உலகிலேயே குள்ளமான பெண்

**சிவா** · **சிவா** Sat Sep 24, 2011 9:43 am

அமெரிக்காவின் இலியானா மாகாணத்தில் உள்ள பிரிட்கெட்டி ஜோர்டான் (வயது 22) என்ற கல்லூரி மாணவி, `உலகிலேயே மிகவும் குள்ளமான பெண்' என கின்னஸ் சாதனை புத்தகத்தில் இடம் பிடித்துள்ளார். அவருடைய உயரம் 2 அடி 3 அங்குலம் (69 செ.மீட்டர்) ஆகும். இசையில் மிகுந்த ஆர்வம் கொண்ட ஜோர்டானுக்கு கராத்தே, ஜிம்னாஸ்டிக், கூடைப்பந்து போன்ற விளையாட்டுகள் மிகவும் பிடிக்கும்.

ஜோர்டானின் தம்பி பிராட் (வயது 20) என்பவரும் குள்ளமானவர் தான். பிராட் உயரம் 3 அடி 2 அங்குலம் (96 செ.மீட்டர்) ஆகும். இதன் மூலமாக, `உலகின் குள்ளமான உடன் பிறப்புகள்' என்ற சாதனையையும் இவர்கள் தட்டிச் செல்கின்றனர். இருவருடைய பெயரும் 2012-ம் ஆண்டு வெளியாகும் கின்னஸ் புத்தகத்தில் இடம் பெறுகிறது. `மஜேவ்ஸ்கி' என்ற நோய் தாக்கத்தினால் இரண்டு பேரும் இவ்வளவு குள்ளமாக உள்ளனர்.

இதற்கு முன் நெதர்லாந்தைச் சேர்ந்த பவுலின் முஸ்டர்ஸ் என்ற பெண் 61 செ.மீட்டர் உயரத்தில் இருந்தார். ஆனால், நிமோனியா காரணமாக 19 வயதிலேயே அந்த பெண் இறந்து விட்டார் என்பது குறிப்பிடத்தக்கது.