பற்தூரிகையை கண்டுபிடித்தவர் ஒரு கைதி உங்களுக்கு தெரியுமா?

கண்டுபிடிப்புகள் எல்லாம் பெரும்பாலும் ஒரு தற்காலிக நிகழ்வால் ஏற்பட்டவையாக இருக்கிறது. அதில் இதுவும் ஒன்று. நாம் பல்துலக்கும் பிரஷ்சை உருவாக்கியவர் ஒரு சிறைக்கைதி. அவரது பெயர் வில்லியம் ஆட்டிஸ். இங்கிலாந்தை சேர்ந்த இவர் 1770-ம் ஆண்டில் கலகத்தை தூண்டியதாக சிறையில் அடைக்கப்பட்டார். வித்தியாசமாக சிந்திக்கும் குணம் உடையவர் ஆட்டிஸ். ஒரு நாள் அப்போதைய வழக்கப்படி துண்டுத் துணியால் பல் தேய்த்தார். அப்போது அவருக்குள் ஒரு எண்ணம் உதித்தது. உடனே அன்றைய தினம் சாப்பாட்டுக்கு கொடுக்கப்பட்டதில் இருந்து ஒரு எலும்பு துண்டை தனியாக எடுத்து வைத்துக்கொண்டார். அவர் தனது எண்ணத்தை வெளிப்படுத்தவே, காவலாளி ஒருவர் மிருகத்தின் ரோமங்களை கொடுத்து உதவினார். அந்த ரோமங்களை சிறு சிறு குச்சங்களாக சேர்த்து கட்டினார் ஆட்டிஸ். பின்னர் எலும்புத் துண்டில் துளை போட்டு ரோம குச்சங்களை நிறுத்தி வைத்தார். இவ்வாறுதான் பல்துலக்கும் பிரஷ் உருவானது.

ஜெயிலில் இருந்து வெளியே வந்த வில்லியம் ஆட்டிஸ், தனது பிரஷ் வியாபாரத்தை தொடங்கினார். அது பலத்த வரவேற்பை பெற்றது. நாளுக்கு நாள் முன்னேற்றத்துடன் பல வடிவங்களை பெற்றுவந்தது டூத்பிரஷ். கடந்த நூற்றாண்டில்தான் பீங்கான், பிளாஸ்டிக் வகை கைப்பிடிகளையும், நார் குச்சங்களையும் கொண்ட நவீனவகை பிரஷ்கள் பயன்பாட்டுக்கு வந்தது. அவரது கண்டுபிடிப்பு ஆள்காட்டி விரலுக்கு ஒரு வேலையை மிச்சப்படுத்திவிட்டது. இருந்தாலும் ஆட்டிஸ் காலத்துக்கு முன்பே வேர், விழுதுகள், குச்சிகளால் பல்துலக்கும் பழக்கம் உடையவர்கள் நமது முன்னோர்கள் என்பது கூடுதல் தகவல்.

http://puthiyaulakam.com/?p=7244

நல்ல பகிர்வுக்கு நன்றி

நான் ஏற்கனவே கேள்விப் பட்டு இருக்கிறேன். நினைவூட்டியமைக்கு நன்றி.