3 நாள் உண்ணாவிரதத்தை தொடங்கினார் மோடி!

**இளமாறன்** · **இளமாறன்** Sun Sep 18, 2011 12:35 am

3 நாள் உண்ணாவிரதத்தை தொடங்கினார் மோடி!

அகமதாபாத் : குஜராத் முதல்வர் நரேந்திர மோடி 3 நாள் உண்ணாவிரதத்தை தொடங்கினார். அகமதாபாத்தில் உள்ள குஜராத் பல்கலை., வளாகத்தில் மோடி உண்ணாவிரதம் மேற்கொண்டுள்ளார். அமைதி, மதநல்லிணக்கத்தை வலியுறுத்தி மோடி உண்ணாவிரதத்தை மேற்கொண்டுள்ளார். அத்வானி, ரவிசங்கர் பிரசாத், அருண்ஜேட்லி உள்ளிட்ட பாஜக வினர் திரளாக பங்கேற்றுள்ளனர். பஞ்சாப் முதல்வர் பிரகாஷ்சிங் பாதல் உட்பட தேஜகூ தலைவர்களும் பங்கேற்றுள்ளனர். மோடியின் உண்ணாவிரத பந்தலில் 50 காமிரா பொருத்தி பாதுகாப்பு பலப்படுத்தப்பட்டுள்ளது.

தினகரன்

**இளமாறன்** · **இளமாறன்** Sun Sep 18, 2011 12:37 am

சென்னை : மத நல்லிணக்கத்தை வலியுறுத்தி போராட்டம் நடத்துவது வரவேற்கத்தக்கது என்று மோடி உண்ணாவிரதம் குறித்து முதல்வர் ஜெயலலிதா கருத்து தெரிவித்துள்ளார். அதிமுக சார்பில் மைத்ரேயன், தம்பிதுரை ஆகியோர் மோடியின் உண்ணாவிரதத்தில் பங்கேற்றுள்ளனர்.

**இளமாறன்** · **இளமாறன்** Sun Sep 18, 2011 12:38 am

குஜராத்தில் மோடிக்கு எதிராக காங்கிரஸ் மூத்த தலைவர்கள் இருவர் உண்ணாவிரதத்தில் ஈடுபட்டுள்ளனர். காந்தி ஆசிரமத்தில் வகேலா, அர்ஜுன் போட்டி உண்ணாவிரதத்தை தொடங்கினார். மோடியின் நிர்வாக சீர்கேட்டை மக்களுக்கு கொண்டு செல்லவே இந்த உண்ணாவிரதத்தில் ஈடுபட்டிருப்பதாக காங்கிரஸ் தெரிவித்துள்ளது.

**இளமாறன்** · **இளமாறன்** Sun Sep 18, 2011 12:40 am

ஆமதாபாத், செப். 17-

குஜராத் முதல்- மந்திரி நரேந்திரமோடி 3 நாள் உண்ணாவிரதத்தை இன்று தொடங்கினார். அப்போது அவர் பேசியதாவது:-

இன்று நான் தொடங்கி இருக்கும் இந்த உண்ணாவிரதம் யாருக்கும் எதிரானது அல்ல. எனவே, மற்றவரை பற்றி இங்கு பேச விரும்பவில்லை. மத அமைதி, சமூக ஒற்றுமைக்காகவே இந்த போராட்டம் நடத்தப்படுகிறது. நமது வெற்றியில் ஒற்றுமையும், அமைதியும், சமூக நல்லிணக்கமும் முக்கிய பங்காற்றி வருகின்றன.

இப்போது ஏற்பட்டுள்ள இந்த எழுச்சியை, ஒவ்வொரு கிராமத்துக்கும், ஒவ்வொரு வீட்டுக்கும் கொண்டு செல்ல விரும்புகிறேன். முன்னேற்ற பாதையில் செல்லவே குஜராத் விரும்புகிறது. மேலும், மேலும் முன்னேற விரும்புகிறோம். சமய நல்லிணக்கமும், ஒற்றுமையும் எங்களது பலம். உலகத்துக்கே முன் மாதிரியாக திகழ விரும்புகிறோம்.

சகோதரத்துவம், அமைதி, ஒற்றுமை இவற்றின் மூலம் சாதித்து காட்டுவோம். ஓட்டு வங்கி அரசியலுக்கு முடிவு கட்டுவோம். எவ்வளவு விமர்சனங்கள் வந்தாலும் இதை புறந்தள்ளி, முன்னேற்றத்தையே குறிக்கோளாக கொண்டு செயல்பட்டு வருகிறேன். இந்தியாவிலேயே குஜராத் முன் மாதிரியான மாநிலமாக திகழ்கிறது. 2001-ல் பூகம்பம் ஏற்பட்டு குஜராத் பேரழிவை சந்தித்தது. இதில் இருந்து மீள முடியுமா? என்று மக்கள் நினைத்தனர்.

பெரும் சரிவில் இருந்து மீள 7 ஆண்டுகள் ஆகும் என்று கணக்கு போட்டார்கள். ஆனால் 3 ஆண்டுகளிலேயே குஜராத்தை தலை நிமிர செய்துவிட்டேன். எனது உண்ணாவிரதத்தின் மூலம் 6 கோடி குஜராத் மக்களின் நிலையை உயர்த்துவேன். இது மக்களுக்கு மேலும் பலம் சேர்ப்பதாக இருக்கும். கடந்த 10 ஆண்டுகளாக பல்வேறு விமர்சனங்களை தாங்கி வந்திருக்கிறோம். நீங்கள் (மக்கள்) அந்த வலியை உணரக்கூடாது என்பதற்காக ஒவ்வொரு தாக்குதலையும் நானே தாங்கிக் கொண்டேன்.

இவ்வாறு அவர் பேசினார்.

மாலைமலர்