பெற்ற தாயைப் பழி வாங்கத் தன் வாழ்வைப் பாழாக்கிய சிறுவன்!

by kitcha Mon Sep 19, 2011 4:41 pm

தொலைக்காட்சி பார்க்க விடாமல், விளையாட விடாமல் எந்த நேரமும் படிக்குமாறு நச்சரித்த தாய்க்குப் பாடம் படிப்பிக்க நினைத்த மகன் ஐந்தாம் ஆண்டு புலமைப்பரிசில் பரீட்சைக்கு விடையளிக்காமல் வெற்றுப் பேப்பரை மேற்பார்வையாளரிடம் கொடுத்துவிட்டு வந்த சம்பவமொன்று தென்னிலங்கையில் நடந்துள்ளது.

சிறுவர்களின் அப்பட்டமான பிடிவாதத்தை எடுத்துக் காட்டும் இந்தச் சம்பவம் பற்றி மேலும் தெரியவருவதாவது;
கிராமப் பாடசாலையில் கல்வி பயின்ற சுனிமல் என்ற இந்தச் சிறுவன் படிப்பில் படு கெட்டி.

எனினும் விளையாடுவது, தொலைக்காட்சி பார்ப்பது போன்ற பொழுதுபோக்குகளிலும் அவனுக்கு வெகுவாக நாட்டம் இருந்தது.

ஐந்தாம் ஆண்டில் காலடி எடுத்து வைத்ததும் அவனது அம்மாவின் கெடுபிடி அதிகரித்தது. "ரீவி பார்க்காதே, விளையாடாதே படிபடி'' என நச்சரித்துக் கொண்டே இருந்தாள்.

பாடசாலை முடிந்ததும் அண்மையில் உள்ள நகரில் "ரியூசன்" வகுப்பு இரவுவரை. வீட்டுக்கு இரவில் வந்தால் சாப்பிட மட்டுந்தான் அனுமதி. ரீவியைத் தொடமுடியாது.

ஓய்வான நேரங்களில் நண்பர்களுடன் ஓடியாடி விளையாடவும் அனுமதியில்லை. இவ்வாறான கெடுபிடியை அடுத்தே சிறுவன் தான் நினைத்ததைச் செய்து முடித்துள்ளான்.

தமிழ் சி‌என்‌என்

by ரேவதி Mon Sep 19, 2011 4:45 pm

பெற்றோர்கள் இப்படி பிடிவாதம் செய்வதால்தான் பிள்ளைகளும் இப்படி நடந்து கொள்கின்றன, இனியாவது இதுபோன்ற பெற்றோர்கள் திருந்தட்டும்

by **ayyamperumal** Mon Sep 19, 2011 4:54 pm

kitcha wrote:ஐந்தாம் ஆண்டில் காலடி எடுத்து வைத்ததும் அவனது அம்மாவின் கெடுபிடி அதிகரித்தது. "ரீவி பார்க்காதே, விளையாடாதே படிபடி'' என நச்சரித்துக் கொண்டே இருந்தாள்.

தமிழ் சி‌என்‌என்

கிச்சாவின் இந்த பதிவை படித்தவுடன் எனக்கு அப்துல் ரஹ்மானின் கவிதைதான் நினைவுவருகிறது.

புத்தகங்களே பார்த்து - எங்கள்
குழந்தைகளை கிளித்துவிடாதீர்கள்!
குழந்தைகள் என்றாலே பிடிவாதம் நிறைந்தவர்கள் தான். அன்பை தவிர வேறு எதனாலும் அவர்களை கட்டுபடுத்தமுடியாது என்பதை எப்பொழுதான் புரிந்துகொள்ள போகிறோம்.

நன்றி கிட்ச

by முகம்மது ஃபரீத் Mon Sep 19, 2011 5:08 pm

அம்மாடி

by அசுரன் Mon Sep 19, 2011 7:11 pm

இப்போது தான் ஒரு செய்தி படித்தேன். தொலைக்காட்சி நிகழ்ச்சிகள் சிறுவர்களை கெடுக்கிறது என்று. அநியாயம்

by ARR Mon Sep 19, 2011 7:35 pm

எல்லா குழந்தைகளுக்குள்ளும் ஏதேனும் ஒரு திறன் ஒளிந்திருக்கிறது.. அதை இனம் கண்டு அத்துறையில் அவர்களை பரிமளிக்க செய்வதைவிட்டு, புத்தகத்தை விழுங்கி விடைத்தாளில் கக்குவதே புத்திசாலித்தனம் என்று நினைக்கும் பெற்றோருக்கு இது நல்ல பாடம்..

பெற்றோர் குழந்தைகட்கு இழைக்கும் இன்னொரு அநீதி, மற்றக் குழந்தைகளோடு ஒப்பிடுவது.. ! இந்நிலையும் மாற வேண்டும்..