மயிலாப்பூரில் வயதான தம்பதியை ஏமாற்றி 60 சவரன் நகை சுருட்டல்

**சிவா** · **சிவா** Sat 17 Sep 2011 - 10:05

சென்னை : மயிலாப்பூரில் வயதான தம்பதியை ஏமாற்றி 60 சவரன் நகையைச் சுருட்டி சென்ற டிப்&டாப் ஆசாமியை போலீசார் தேடி வருகின்றனர்.

மயிலாப்பூர் டிசில்வா ரோட்டில் வசிப்பவர் ராஜகோபாலன் (83). இவரது மனைவி சின்னி (73). இவர்கள் வீட்டுக்கு நேற்று முன்தினம் காலை ஒரு டிப்&டாப் ஆசாமி வந்தார். Ôநான் கார்ப்பரேஷன் ஊழியர், உங்கள் வீட்டு கால்வாயில் ஏற்பட்டுள்ள அடைப்பை எடுக்க வேண்டும் என்று எனக்கு உத்தரவிடப்பட்டுள்ளது. எங்கு அடைப்பு ஏற்பட்டுள்ளது என்று கூறினால், எனது பணியை செய்வேன்’ என்று கூறினார்.

இதற்கு முதிய தம்பதிகள் ‘நாங்கள் கோயிலுக்கு கிளம்பி விட்டோம். இன்னொரு முறை வந்து பாருங்கள்’ என்றனர். Ôபரவாயில்லைந கோயிலுக்கு போய்விட்டு வரும் வரை காத்திருக்கிறேன்Õ என்று கூறிய டிப்டாப் ஆசாமி அங்கேயே வெளியில் இருந்தார்.

கோயிலில் இருந்து தம்பதியினர் திரும்பி வந்தனர். அவர்கள் கொடுத்த பிரசாதத்தை வாங்கி சாப்பிட்ட ஆசாமி, அங்கும் இங்கும் அவர்களை அலைய விட்டு சாக்கடை கால்வாய் அடைப்பை நீக்கிவிட்டேன். இனிமேல் பிரச்னை இருக்காது என்று கூறி சென்று விட்டார். அதன்பிறகு வீட்டுக்குள் தம்பதி சென்றனர். அங்கு பீரோ திறந்து கிடந்ததால் திடுக்கிட்டனர். பீரோவில் இருந்த செயின், மோதிரம், வளையல்கள் உட்பட 60 சவரன் நகைகளை காணாமல் அதிர்ச்சி அடைந்தனர்.

இதுகுறித்த புகாரின் பேரில், மயிலாப்பூர் போலீஸ் இன்ஸ்பெக்டர் கருணாகரன் வழக்கு பதிவு செய்து, நூதனமாக நகைகளை அபேஸ் செய்த வாலிபரை தேடி வருகிறார். தனியாக இருந்த வயதான தம்பதியை ஏமாற்றி 60 சவரன் நகை கொள்ளையடிக்கப்பட்டது, மயிலாப்பூரில் பரபரப்பை ஏற்படுத்தி உள்ளது.

தினகரன்