கும்மிடிப்பூண்டி அரசு பள்ளி வகுப்பறையில் மாணவி தூக்குப் போட்டு தற்கொலை

பள்ளி மாணவி

கும்மிடிப்பூண்டியை அடுத்த மங்காவரம் கிராமத்தை சேர்ëந்தவர் ராமச்சந்திரன். தனியார் செக்கியூரிட்டி அதிகாரி. இவரது மகள் கவுசல்யா (வயது 15). கும்மிடிப்பூண்டி ரெட்டம்பேடு சாலையில் போலீஸ் நிலையம் எதிரே உள்ள அரசினர் மகளிர் மேல் நிலைப்பள்ளியில் 10-ம் வகுப்பு படித்து வந்தார்.

நேற்று காலை 8 மணிக்கு பள்ளிக்கு எதிரே உள்ள டியூசன் சென்டருக்கு செல்வதாக சென்ற கவுசல்யா அங்கு செல்லாமல் நேரே பள்ளிக்கு சென்றார். பின்னர்ë தனது வகுப்பறையில் புத்தகப் பையை வைத்து விட்டு அதே கட்டிடத்தின் மேல் மாடியில் உள்ள 8-ம் வகுப்பிற்கான அறைக்கு அழுது கொண்டே வேகமாக சென்றார். மாணவி தனியாக அழுது கொண்டு சென்றதையும், பின்னர் அங்கிருந்து அலறல் சத்தம் கேட்டதையும் தொடர்ந்து பள்ளிக்கு வந்திருந்த சக மாணவிகள் அங்கு சென்று பார்த்தனர்.

தூக்குப்போட்டு தற்கொலை

அப்போது மாணவி கவுசல்யா தூக்கில் தொங்கிக் கொண்டிருந்தார். இதனை கண்டு அதிர்ச்சி அடைந்த மாணவிகள் அவரை மீட்டு தனியார் ஆஸ்பத்திரியில் அனுமதித்தனர். அங்கு மாணவி கவுசல்யாவை பரிசோதித்த டாக்டர் அவர் ஏற்கனவே இறந்து விட்டதாக கூறினார்.

பள்ளியிலேயே மாணவி தூக்குப் போட்டு தற்கொலை செய்து கொண்ட சம்பவத்தை தொடர்ந்து நேற்று அந்த பள்ளிக்கு விடுமுறை விடப்பட்டது. அந்த பள்ளியில் நடைபெற இருந்த காலாண்டு தேர்வும் தள்ளி வைக்கப்பட்டது.

தகவல் அறிந்து சம்பவ இடத்திற்கு கும்மிடிப்பூண்டி போலீஸ் துணை சூப்பிரண்டு குமார் தலைமையில் இன்ஸ்பெக்டர் அசோக்மேத்தா, சப்-இன்ஸ்பெக்டர் மணிமொழி ஆகியோர் விரைந்து சென்று விசாரணை நடத்தினர். மாணவியின் உடலை போலீசார் பிரேத பரிசோதனைக்காக பொன்னேரி அரசு ஆஸ்பத்திரிக்கு அனுப்பி வைத்தனர்.

கடிதம் சிக்கியது

மாணவியின் புத்தக பையில் இருந்து கடிதம் மற்றும் சிறு சிறு துண்டு தாள்கள் கைப்பற்றப்பட்டது.

அதில் எழுதப்பட்டிருந்ததாவது:-

எனக்கு இந்த உலகத்திலே அம்மாவைத்தான் ரொம்ப பிடிக்கும். அம்மா! அம்மா!. உனக்காக நான் எதுவேனாலும் செய்வேன். ஏனென்றால் எனக்கு உன்னை அந்த அளவிற்கு பிடிக்கும். உனக்கு ஏதாவது நடந்தால் என்னால் தாங்க முடியாது. என் உயிரை கொடுத்து காப்பாற்றுவேன். ஐ லவ் மை அம்மா, சகோதரிகள் அனிதா, பிரியா.

இவ்வாறு அந்த கடிதத்தில் இருந்தது. மேலும் மற்றொரு துண்டு தாளில் சக மாணவி ஒருவரின் பெயரை குறிப்பிட்டு தயவு செய்து எந்த ஒரு விஷயமும் யாருக்கும் தெரிய வேண்டாம் என்றும் கவுசல்யா எழுதியிருந்தார்.

மேலும் கவுசல்யா ஒருவரை காதலித்ததாகவும் அதனை அவரது தந்தை ராமச்சந்திரன் சக மாணவிகள் முன்னிலையில் கண்டித்ததால் மனம் உடைந்து அவர் பள்ளியில் தூக்குப்போட்டு தற்கொலை செய்திருக்கலாம் என்றும் போலீசார் கருதுகின்றனர். கும்மிடிப்பூண்டி போலீசார் வழக்குப்பதிவு செய்து பல்வேறு கோணத்தில் விசாரணை நடத்தி வருகின்றனர்.

தினதந்தி

படித்தவர்கள் தான் மூளை இல்லாமல் இப்படி தற்கொலை செய்து கொள்கிறார்கள் அதிகமாய். என்ன படித்து என்ன. அறிவு வளர்ச்சி இல்லியே

அவளுக்கு கொஞ்சம் கூட அறிவே இல்லை.....
எதையும் தைரியமாக ஃபேஸ் பண்ண தெரியாத கோழை