புது‌ப்பெ‌ண் அ‌ரி‌சியை உதை‌த்து ‌வி‌ட்டு ‌வீ‌ட்டி‌ற்கு‌ள் வருவது ஏ‌ன்

ஜோ‌திட ர‌த்னா முனைவ‌ர் க.ப.‌வி‌த்யாதர‌ன்: வட இந்தியாவில் இதுபோன்ற பழக்கம் இருக்கிறது. ஆனால் தென் இந்தியாவில் சில சமூக‌த்‌தினரிடம் அரிசியோ அல்லது நெல்லோ மரக்காவில் நிறைத்து, முக்கியமானவர்கள் வரும் போது சிவப்பு கம்பளம் விரிப்பது போல வாசலில் இருந்து பூஜை அறை வரைக்கும் நெடுக கொட்டுவார்கள். அதில் அவர்கள் நடந்து வருவதற்காக. அதாவது மணப்பெண்ணை அவர்கள் மகாலட்சுமியாகப் பார்க்கிறார்கள். அதுதான் ஐதீகம். அந்தக் காலத்தில் மருமகள் என்று எதற்கு சொன்னார்கள் என்றால், மகாலட்சுமியே வீட்டிற்கு வந்து வாசம் செய்கிறாள், இன்று முதல் மகாலட்சுமி குடிபுகுகிறாள் என்று சொல்லக்கூடிய வழக்கம் இருந்தது.

இன்றைக்கும் சில ஊர்களில் திருமணம் முடிந்து நேராக மணமகன் வீட்டிற்கு அழைத்து வந்து அங்கு விளக்கேற்றச் சொல்வார்கள். ஏற்கனவே வீட்டில் ஒரு விளக்கு இருக்கும். ஆனால் புதுப்பெண்ணிற்கு ஒரு காமாட்சி அம்மன் விளக்கு, நல்ல விளக்கு என்று சொல்வார்கள். அதனை ஏற்றச் சொல்வார்கள். அவர்கள் நுழையும் போது லட்சுமியோடு உள்ளே வருகிறார்கள் என்று அர்த்தம். தானியங்கள்தான் குறிப்பாக லட்சுமியினுடைய அம்சம். அதன்பிறகுதான் வெள்ளி, தங்கம் எல்லாம். அந்தத் தானியத்திலும் முனைமழியாத பச்சரிசி, நெல் முதலியவற்றில் லட்சுமி முழுமையாக வாசம் செய்வதாக ஐதீகம். அதனால்தான் அதுபோன்று காலால் உதைக்கச் சொல்கிறார்கள். அதை அவர்கள் உதைக்கவில்லை, லட்சுமியே உதைத்து உள்ளே கொண்டு வருகிறாள். அந்தப் பெண் காலடி வைக்கும் நேரத்தில் இருந்து லட்சுமி கடாட்சம் சூழ்ந்து வருவது போன்று. அதனால்தான் வலது காலை எடுத்து வைத்து வரச் சொல்வது என்பது ஐதீகம்.

ஏற்கனவே அம்மி மிதித்து அருந்ததி பார்த்து மண மேடையில் அவர்கள் ஒரு புனித நிலையை அடைகிறார்கள். நாம் வைத்திருக்கும் சம்பிரதாயங்கள், சடங்குகளில் ஒரு பெண் புனித நிலையை அடைகிறார்கள். அந்த நேரத்தில் அவளுடைய மணநிலை ஒரு தெய்வ நிலையில் இருக்கிறது. அந்த நேரத்தில் அவளுக்கு கூடுதல் சக்தி கிடைப்பதாக ஐதீகம். அதனால்தான் அந்தப் பெண்ணை மகாலட்சுமியாக கருத்தில் கொண்டு தானியத்தை உதைத்து வீட்டிற்குள் லட்சுமி கடாட்சத்தை வரவழைப்பதாக ஐதீகம்.

--வெப்துனியா

இதுவரை அறியாத ஒரு தகவல் பாலாஜி...

///அந்தத் தானியத்திலும் முனைமழியாத பச்சரிசி, நெல் முதலியவற்றில் லட்சுமி
முழுமையாக வாசம் செய்வதாக ஐதீகம். அதனால்தான் அதுபோன்று காலால் உதைக்கச்
சொல்கிறார்கள். அதை அவர்கள் உதைக்கவில்லை, லட்சுமியே உதைத்து உள்ளே கொண்டு
வருகிறாள்.///

இதில் கூறியுள்ள விளக்கம் எனக்குப் புரியவில்லை. முனைமழியாத பச்சரிசி, நெல் முதலியவற்றில் லட்சுமி வாசம் செய்கிறாள் சரி. பிறகு அந்த லட்சுமியை ஏன் காலால் மிதிக்க வேண்டும்.

மணப்பெண்ணையும் லட்சுமி என்கிறார். தானியங்களிலும் லட்சுமி குடியிருப்பதாகக் கூறுகிறார். ஏன் ஒரு லட்சுமி இன்னொரு லட்சுமியை காலால் உதைக்க வேண்டும்.

வேறு காரணம் இருக்கும் என எண்ணுகிறேன். உறவுகள் விளக்கம் அளியுங்கள்.

இதுக்குப் பதில் நான் வந்து சொல்றேன். அவசரமா வெளியே கிளம்பிட்டு இருக்கேன்.

Aathira wrote:இதுக்குப் பதில் நான் வந்து சொல்றேன். அவசரமா வெளியே கிளம்பிட்டு இருக்கேன்.

நாளை நிச்சயம் சொல்லுங்கள் ...

Aathira wrote:இதுக்குப் பதில் நான் வந்து சொல்றேன். அவசரமா வெளியே கிளம்பிட்டு இருக்கேன்.

ஆமா, நீங்களும்தானே உதைத்தீர்கள், ஏன் என்று காரணத்தைக் கூறுங்கள்.

தகவலுக்கு நன்றி.

சிவா wrote:///அந்தத் தானியத்திலும் முனைமழியாத பச்சரிசி, நெல் முதலியவற்றில் லட்சுமி
முழுமையாக வாசம் செய்வதாக ஐதீகம். அதனால்தான் அதுபோன்று காலால் உதைக்கச்
சொல்கிறார்கள். அதை அவர்கள் உதைக்கவில்லை, லட்சுமியே உதைத்து உள்ளே கொண்டு
வருகிறாள்.///

இதில் கூறியுள்ள விளக்கம் எனக்குப் புரியவில்லை. முனைமழியாத பச்சரிசி, நெல் முதலியவற்றில் லட்சுமி வாசம் செய்கிறாள் சரி. பிறகு அந்த லட்சுமியை ஏன் காலால் மிதிக்க வேண்டும்.
மணப்பெண்ணையும் லட்சுமி என்கிறார். தானியங்களிலும் லட்சுமி குடியிருப்பதாகக் கூறுகிறார். ஏன் ஒரு லட்சுமி இன்னொரு லட்சுமியை காலால் உதைக்க வேண்டும்.
வேறு காரணம் இருக்கும் என எண்ணுகிறேன். உறவுகள் விளக்கம் அளியுங்கள்.

எனக்கும் இந்த சந்தேகம் உள்ளது.நல்ல காலம் எங்க வீடுகளில் இந்த உதைக்கும் சம்பிரதாயம் இல்லை , அதை பார்க்கும் போதே எனக்கு சங்கடமாய் இருக்கும். உதைக்கணும் என்றால் ரொம்ப கஷ்டப்பட்டிருப்பேன்

ஆதிரா , உங்கள் பதிலுக்காக நானும் காத்திருக்கிறேன்

Aathira wrote:இதுக்குப் பதில் நான் வந்து சொல்றேன். அவசரமா வெளியே கிளம்பிட்டு இருக்கேன்.

அவசரமாக வெளியில் சென்றவர் இன்னும் இந்தப் பகுதிக்கு வரவில்லை. கண்டுபிடித்து தாருங்கள் உறவுகளே!

சிவா wrote:

Aathira wrote:இதுக்குப் பதில் நான் வந்து சொல்றேன். அவசரமா வெளியே கிளம்பிட்டு இருக்கேன்.

அவசரமாக வெளியில் சென்றவர் இன்னும் இந்தப் பகுதிக்கு வரவில்லை. கண்டுபிடித்து தாருங்கள் உறவுகளே!

ஆஹா குசும்பூர் குப்புசாமி,
இதை நான் மறந்தே போய்ட்டேனே. ஒன்றும் இல்லை வெரி சிம்பிள்..
அக்காலத்தில் விவசாயமெ முதல் தொழில். நெல்,அரிசி இவையெல்லாம் செல்வம். வேறு செல்வம்பற்றி அக்கால மக்களுக்குத் தெரியாது. ’மாடல்ல மற்றயவை’ என்று வள்ளுவரே கூறுகிறார். அவை வீடு நிறைய இருக்கவேண்டும். செல்வம் கொழிக்க அப்பெண் வாழ வேண்டும். முக்கியமாக வயிற்றுப்பசியற்ற வாழ்வு வாழ வேண்டும். எனவே கால் வைக்கும் இடமெல்லாம் தானியங்கள் நிறைந்து வளமாக வாழ வேண்டும் என்னும் ஐதீகமே. வேறு ஒன்றும் இல்லை.