வெள்ளையரும் கருப்பரும் !!

கனரக தொழிற்சாலைகள் நிறைந்த இடம் அது. இந்த தொழிற்சாலைகள் ஒரு வித்யாசமான தொழிற்சாலைகள் இங்கு மட்டும் தான் தொழிலாளர்கள் நன்கு வேலை செய்தால் அவர்களுக்கு சம்பளம் கொடுத்து வீண் செலவு செய்ய வேண்டியது இல்லை. மாறாய் அவர்கள் தங்கள் வேலையில் ஏதாவது ஒரு குறை வைத்தாலும் நாம் சில பணங்களை சம்பளமாக செலவு செய்து மீண்டும் அவர்களை நல்ல படி வேலை செய்ய வைக்க வேண்டும். இல்லையென்றால் தொழிற்சாலைகளால் இயங்கிக் கொண்டிருகின்ற அந்த நகரம் ஒன்றும் இல்லாமல் ஆகிவிடும்.

எந்த தொழிற்சாலை எடுத்தாலும் முதலாளிகள் மற்றும் பணியாளர்கள் இடையே சண்டை கருத்து வேறுபாடு ஏற்படும். பிறகு ஏதாவது கலந்துரையாடி அதை சரி செய்து கொள்வார்கள். ஆனால் இந்த தொழிற்சாலைகளுக்கு பிரச்சினை அங்குள்ள இயந்திரங்களை தாக்க வரும் அந்நிய சக்திகளால். அந்நிய சக்திகள் தான் இத்தொழிற்சாலைகளுக்கும் இந்த கதைக்கும் கூட வில்லன்கள். ஆக வில்லன்களை கருப்பர்கள் என்று வைத்துக் கொள்வோம். இந்த கருபர்களிடம் இருந்து தொழிற்சாலைகளை பாதுக்காக்க இருக்கும் இயந்திரங்களை வெள்ளையர்கள் என்று வைத்துக்கொள்வோம்.

வெள்ளையர்கள் வேலை தங்களை தற்காத்துக் கொள்வதும் தொழிற்சாலையை பாதுகாப்பதும் அதன் மூலம் அந்நகரத்தை அழிவில் இருந்து காப்பதுமே ஆகும். இந்த கறுப்பர்களின் படைகளை அவ்வளவு எளிதாக எடுத்துக் கொள்ள கூடாது. அவர்கள் மிகவும் பலம் வாய்ந்த ஆயுந்தங்களை கொண்டு தாங்குபவர்கள். அவ்வெள்ளையர்களும் அவர்களுக்கு சலித்தவர்கள் இல்லை. ஆனால் நகரம் எப்படி அந்த இயந்திரங்களுக்கு(வெள்ளையர்களுக்கு) சரியாக வேண்டிய பொருளினை தொழிற்சாலைகள் மூலம் கொடுத்து ஊட்டப் படுத்தி வைத்திருகின்றதோ அந்த அளவு தான் அவர்களின் செயல் பாடும் கருப்பர்களுடனான போர்களத்திலும் இருக்கும்.

கருப்பர்களில் பல விதங்கள் உள்ளனர் எல்லா கருப்பர்களும் எல்லா
தொழிற்சாலைகளையும் தாக்க மாட்டார்கள் அவரவருக்கு என்று தொழிற் சாலைகளை தேர்ந்தெடுத்துக் கொள்வார்கள். ஆனால் அனைத்து தொழிற்சாலைகளையும் பாதுகாப்பது வெள்ளையர்களின் வேலை தான். இதனாலேயே வெள்ளையர்களை இந்த தொழிற்சாலைகளை காக்கும் படைவீரர்கள் என்று அழைகின்றனர் என்றால் பார்த்துக்கொள்ளுங்கள்.

கருப்பர்கள் தோற்றத்திலும் சரி கையில் வைத்திருக்கின்ற ஆயுதத்திலும் சரி மிகவும் கொடியவர்கள். இவர்களை பார்த்ததுமே எவ்வளவு சத்துப் பெற்றிருந்தாலும் வெள்ளையர்களுக்கு ஈரக் கொலை ஆடும் என்பது இன்னொரு புறம்.ஆனாலும் வெள்ளையர்கள் புற முதுகிட்டு ஓட மாட்டார்கள் கடைசி வரை நேருக்கு நேர் நின்று போராடுவார்கள் இறுதி கட்டத்தில் முடியவில்லை என்றால் தங்கள் உயிரை போர்களத்திலேயே விட்டு விடுவர். ஒரு கறுப்பர் தொழிற்சாலையை தாக்கி விட்டால் அந்த தாக்குதலை சாதகமாக பயன் படுத்தி கொண்டு மற்ற கருப்பர்கள் தொழிற்சாலையை ஆக்கிரமித்து நாசப் படுத்தி விடுவர்.

இப்படி தான் ஒரு முறை சில கருப்பர்கள் கூட்டம் ஸ்டொமக் என்று பெயர் கொண்ட தொழிற்சாலையையும் நோஸ் என்ற தொழிற்சாலையும் ஒரே நேரத்தில் தாக்கினர். அப்பொழுது வெள்ளையர்கள் தங்கள் முழுத்திறமையையும் செலவழித்து போராடினர். கறுப்பர்களின் அடி அவர்களை இடியாக தாக்கியது, இருந்தாலும் ஒவ்வொரு அடியையும் ருசித்து பெற்று பின் பதிலடி கொடுக்க நினைக்கும் போதெல்லாம் அடி மேல் அடி. நொந்து அமர்ந்தாலும் அடி, இனி நம்மால் முடியாது என வெள்ளையர்கள் நீட்டி படுத்தப் பின்பும் அடி, இவ்வளவு அடி வாங்கியும் தொழிற்சாலை தாங்கிக் கொண்டு இருக்கிறது என்றால், அதற்கு முக்கிய காரணம் வெள்ளையர்கள் அரணாக இருந்து தொழிற்சாலையை பாதுகாத்ததே.

ஏன் இந்த கருப்பர்கள் இப்படி கொடூரமாக தாக்குகிறார்கள் என்று வெள்ளையர்கள் தங்களுக்குள்ளும் தொழிற்சாலை உரிமையாளர்கள் தங்களுக்குள்ளும் ஒரு விவாதத்தை வைத்தனர். கருப்பர்கள் வரும் ஒவ்வொரு நாளும் நகரம் தூய்மையற்று ஏதாவது தீய செயலுக்கு ஆளாக்கப்பட்டு இருந்ததை அவர்கள் விவாதம் வெளிக்கொணர்ந்தது. ஆக நம் வாங்கிய அடிகளுக்கெல்லாம் காரணம் நம் வசிக்கும் நகரத்தின் ஒழுக்கமற்ற, மற்றும் முறையற்ற பழக்கத்தால் என்று அந்நகரத்தினை நொந்து கொண்டு இரண்டு நாள் வேலை செய்யாமல் ஸ்ட்ரைக் இல் ஈடு பட்டன அப்பொழுது நகரம் வெகுவாக பாதிக்கப் பட்டது. இப்படி வெள்ளையர்கள் ஸ்ட்ரைக் இல் இருந்தால் நம் நிலைமை கேள்விக்குறியாகி விடும் என்று அன்றிலிருந்து அந்நகரம் எந்த வித முறையற்ற மற்றும் தூய்மையற்ற செயல்களை செய்ய மாட்டேன் என்று உறுதி அளித்த பின்னரே வெள்ளையர்கள் மீண்டும் தங்கள் பணிக்கு திரும்பி அக்கருப்பர்களை ஓட ஓட விரட்டி அடித்து தங்கள் தொழிற்சாலையையும் தங்கள் நகரத்தையும் காத்தனர்.