காந்தியுடன் என்னை ஒப்பிடவேண்டாம்-அண்ணா ஹசாரே

உதயா · உதயா Mon Sep 19, 2011 12:44 pm

ஊழலுக்கு எதிராக போராடி வரும் சமூக சேவகர் அன்னா ஹசாரே தன்னை தேசத் தந்தை மகாத்மா காந்தியுடன் ஒப்பிடவேண்டாம் என்று கூறியுயுள்ளார்.

இன்று தனது சொந்த ஊரானா ரலேகானில் நிருபர்களின் கேள்விக்கு பதில் அளித்த ஹசாரெ:

"நான் காந்தி கிடையாது. காந்தியுடன் என்னை ஒப்பிட வேண்டாம். அதற்கான அருகதை என்னிடம் கிடையாது. அவரது வாழ்க்கை முறையும், தத்துவமும் உலகில் பெரிய அளவிலான விளைவை ஏற்படுத்தி உள்ளது. அவரது மதிப்புமிக்க பணிகளில் சிலவற்றை கிரகித்து, அவற்றை செயல்படுத்த முயற்சி செய்கிறேன். எனவே, யாரும் என்னை காந்தியுடன் ஒப்பிட வேண்டாம்.இது அவரை சிறுமைப்படுத்துவதாக அமைந்து விடும்" என்றார்.

ஊழல்தான் விலைவாசி உயர்வுக்கு முக்கிய காரணம். எங்களது போராட்டம் ஊழலுக்கு எதிரானதே தவிர, அரசுக்கு எதிரானது அல்ல. அனைவரையும் நாங்கள் குற்றம் சாட்ட விரும்பவில்லை. அரசாங்கத்தில் நேர்மையானவர்கள் சிலரும் உள்ளனர்.

எங்களுக்கு அனைத்து தரப்பு மக்களும் ஆதரவு அளிக்கின்றனர். ஏழைகளும் வீதியில் இறங்கி எங்களுடன் போராடுகின்றனர். ராம்லீலா மைதானத்தில் கூடியவர்களை பார்த்தாலே தெரிந்து இருக்கும்.

இவ்வாறு அவர் கூறினார். நன்றி வெப்துனியா. சூப்பருங்க