முடக்கற்றான்

**சிவா** · **சிவா** Fri Sep 23, 2011 10:20 pm

* மூட்டு வாதமா? முடக்கற்றான் கீரையை சாப்பிடுங்கள். இது பலருக்கு தெரிந்த மூட்டு வாத அறிவுரை. பெயருக்கேற்ற செயல்பாடு உடையது முடக்கற்றான் (முடக்கு + அறுத்தான்) பழங்காலத்திலிருந்து மூட்டுவலி, மூட்டு பாதிப்புகளுக்கு கைமருந்தாக பயன்பட்டு வருகிறது.

* சித்த வைத்தியத்திலும் உபயோகிக்கப்படுகிறது. இந்த முடக்கற்றான் மூலிகை வாயு பகவானின் மூலிகை எனப்படுகிறது. இதனால் வாய்வு தொல்லைகளுக்கு அருமருந்தாகும்.

* செடியின் வேர், இலை செடி முழுவதும் மருத்துவ பயன்களுடையவை.மூட்டுவாதம், மூட்டுவலி (ஆர்த்தரைடீஸ், ருமாடிஸம்) இவற்றுக்கு முடக்கற்றான் மூலிகையின் முக்கிய பயன், நோயால் முடங்கிப்போன முட்டிகளை மீண்டும் இயங்க வைக்கும்.

* கீல் பிடிப்பு, கீல் வாதம், கால்களை நீட்டவோ, மடக்கவோ முடியாமல் போதல், நடக்க முடியாமல் போதல், இவற்றுக்கெல்லாம் முடக்கற்றான் கீரையை சமைத்து சாப்பிட்டுவர நல்ல குணம் தெரியும்.

* இதன் இலைகளை அரைத்து, பூண்டு, சீரகம், கருமிளகு, உப்பு, வெங்காயம் இவற்றை சேர்த்து, ரசம் போல் தயாரித்து, ஒரு நாளைக்கு 2 வேளை குடிக்க, ருமாடிஸம், சுளுக்கு, மலச்சிக்கல் இவை மறையும். * இலைகளை நெய்யில் வதக்கி, கூட இஞ்சி, கொத்தமல்லி, உளுத்தம் பருப்பு, பெருங்காயம், கறிவேப்பிலை சேர்த்து சட்னி போல அல்லது துவையல் போல தினமும் சாப்பிட்டு வர மூட்டு நோய்கள் தீரும்.

* இதர கீரைகளை சமைப்பது போலவே முடக்கற்றான் கீரையை சாப்பிட்டு வரலாம். இலை, வேர் இவற்றை சம பாகமாக எடுத்து, இஞ்சி, மிளகு, சீரகம், தண்ணீர் சேர்த்து, கஷாயமாக, காய்ச்சி, அந்த எண்ணையை வலியுள்ள இடங்களில் பூசலாம். இதற்கு நல்லெண்ணையை பயன்படுத்தலாம்.

* இந்த மூலிகை செறிந்த எண்ணைப்பூச்சு, கீல்வாத வலிகளை போக்கும். வாத வீக்கங்களுக்கு, முடக்கற்றான் தண்டு, இலைகளை, பாலுடன் அரைத்து தடவ, வீக்கங்கள் குறையும்.

* முடக்கற்றானை உபயோகிப்பதால் கால்களின் ஏறி வரும் விறைப்புத் தன்மை (அதுவும் காலை நேரங்களில் ஏற்படும்) போகும். உடல் வலிகளுக்கு, இலைகளை கடலை எண்ணையில் அரைத்து, வெளிப்பூச்சாக வலிக்கும் இடங்களில் தடவலாம்.ஒரே இலையில் இத்தனை பயன்களா என்று வியப்பாக இருக்கிறதா, வியப்பதோடு நிறுத்தி விடாதீர்கள் அதன் பயனை அனுபவியுங்கள்.

தினகரன்

நட்புடன் · நட்புடன் Fri Sep 23, 2011 10:36 pm

நல்ல தகவல் பகிர்வுக்கு நன்றி சிவா.
சரி இந்தக் கீரை இப்பெல்லாம் கிடைக்குதா?

**சிவா** · **சிவா** Fri Sep 23, 2011 10:38 pm

நட்புடன் wrote:நல்ல தகவல் பகிர்வுக்கு நன்றி சிவா.
சரி இந்தக் கீரை இப்பெல்லாம் கிடைக்குதா?

தமிழகத்தில் அனைத்துக் கீரைகளுமே கிடைக்கிறது! நாம்தான் தேடிச் சென்று வாங்குவதில்லை.

நட்புடன் · நட்புடன் Fri Sep 23, 2011 10:41 pm

தேடுவதை விடுத்து
தேட வேண்டாததைத் தேடுவதால் தான்
தேவை இல்லாத தலைவலிகள் என்பது மிகவும் சரியே சிவா...

**சிவா** · **சிவா** Fri Sep 23, 2011 10:45 pm

நட்புடன் wrote:தேடுவதை விடுத்து
தேட வேண்டாததைத் தேடுவதால் தான்
தேவை இல்லாத தலைவலிகள் என்பது மிகவும் சரியே சிவா...

நம் முன்னோர்களின் தேடல்கள் அவர்கள் வாழ்க்கையை வளமாக்கியது, ஆனால் இன்று நம்முடைய தேடல்கள் நம் வாழ்வையும், உடலையும் சீரழிக்கிறது!

**krishnaamma** · **krishnaamma** Fri Sep 23, 2011 10:47 pm

நட்புடன் wrote:நல்ல தகவல் பகிர்வுக்கு நன்றி சிவா.
சரி இந்தக் கீரை இப்பெல்லாம் கிடைக்குதா?

கண்டிப்பாக கிடைக்கிறது புன்னகை

என்ன சந்தேகம் உங்களுக்கு? மெட்ராஸ் இல் கூட கிடைக்கும், கீரைகாரி இடம் சொல்லிவைத்தால் கொண்டுவந்து கூட தருவா புன்னகை

**krishnaamma** · **krishnaamma** Fri Sep 23, 2011 10:49 pm

சிவா wrote:
நட்புடன் wrote:தேடுவதை விடுத்து
தேட வேண்டாததைத் தேடுவதால் தான்
தேவை இல்லாத தலைவலிகள் என்பது மிகவும் சரியே சிவா...

நம் முன்னோர்களின் தேடல்கள் அவர்கள் வாழ்க்கையை வளமாக்கியது, ஆனால் இன்று நம்முடைய தேடல்கள் நம் வாழ்வையும், உடலையும் சீரழிக்கிறது!

Well Said Sivaa புன்னகை

நட்புடன் · நட்புடன் Fri Sep 23, 2011 10:52 pm

சிவா wrote:
நட்புடன் wrote:தேடுவதை விடுத்து
தேட வேண்டாததைத் தேடுவதால் தான்
தேவை இல்லாத தலைவலிகள் என்பது மிகவும் சரியே சிவா...

நம் முன்னோர்களின் தேடல்கள் அவர்கள் வாழ்க்கையை வளமாக்கியது, ஆனால் இன்று நம்முடைய தேடல்கள் நம் வாழ்வையும், உடலையும் சீரழிக்கிறது!

முடக்கு வாதத்தினை விட கொடிய வாதம்
நாம் தேடுவது தான் சரியென்று செய்து கொண்டிருக்கிற வாதமே...

முடக்குவாதம் மூட்டினை முடக்குகிறது
நம் வாதம் நம்மையே - வாழ்வையே முடக்கி விடுகிறது
சிந்தனைக் கீரையை பயிர் செய்து இவ்வாதத்தை ஒழித்திட துணிவோம்...

**சிவா** · **சிவா** Fri Sep 23, 2011 10:55 pm

நட்புடன் wrote:
முடக்கு வாதத்தினை விட கொடிய வாதம்
நாம் தேடுவது தான் சரியென்று செய்து கொண்டிருக்கிற வாதமே...

முடக்குவாதம் மூட்டினை முடக்குகிறது
நம் வாதம் நம்மையே - வாழ்வையே முடக்கி விடுகிறது
சிந்தனைக் கீரையை பயிர் செய்து இவ்வாதத்தை ஒழித்திட துணிவோம்...

அருமை.. அருமை.. அருமை..! சூப்பருங்க

Sponsored content · Sponsored content

முடக்கற்றான்

முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

Re: முடக்கற்றான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக