மோடியால் 100 கோடி வீண்: காங்கிரஸ்

by **இளமாறன்** Fri Sep 23, 2011 11:54 pm

மோடியால் 100 கோடி வீண்: காங்கிரஸ்

First Published : 19 Sep 2011 05:53:05 AM IST

Last Updated : 19 Sep 2011 06:33:06 AM IST

புது தில்லி, செப்.18: குஜராத் முதல்வர் நரேந்திர மோடி மேற்கொண்டுள்ள சத்பாவனா உண்ணாவிரதப் போராட்டத்துக்காக மக்களின் வரிப்பணம் ரூ. 100 கோடி வீணடிக்கப்பட்டுள்ளதாக காங்கிரஸ் கட்சி குற்றம் சாட்டியுள்ளது.

மோடி நடத்தும் தற்போதைய நாடகத்துக்கு ரூ. 100 கோடி வீணடிக்கப்பட்டுள்ளது என்று குஜராத் மாநில காங்கிரஸ் பொறுப்பாளர் மோகன் பிரகாஷ் குற்றம் சாட்டியுள்ளார்.

நரேந்திர மோடியின் உண்ணாவிரதப் போராட்டம் தொடர்பாக தேசிய ஜனநாயகக் கூட்டணியில் (என்டிஏ) அங்கம் வகிக்கும் சரத் யாதவ் குறிப்பிட்டுள்ள கருத்துகளைச் சுட்டிக்காட்டிய அவர், இந்த விஷயத்தில் ஐக்கிய ஜனதா தளக் கட்சி தன்னை தனிமைப்படுத்திக் கொள்ள விரும்புவதையே காட்டுகிறது என்றார்.

தேசிய ஜனநாயகக் கட்சியின் ஒருங்கிணைப்பாளரே இதுபோன்ற அறிக்கை வெளியிட்டிருப்பதிலிருந்தே அக்கூட்டணியில் பிளவு ஏற்பட்டுள்ளதைக் காட்டுகிறது என்றார்.

நரேந்திர மோடி மேற்கொண்டுள்ள உண்ணாவிரதப் போராட்டம் பாஜகவில் மட்டும் விரிசலை ஏற்படுத்தவில்லை, மாறாக தேசிய ஜனநாயகக் கூட்டணியில் விரிசல் ஏற்பட்டுள்ளது என்று கூறினார்.

"நாட்டில் 70 சதவீதம் முதல் 80 சதவீதம் வரையிலான மக்கள் நாளொன்றுக்கு ரூ. 20 வருமானத்தில் வாழ்கின்றனர். நாட்டிலுள்ள மொத்த மக்கள் தொகையில் நான்கில் ஒரு சதவீதம்பேர் தினசரி ஒருவேளை உணவின்றியோ அல்லது நாள் முழுவதும் உணவின்றியோ வாடுகின்றனர்.

ஆனால் இதுபோல உணவு கிடைக்காமல் உண்ணாவிரதம் இருப்பவர்களைப் பற்றி யாரும் பேசுவது கிடையாது' என்று சரத் யாதவ் குறிப்பிட்டிருந்தார். மேலும் கூட்டணியில் அங்கம் வகிக்கும் பிகார் முதல்வர் நிதீஷ் குமார், தனது மாநிலத்தில் சட்டப்பேரவைத் தேர்தல் பிரசாரத்துக்கு நரேந்திர மோடி வரக்கூடாது என்று தெள்ளத் தெளிவாகக் குறிப்பிட்டதை மோகன் பிரகாஷ் சுட்டிக்காட்டினார். இந்த விவகாரத்தில் கூட்டணியிலிருந்து விலகிக் கொள்ளவும் அவர் தயாராக இருந்தார் என்று அவர் மேலும் குறிப்பிட்டார்.

மோடி மேற்கொண்டுள்ள உண்ணாவிரதப் போராட்டம் மக்களை திசை திருப்பும் உத்தி என்று குறிப்பிட்ட பிரகாஷ், குஜராத் மாநிலத்தில் நிகழ்ந்துள்ள ரூ. 26 ஆயிரம் கோடிக்கும் அதிகமான முறைகேடுகள் பற்றி தலைமை கணக்குத் தணிக்கையாளர் (சிஏஜி) அறிக்கையில் குறிப்பிட்டுள்ளதை திசை திருப்புவதற்காக இந்த நடவடிக்கை எடுக்கப்பட்டுள்ளது. மோடியின் வார்த்தைகளில் நம்பகத்தன்மை கிடையாது.

எனவே அவரது பேச்சுக்கு எவ்வித அர்த்தமும் கிடையாது. இனிமேலும் குஜராத் மக்கள் மோடியின் வார்த்தைகளை நம்பத் தயாராக இல்லை. அவரது உண்மை சொரூபத்தை மக்கள் அடையாளம் கண்டுகொண்டுள்ளனர்.

இதனால்தான் அவரது உண்ணாவிரதப் போராட்டத்துக்கு எதிர்பார்த்த அளவுக்கு மக்கள் ஆதரவு கிடைக்கவில்லை

தினமணி

by நட்புடன் Sat Sep 24, 2011 12:01 am

காங்கிரசுக்கு என்ன வருத்தம்ன்னா
அவங்க ரொம்ப கஷ்டப் பட்டு ஊழலின்
பெருமையை பல்லாயிரம் கோடிகளுக்கு
உயர்த்தியதை இவர் ஜுஜூபி நூறு கோடி அளவுக்கு
வீணடித்து மதிப்பை குறைத்து விட்டார் என்பது தான்...

மோடியால் 100 கோடி வீண்: காங்கிரஸ்

மோடியால் 100 கோடி வீண்: காங்கிரஸ்

Re: மோடியால் 100 கோடி வீண்: காங்கிரஸ்