கண்களால் நீரைப்பீச்சியடித்து ஓவியம் வரையும் வினோதம்!

by puthiyaulakam Mon 19 Sep 2011 - 18:21

இந்த உலகத்தில் எத்தனை விதமான வித்தியாசமான சாதனைகள் படைக்கும் மனிதர்களை நாம் உங்களுக்கு அறிமுகப்படுத்தியிருக்கிறோம். அதே போல் இந்த மனிதரின் சாதனையை கேட்டாலும் உங்களுக்கு நிச்சயம் அதிர்ச்சியாகத்தான் இருக்கும். அப்படி என்னதான் சாதனை? கைகளால் ஓவியம் வரைவது சர்வ சாதாரணமான ஒரு விடயம். மாறாக கால்களாலும் உதட்டினாலும் ஓவியம் வரைந்தும் சாதனை படைத்துவிட்டார்கள். ஆனால் கண்களால் ஓவியம் வரைந்து வியக்க வைத்துள்ளார் ஒருவர். வியப்பாக இருக்கிறதல்லவா? இச்சம்பவம் பற்றி மேலும் தெரியதாவது:-

சீனாவைச்சேர்ந்த 56 வயதான ரூ அன்ரிக் என்பவர் கண்களால் நீரைப்பீச்சி அடித்து ஓவியம் வரையும் விசித்திரமான திறமையை கொண்டுள்ளார். இவர் மூக்கு மூலம் நீரை உறிஞ்சி அதனை தனது கண்களால் பீச்சியடித்து தாளில் நீர் மூலம் சித்திரம் வரைகிறார். இது பற்றி கருத்து தெரிவித்த அவர் தான் சிறு வயதில் ஆற்றில் நீராடச்செல்வது வழக்கம். அவ்வாறு ஆற்றில் நீராடுகின்ற போதும் நீச்சலடிக்கின்ற போதும் நீரை வாய்க்குள் விழுங்க வேண்டி ஏற்படும். இவ்வாறு ஒரு முறை ஏற்பட்ட போது அந்த நீர் என் கண்கள் வழியாக வந்தது. இதனை அவதானித்த எனது நண்பர்கள் பெரிதும் ஆச்சரியப்பட்டார்கள். இந்த செயற்பாட்டை என்னால் தொடர்ச்சியாக செய்ய முடிந்தது என தெரிவித்தார். இருந்தும் இவர் இந்த திறமையை பல வருடங்களுக்கு பிறகே வளர்த்துக்கொள்ள முடிந்தது. 20 வருடங்களுக்கு பின்னர் இதைப்பயன்படுத்தி சாதனை செய்ய வேண்டும் என்பதற்காக முன்று வருடங்கள் பயிற்சி செய்து மூக்கினால் தண்ணீரை உறிஞ்சி கண்கள் மூலம் பீச்சியடித்து ஓவியம் வரைய கற்றுக்கொண்டதாக தெரிவித்தார்.
கண்களால் நீரைப்பீச்சியடித்து ஓவியம் வரையும் வினோதம்! Eye-write1