உண்ணாவிரம் இருந்த காங்கிரஸ் கட்சியினர் மீது செருப்புகள் வீச்சு!

திருச்சி மாவட்ட காங்கிரஸ் சார்பில் ராஜீவ்காந்தி கொலையாளிகள் 3 பேருக்கு விதிக்கப்பட்ட தூக்குதண்டனையை உடனே நிறைவேற்றக்கோரி உண்ணாவிரத போராட்டம் இன்று நடைபெறும் என்று அறிவிக்கப்பட்டது. அதன்படி இன்று காங்கிரசார் திருச்சி சத்திரம் பஸ்நிலையம் அண்ணாசிலை அருகே உண்ணாவிரதம் இருந்தனர்.

இந்த உண்ணாவிரத போராட்டத்தை எதிர்த்து போட்டி உண்ணாவிரதம் நடத்த விடுதலை சிறுத்தை கட்சி, புதிய தமிழகம், நாம் தமிழர் கட்சியினர் போலீசில் அனுமதி கோரினர். ஆனால் போலீசார் இவர்களது உண்ணாவிரத போராட்டத்துக்கு அனுமதி மறுத்து விட்டனர். எனினும் அவர்கள் தடையை மீறி உண்ணாவிரதம் இருப்பதற்காக சத்திரம் பஸ்நிலைய பகுதிக்கு திரண்டு வந்தனர்.

பின்னர் அவர்கள் காமராஜர் சிலையை நோக்கி ஊர்வலமாக சென்றனர். அங்கு பாதுகாப்பு பணியில் ஈடுபட்டிருந்த போலீசார் அவர்களை தடுத்து நிறுத்தினர். இதனால் போலீசாருக்கும், விடுதலை சிறுத்தை, புதிய தமிழகம் கட்சியினருக்கும் இடையே வாக்குவாதம் ஏற்பட்டது.

ஆவேசமடைந்த விடுதலை சிறுத்தை கட்சியினர் நடுரோட்டில் அமர்ந்து மறியல் செய்தனர். இதனால் போக்குவரத்து கடுமையாக பாதிக்கப்பட்டது. தகவல் அறிந்ததும் கூடுதல் போலீசார் அங்கு வரவழைக் கப்பட்டனர். மறியல் செய்த விடுதலை சிறுத்தை கட்சியினர், புதிய தமிழகம், நாம் தமிழர் கட்சியினர், பெரியார் திராவிடர் கழகம் நிர்வாகிகள் ஏராளமானோரை போலீசார் கைது செய்தனர்.

கைதானவர்கள் அனைவரும் இரண்டு போலீஸ் வேனில் ஏற்றிச் செல்லப்பட்டனர். அதில் முதலில் வந்த வேன் காங்கிரசார் உண்ணாவிரதம் இருந்த பகுதி வழியாக சென்றது. அப்போது வேனில் இருந்த விடுதலை சிறுத்தை கட்சியினர், காங்கிரஸ் கட்சியினரை பார்த்து கோஷம் போட்டனர். அப்போது வேனுக்குள் இருந்தவர்கள், காங்கிரஸ் உண்ணாவிரத பந்தல் மீது கற்கள், செருப்புகளை வீசினர்.

படிபறிவில்லாத முட்டா பயல் எல்லாம் அரசியல் செய்தால் இப்படிதான் ஆகும் .

அந்த ரோட்டில் எவ்ளோ டிராபிக் ஜாம் ஆகியிருக்கும், முட்டாள் கையில் நாம் நாட்டை கொடுதிருக்கிறோம், மிகவும் வருதமாக உள்ளது இதை போன்ற செய்திகேளை பார்க்கும்போது .