வாழ்க்கை

by ரேவதி Sat Sep 17, 2011 1:38 pm

உன் உருவம் காட்டும் கண்ணாடி போன்றது
உன் வாழ்க்கை
நீ எதை காட்டுகிறாயோ அதையே அது உனக்கு
பிரதிபலிக்கும்

நீ அறைகூவும் எதிரொலி போன்றது உன்
வாழ்க்கை
நீ என்ன சொல்லி அழைக்கிறாயே அதுவும்
அதையே சொல்லி உன்னை அழைக்கும்

உன் வாழ்க்கையின் அத்திவாரம் உன் தன்நம்பிக்கை
அதை நீ உறுதியாக இட்டுக்கொண்டால்
உன் கட்டிடம் நிலைநிற்கும்

உன் வாழ்க்கையின் மூச்சு உன் முயற்சி
அதை நீ நிறுத்திவிட்டால்
உன் வாழ்க்கை முடிவடைந்து விடும்

உன் வாழ்கையின் ஆரம்பம் உன் வெற்றி
அதை நீ பெற்றுக்கொண்டால் அமைதி அடைந்து கொள்
அது உனக்கு மேலும் ஒரு ஆரம்பமாயிருக்கும்

உன் வாழ்க்கையின் ஏணி தோல்வி
அதை நீ பெறா விட்டால்
உன்னால் மேற் செல்வது கடினமாகிவிடும்

உன் வாழ்க்கையின் இதயம் நல்ல குணம்
அதை நீ சுத்தப்படுத்தா விட்டால்
உன்னில் நோய் உறுவாகிவிடும்

உன் வாழ்க்கையின் உணவு பணம்
அதிகமாய் சாப்பிட்டால்
அது உனக்கு நஞ்சாக மாறிவிடும்

உன் வாழ்க்கையின் முகம் உன் காதல்
அதை நீ இழந்து விட்டால்
உன் உருவம் மதிப்பற்றதாகி விடும்

உன் வாழ்க்கையின் போதை அதுவே உனது மமதை
நீ அதை அருந்தி விட்டால்
உன் வாழ்வு தள்ளாடிவிடும்

உன் வாழ்க்கையின் வழிகாட்டி உன் ஆசான்
நீ அதை சரியாக தெரிவு செய்யாவிட்டால்
உன் திசை மாறிவிடும்

உன் வாழ்க்கையின் வெளிச்சம் உன் நண்பர்கள்
அதை நீ அனைத்து விட்டால்
உன் வாழ்கை இருளடைந்து விடும்

உன் வாழ்க்கையின் அமைதி உன் செல்வம்
உரிய முறையில் பயன்படுத்தாவிட்டால்
அதுவே உன்னை ஆபத்தை நோக்கி நகர்த்தும்

உன் வாழ்க்கையின் நஞ்சு பொறாமை
அது துளி உட்சென்றாலும்
உன் வாழ்வு முற்றுப் பெற்று விடும்

உன் வாழ்வின் சுவர்க்கம் உன் பெற்றோர்
அவர்களை நீ பிரிந்து விட்டால்
சுகமும் உன்னை விட்டுப் பிரிந்து விடும்

உன் வாழ்வின் போர்வை உன் மனைவி
அவளை நீ நிராகரித்தால்
உன் மானம் சென்று விடும்

உன் வாழ்வின் மேகம் உன் சொந்தம்
அவர்கள் இல்லாவிட்டால்
உன் பூமி மழையின்றி வரண்டுவிடம்

உன் வாழ்க்கையை எரிக்கும் நெருப்பு சந்தேகம்
அதற்கு நீ விரகூட்டினால்
உன் வாழ்வின் சாம்பலையும் கருக்கிவிடும்

உன் வாழ்க்கையின் திருப்தி நிம்மதி
அதை நீ பெறாவிட்டால்
உன் வாழ்வு அற்தமற்றதாகிவிடும்

உன் வாழ்க்கையின் நோய் உன் கோபம்
அதை நீ சுகப்படுத்தா விட்டால்
அது உன்னை நோகடித்து விடும்

உன் வாழ்க்கையின் எல்லை இன்பம்
அதை நீ பெற்றுக் கொள்
அதுவே உன் வாழ்கையின் கவசம்

உன் வாழ்க்கையின் யதார்த்தம் துன்பம்
அதை நீ ஏற்காவிட்டால்
உன் மனிதம் மங்கிவிடும்

உன் வாழ்வின் முடிவு உன் மரணம்
அது உனக்கு நிகழ்ந்து விட்டால்
இச் சமூகம் உன்னை மறந்து விடும்

ஆகவே.......
ஒரு வெறும் தரை போன்றது உன் வாழ்கை
அதை நீ எவ்வாறு பயன்படுத்துகிறாயோ
அதன் விளைச்சல் உனக்குத்தான்
உனக்கு மட்டும்தான்

இன்று நன்மையை விதை தோழனே
நல்ல அறுவடையை பெறு
நாளை உன்னை வரவேற்கிறது
நேற்று உனக்கு விடை கொடுக்கிறது

இழந்ததை விட்டு விடு
இனி இருப்பதை பற்றிப்பிடி
இனிதே தொடங்கட்டும் உன் வாழ்வு
அன்றுதான் என் கவிக்கும் சாவு

- கவிப்பிரியன்

by முகம்மது ஃபரீத் Sat Sep 17, 2011 1:47 pm

அருமையான கவிதை பகிர்ந்தமைக்கு நன்றி சூப்பருங்க

by முஹைதீன் Sat Sep 17, 2011 2:02 pm

அருமயான வரிகள் மேலும் தொடர வாழ்த்துக்கள் .

உன் வாழ்க்கையின் வெளிச்சம் உன் நண்பர்கள்
அதை நீ அனைத்து விட்டால்
உன் வாழ்கை இருளடைந்து விடும்

அனைத்து விற்கு இந்த ண வரும் என்று நினைக்கிறேன் அர்த்தம் மாறிவிடும்

by dsudhanandan Sat Sep 17, 2011 2:07 pm

கவிதை பகிர்வுக்கு நன்றி இளவரசியே....

by **உமா** Sat Sep 17, 2011 2:12 pm

ரேவதி..பாதி படிக்கும்போதே என்ன ஒரு சிந்தனை நம்ம ரேவதிக்கு என்று நினைத்து பிரமித்து போனேன்..ஆனால் இது கவிப்பிரியன் எழுதியது என்று பார்த்ததும் அதே பிரமிப்பிலே தான் இருந்தேன்.. ஏன் தெரியுமா, நீ ரசித்த கவிதை மிகவும் அழகு..ரசிக்கவும் ஒரு திறமை வேண்டும்....நன்றி ரெவ்... சூப்பருங்க

by kitcha Sat Sep 17, 2011 2:35 pm

Code:: [b]உன் வாழ்க்கையின் அத்திவாரம் உன் தன்நம்பிக்கை அதை நீ உறுதியாக இட்டுக்கொண்டால் உன் கட்டிடம் நிலைநிற்கும்[/b]

மொத்தத்தில் வாழ்க்கை ஒரு பயணம் ............அது நிற்பதும்(நமது இறப்பு), தொடர்வதும்(நாம் இறந்த பின் மக்கள் மனதில் நாம் வாழ்வது) நம் கையில் .

நல்ல கவியை எங்களுடன் பகிர்ந்து கொண்ட ரேவதிக்கு வாழ்க்கை 678642