தரவரிசை பட்டியலில் 5வது இடத்திற்கு சறுக்கிய இந்திய அணி

by ரபீக் Sun Sep 18, 2011 10:42 am

First topic message reminder :

இங்கிலாந்தில் இந்திய கிரிக்கெட் அணி சந்தித்த தொடர் தோல்விகளின் எதிரொலியாக, சர்வதேச ஒரு நாள் கிரிக்கெட் தரவரிசை பட்டியலில் 1 இடத்தில் இருந்து 5வது இடத்திற்கு சரிந்துள்ளது.

உலக கோப்பையை வென்ற அணி என்ற மகிழ்ச்சியில் திளைத்த இந்திய கிரிக்கெட் அணிக்கு, இங்கிலாந்து சுற்றுப் பயணத்தில் அடிமேல் அடி விழுந்து, தற்போது ஒருநாள் போட்டி தரவரிசை பட்டியலில் 5ம் இடத்தில் தள்ளப்பட்டுள்ளது. இங்கிலாந்து தொடருக்கு முன் முதல் இடத்தில் இருந்த இந்திய அணி, டெஸ்ட் தொடரின் தோல்வி மூலம், 3 வது இடத்திற்கு இறங்கியது.

117 புள்ளிகளுடன் இழந்ததை மீட்க களமிறங்கிய இந்தியா டி20, ஒருநாள் என அனைத்து வகை கிரிக்கெட்டிலும் அடுத்தடுத்து தோல்விகளை சந்திந்து 112 புள்ளிகளுடன் ஒருவழியாக இங்கிலாந்து தொடரை முடித்தது. அதனால் இன்று வெளியான கிரிக்கெட் தரவரிசை பட்டியலில் இந்தியா 5 வது இடத்திற்கு தாழ்ந்துள்ளது.

கடந்த 2008ம் ஆண்டு அக்டோபர் மாதத்திற்கு பின் மீண்டும் 5வது இடத்திற்கு இந்தியா வந்திருப்பது இதுவே முதல் முறை.

தரவரிசை பட்டியலில் தற்போது, 130 புள்ளிகளுடன் முதலிடத்தை பிடித்துள்ளது. அதற்கு அடுத்தபடியாக, 119 புள்ளிகளுடன் இலங்கையும், 116 புள்ளிகளுடன் தென் ஆப்ரிக்காவும் உள்ளது. இந்தியாவை தொடர் தோல்வியில் தள்ளிய இங்கிலாந்து அணி 113 புள்ளிகளுடன் 4வது இடத்தை பிடித்தது. 5 வது இடத்தில் 112 புள்ளிகளுடன் இந்திய உள்ளது.

அதற்கு அடுத்தபடியாக பாகிஸ்தான், நியூசிலாந்து, வங்காளதேசம், ஜிம்பாப்வே அணிகள் வருகின்றன.

இந்தியாவிற்கு தான் இழந்த இடத்தை மீட்க அடுத்த மாதம் ஹைதராபாத்தில் நடக்க உள்ள இங்கிலாந்து அணிக்கு எதிரான ஒருநாள் போட்டியும், தென் ஆப்பிரிக்கா -ஆஸ்திரேலியா அணிகளுக்கு எதிரான ஒருநாள் போட்டிகளும் உதவுமா என்பதை பொறுத்து இருந்து தான் பார்க்க வேண்டும்
தட்ஸ்தமிழ்

by **Manik** Sun Sep 18, 2011 1:26 pm

திரும்ப இங்கிலாந்து இந்தியாவில் விளையாட வரும் அப்ப இங்கிலாந்தை புரட்டி போட்டுருவோம் காத்திருங்கள் அடுத்த அப்டேட்டிற்கு

அதுவரை உங்களிடமிருந்து விடைபெறுவது

உங்கள் மாணிக் ஜாலி

by செய்தாலி Sun Sep 18, 2011 3:09 pm

எழும் போது போற்றுவோர்
விழும்போது தூற்றுவது
நம் பாரதமண்ணின் இயற்கை

வெற்றிக் கிரீடம் சூடுமுன்
ஒரு தோல்வி நல்லதே

விழுந்த இடத்தில் கிடப்பதற்கு
நாம் பன்றிக் கூட்டமல்ல
பதுங்கி சீறிப்பாயும் புலிக்கூட்டம்

வீழ்ச்சியில் வலியை உணர்ந்தவர்கள்
மீண்டும் விழாமல் இருக்க
நம்பிக்கை புன்னகையை விதைப்போம்

இதை ஏன் எழுதிகிறேன் என்றால்
கடைசி ஒருநாள் ஆட்டத்தை இரவு மூன்று மணி வரை பார்த்தேன் ஏன் தெரியுமா
நம் அணி ஒருமுறையாவது வெற்றி கண்டிவிடாத என்ற ஒரு நப்பாசை
இது எனக்கு மட்டுமல்ல என்னைப்போல் ஏன் தேச மக்களுக்கும் உள்ளதுதான்

உலக கோப்பைக்கு முன் தென் ஆப்ரிக்காவிடம் தோல்வியைத் தழுவினோம்
பின் நாம் உலகக் கோப்பை ருசித்தோம்

மழைபெய்து சறுக்கும் களத்தில் இரண்டாம் அணி வெற்றி வருவது மிகக் கடினம்
எத்தனை வீரர்கள் காயம் அடைந்தார்கள் நாம் கண்கூடாக பார்த்த உண்மை
அப்படி இருந்தும் நாம் போராடினோம் சரியான நேரத்தில் கைகொடுக்க பந்து வீச்சாளர்களால் முடியவில்லை

நம் வீர்கள் கண்டிப்பா சாதிப்பார்கள்