கவில்லை. எங்கே என் தலையில் விழுந்து விடுமோ என்ற பயம் தான் காரணம்.

by **krishnaamma** Sat Sep 24, 2011 10:39 pm

சிவா wrote:இப்பொழுதுதான் நிம்மதி. நேற்றிரவு முழுதும் நான் தூங்கவில்லை. எங்கே என் தலையில் விழுந்து விடுமோ என்ற பயம் தான் காரணம்.

by **சிவா** Sat Sep 24, 2011 10:44 pm

krishnaamma wrote:
சிவா wrote:இப்பொழுதுதான் நிம்மதி. நேற்றிரவு முழுதும் நான் தூங்கவில்லை. எங்கே என் தலையில் விழுந்து விடுமோ என்ற பயம் தான் காரணம்.

ம்ம்ம்ம்... என்னுடைய பயம் உங்களுக்கு சிரிப்பாக உள்ளது! அமெரிக்காவின் செயற்கைகோள் கனடாவில் விழுந்துள்ளது: நாசா தகவல் 865843

by vaira31 Sat Sep 24, 2011 10:46 pm

ஆமா ஆளாளுக்கு உங்கபெயரில் கிலிட்டர்-கலர் தூவிக்கிறீங்களே எப்படி

by **சிவா** Sat Sep 24, 2011 10:52 pm

vaira31 wrote:ஆமா ஆளாளுக்கு உங்கபெயரில் கிலிட்டர்-கலர் தூவிக்கிறீங்களே எப்படி

இந்தத் தளத்தில் இணைந்திருந்து சிறப்பாகச் செயல்படுபவர்களுக்கு அளிக்கப்படும் கௌரவப் பதவிகளால் இவ்வாறு கலர் மாறும் அண்ணா!

by **krishnaamma** Sat Sep 24, 2011 10:53 pm

சிவா wrote:
krishnaamma wrote:
சிவா wrote:இப்பொழுதுதான் நிம்மதி. நேற்றிரவு முழுதும் நான் தூங்கவில்லை. எங்கே என் தலையில் விழுந்து விடுமோ என்ற பயம் தான் காரணம்.

ம்ம்ம்ம்... என்னுடைய பயம் உங்களுக்கு சிரிப்பாக உள்ளது!

இல்ல இலல , சாரி சிவா புன்னகை

அதுக்கு தான் வேண்டியவங்க பக்கத்திலே இருக்கணும் என்கிறது, அப்ப பயம் இருக்காது, என்ன ஆனாலுலும் 'கூண்டோடு கைலாசம்'என்கிற உணர்வு இருக்கும் புன்னகை

சரியா?

அது சரி, மெயில் பார்த்தீங்களா, ஓகே வா? புன்னகை

by **krishnaamma** Sat Sep 24, 2011 10:56 pm

சிவா wrote:
vaira31 wrote:ஆமா ஆளாளுக்கு உங்கபெயரில் கிலிட்டர்-கலர் தூவிக்கிறீங்களே எப்படி

இந்தத் தளத்தில் இணைந்திருந்து சிறப்பாகச் செயல்படுபவர்களுக்கு அளிக்கப்படும் கௌரவப் பதவிகளால் இவ்வாறு கலர் மாறும் அண்ணா!

என்னத்த 'மினுக்குகிறது'? அழுகை

அதைத்தான் மூடிட்டீங்களே சிவா சோகம்

by **இளமாறன்** Sun Sep 25, 2011 12:35 am

இன்னும் சில துகள்கள் கலிபோர்னியா நோக்கி வந்து கொண்டிருக்கிறது 3 மணி நேரத்தில் விழும் என்று எதிர்பார்க்கிறார்கள் சோகம்

by **மாணிக்கம் நடேசன்** Sun Sep 25, 2011 6:04 am

அன்பு சிவா சொன்னது போல, எங்கள் நாட்டுப் ஆங்கிலப் பத்திரிக்கை (The Star Online) அப்படி ஒரு செய்தியை வெளியிட்டு இருந்த்து. ஒரு வேளை சிவா சார் அதைப் பார்த்துதான் பயந்து விட்டார் போல் இருக்கிறது. பயப்படாதீங்க சிவா சார், அது ராஜபக்சே தலையில தான் விழும். உங்களைப் போன்ற நல்லவர்கள் தலையில் அது விழாது.