விடைபெற்றார் டிராவிட் * சச்சின், கங்குலி பாராட்டு

கார்டிப்: சர்வதேச ஒருநாள் போட்டிகளில் இருந்து, இந்திய அணியின் டிராவிட் விடை பெற்றார். இவருக்கு முன்னாள் கேப்டன் கங்குலி, மாஸ்டர் பேட்ஸ்மேன் சச்சின் ஆகியோர் பாராட்டு தெரிவித்துள்ளனர்.
இந்திய அணியின் மும்மூர்த்திகளில் ஒருவராக திகழ்ந்தவர் டிராவிட் (38). கடந்த இரண்டு ஆண்டுகளாக ஒருநாள் அணியில் இடம் பெறாமல் இருந்த டிராவிட், இங்கிலாந்து தொடரில் பங்கேற்றார். நேற்று கார்டிப்பில் நடந்த போட்டியுடன் ஒருநாள் அரங்கில் இருந்து விலகினார். இவர் தொடர்ந்து டெஸ்ட் போட்டிகளில் விளையாடுவதாக அறிவித்துள்ளார்.
இவருக்கு இந்திய கிரிக்கெட் நட்சத்திரங்கள் பாராட்டு தெரிவித்துள்ளனர்.
சச்சின்: இந்திய அணியில் அதிகம் பாராட்டப்படாத "ஹீரோ' டிராவிட். இந்திய கிரிக்கெட்டுக்காக பல சாதனைகள் புரிந்துள்ள இவர், ஒருநாள் போட்டிகளில் வியக்கத்தக்க அளவில் அசத்தியுள்ளார். உடனடியாக ரன் கணக்கை துவங்க மாட்டார். சிறிது நேரம் செலவிட்டு, களத்தில் "ஸ்டெடி' ஆகிவிட்டால், அப்புறம் ரன்கள் தானாக வரும். இதுபோன்ற வீரர்கள் அணிக்கு கட்டாயம் தேவை.
விக்கெட் கீப்பர் பணியும் சேர்த்து செய்வார். இது 2003 உலக கோப்பை தொடரில் பெரிய அளவில் அணிக்கு உதவியாக இருந்தது. எங்கள் அனைத்து வீரர்களுக்கும் "ரோல் மாடலாக' இருந்து வந்த இவர், தொடர்ந்து இதேபோல இருப்பார் என்பதில் எவ்வித சந்தேகமும் இல்லை.
கங்குலி (முன்னாள் கேப்டன்):

இந்திய கிரிக்கெட் டிராவிட்டுக்கு நன்றி சொல்ல வேண்டும். 2002 ல் ஒருநாள் போட்டிகளில் முதன் முதலாக விக்கெட் கீப்பர் பணியையும் சேர்த்து பார்க்கலாம் என களமிறங்கியது பெரிய திருப்பமாக அமைந்தது. இவரது இந்த முடிவு காரணமாக, "மிடில் ஆர்டரில்' மே<லும் ஒரு பேட்ஸ்மேன் கூடுதலாக இடம் பெற்று, பேட்டில் வலிமையாக உதவியது.

கும்ளே (முன்னாள் கேப்டன்):

டிராவிட்டின் பெரும்பாலான கிரிக்கெட் வாழ்க்கையில், நானும் அவருடன் இணைந்து விளையாடியுள்ளேன். இதில் எப்போதும் அவருக்கு நான் முன்னுரிமை கொடுப்பேன். அணியின் வீரராக, நல்ல ஆலோசகராக இருந்த டிராவிட்டின் பங்களிப்பு அளவிட முடியாதது. எதிர்காலத்தில் இது இந்திய அணிக்கு இழப்பு தான்.

-- thinamalar

அவரின் கிரிக்கெட் வாழ்க்கையில் இனிவரும் பகுதி பயிற்சியாளராக இந்திய அணிக்கு வர வேண்டுமென்பதே என் ஆசை.

விளையாட்டைத் தவிர ஒழுக்கம், பொறுமை,
நேர்மை, பிறரை மதிப்பது போன்ற குணங்களையும்
ஒருங்கே பெற்ற நல்ல மனிதர் திராவிட். இன்றைய வளரும்
வீரர்கள் இவற்றையும் இவரிடமிருந்து கற்றுகொண்டால் நல்லது...

இந்தியாவின் மதில் சுவர் தடுப்பாட்ட சொந்த காரரர்..!பாராட்டுக்கள்..!