படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

முஹைதீன் · முஹைதீன் Mon Sep 19, 2011 6:35 pm

படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

படிக்கட்டில் ஏறும்போது மின்சாரம் தயாரிக்கும் கருவியை 7ம் வகுப்பு மாணவன் கண்டுபிடித்து அசத்தியுள்ளான்.

திருப்பூர் மாவட்டம் தாராபுரம் புனித அலோசியஸ் மேல்நிலைப்பள்ளியில் மத்திய அரசின் இன்ஸ்பயர் விருதுக்கான அறிவியல் கண்காட்சி நேற்று முன்தினம் நடந்தது.

141 பள்ளிகளில் இருந்து 212 மாணவர்கள் தங்கள் படைப்புகளை கண்காட்சியில் வைத்திருந்தனர். திருப்பூர் சித்தராவுத்தன்பாளையம் நகராட்சி நடுநிலைப்பள்ளியில் 7ம் வகுப்பு படிக்கும் மாணவன் அகிலன் படிக்கட்டில் ஏறும் போது மின்சாரம் தயாரிக்கும் கருவியை உருவாக்கி வைத்திருந்தார்.

சிறிது சாய்தளமாக உள்ள படிக்கட்டில் மிதித்தால், அதன் அழுத்தத்தில் கீழே சங்கிலியால் இணைக்கப்பட்டுள்ள வீல் சுழல்கிறது. அதனுடன் இணைக்கப்பட்ட டைனமோவில் மின்சாரம் உற்பத்தியாகி பல்பு எரிகிறது.

இதுபற்றி அகிலன் கூறியதாவது: சைக்கிள் சக்கர சுழற்சியால் உற்பத்தியாகும் மின்சார முறைதான் இதுவும். நாட்டில் மின் தட்டுப்பாடு நிலவுகிறது. அடிக்கடி மின்தடையால் அவதிப்பட்டேன். இதற்கு தீர்வு காண இருட்டில் இருந்து யோசித்த போது தான் இந்த ஐடியா கிடைத்தது.

தினசரி ஏராளமானோர் படிக்கட்டுகளை பயன்படுத்துகிறோம். குறிப்பாக மலைக்கோயில்களில் ஏராளமான பக்தர்கள் ஏறி இறங்குகிறார்கள். படிக்கட்டு மிதிபட்டுக் கொண்டே இருக்கிறது. இதுபோன்ற இடங்களில் இந்த முறையை பயன்படுத்தினால் அந்தந்த பகுதி மின்தேவையை பூர்த்தி செய்யலாம்.

ஷாப்பிங் மால்களில் எஸ்கலேட்டர், லிப்ட் பயன்படுத்தாமல் படிக்கட்டில் ஏறி மின்உற்பத்தி செய்யலாம். படிக்கட்டுகளை சிறிது சாய்வுடன் மாற்றி அமைக்க வேண்டும் என்றார்.

அசுரன் · அசுரன் Mon Sep 19, 2011 7:06 pm

சிறந்த முயற்சியை வாழ்த்துவோம்.

**இளமாறன்** · **இளமாறன்** Mon Sep 19, 2011 9:24 pm

தினசரி ஏராளமானோர் படிக்கட்டுகளை பயன்படுத்துகிறோம். குறிப்பாக மலைக்கோயில்களில் ஏராளமான பக்தர்கள் ஏறி இறங்குகிறார்கள். படிக்கட்டு மிதிபட்டுக் கொண்டே இருக்கிறது. இதுபோன்ற இடங்களில் இந்த முறையை பயன்படுத்தினால் அந்தந்த பகுதி மின்தேவையை பூர்த்தி செய்யலாம்.

ஷாப்பிங் மால்களில் எஸ்கலேட்டர், லிப்ட் பயன்படுத்தாமல் படிக்கட்டில் ஏறி மின்உற்பத்தி செய்யலாம்

வாழ்த்துக்கள் நல்ல கண்டுபிடிப்பு மகிழ்ச்சி

**பிஜிராமன்** · **பிஜிராமன்** Mon Sep 19, 2011 9:29 pm

அருமை அருமை.........இருளில் கண்ட ஒளி........
மிக உபயோகமாக இருக்கும் என்று நம்புகிறேன்..... படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை 677196

kitcha · kitcha Mon Sep 19, 2011 9:55 pm

எந்த ஒரு பதிவும் பதியும் போது அது எந்த தளத்துலிருந்து எடுத்தது என்பதையும் பதியவேண்டும்.இரண்டாவது இதை ஏன் நீங்கள் சினிமா பகுதியில் பதிவு செய்தீர்கள்.ஒவ்வொரு பதிவும் அந்தந்த செய்திக்கு ஏற்ற தலைப்பில் பதியவும்.

Sponsored content · Sponsored content

படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

Re: படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

Re: படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

Re: படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

Re: படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

Re: படிக்கட்டில் ஏறினால் மின்சாரம்: ஏழாம் வகுப்பு மாணவன் சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக