அமேசான்

by prlakshmi Thu Sep 22, 2011 4:12 pm

அமேசான் ஆற்றுக்கு அடியில் 6,000 கி.மீ தொலைவு ஓடும் ஆறு! வியப்பில் ஆராய்ச்சியாளர்கள்
பிரேசில் அமேசான் ஆற்றுக்கு அடியில் பாதாள பூமியில் சுமார் 13 ஆயிரம் அடி ஆழத்தில் பிரமாண்டமான ஆறு ஓடுவதை ஆராய்ச்சியாளர்கள் கண்டுபிடித்துள்ளனர். வாலியா ஹம்சா என்ற இந்திய ஆராய்ச்சியாளரை கொண்ட பிரேசில் இயற்கை ஆராய்ச்சி மற்றும் தேசிய கண்காணிப்பு குழு மேற் கொண்ட ஆய்வில் இது தெரிய வந்துள்ளது. கடந்த 1970ஆம் ஆண்டு பிரேசில் பெட்ரோப்ராஸ் எண்ணெய் நிறுவனம் இங்கு 241 எண்ணெய் கிணறுகள் தோண்டியது. அந்த கிணறுகள் அப்போதே செயல்பாட்டில் இல்லாமல் கைவிடப்பட்டன. இந்த கிணறுகள் மற்றும் சீதோஷ்ண நிலை மாறுபாடு குறித்து கடந்த 40 ஆண்டுகளாக மேற்கொள்ளப்பட்ட ஆய்வில், அமேசான் ஆற்றுக்கு அடியில் இன்னொரு ஆறு ஓடுவது தெரிந்து ஆராயச்சியாளர்கள் ஆச்சரியத்தில் மூழ்கி உள்ளனர்.
இதுகுறித்து ஆராய்ச்சியாளர்கள் கூறியிருப்பதாவது:
ஆய்வின் நோக்கம் வேறாக இருந்தாலும், எதிர்பாராத விதமாக கிடைத்த அரிய தகவலின் அடிப்படையில் ஆய்வின் போக்கு மாறியது. அப்போது, அமேசான் ஆற்றுக்கு அடியில் சுமார் 13,000 அடி ஆழத்தில் பிரமாண்ட ஆறு உள்ளது கண்டுபிடிக்கப்பட்டது. இதன் நீளம் சுமார் 6,000 கிலோ மீட்டர். அதாவது பூமியின் மேல் உள்ள அமேசான் ஆறும் இதன் அளவும் ஒன்றாக உள்ளது. புதிய ஆறுக்கு ஹம்சா என்று இந்திய ஆராய்ச்சியாளரின் பெயரே வைக்கப்பட்டுள்ளது. எண் ணெய் நிறுவனம் பெட்ரோப்ராஸ் தந்த வெப்பம் குறித்த தகவல்கள் அடிப்படையில் அமேசான் பகுதியில் ஆய்வு நடத்திய போது நீரோட்டம் இருப்பதற்கான ஆதாரங்கள் கிடைத்தன. அதன் அடிப்படையில் ஆய்வு தீவிரப் படுத்தப்பட்டது.
இதில் ஹம்சா ஆறு குறித்து தெரிய வந்தது. இதன் நீரோட்டம் நிமிடத்துக்கு 3000 கன அடியாக உள்ளது. அக்ரி பகுதியில் இருந்து உற்பத்தியாகி சோலிமோயஸ், அமேசோனா, மராஜோ தீவுகள் உள்ளிட்ட பகுதிகளை கடந்து அமேசான் ஆற்றுக்கு அடியில் ஆறு ஓடுவதாக கருதப்படுகிறது. இதன் நீர் மிகக் குறைந்த உப்புத்தன்மை கொண்டதாக இருக்க வாய்ப்புள்ளது. இதுகுறித்த தொடர்ந்து தீவிர ஆய்வு நடைபெற்று வருகிறது. வரும் 2014ம் ஆண்டுக்குள் இதுகுறித்த மேலும் பல அரிய தகவல்கள் தெரிய வரும்.
இவ்வாறு ஆராய்ச்சியாளர்கள் தெரிவித்துள்ளனர்.

எங்கேயோ படித்தது