நாய்க்குட்டியை பிரசவித்த பூனை..?- சீனாவில் விசித்திரம்!

puthiyaulakam · puthiyaulakam Fri Sep 16, 2011 1:35 pm

First topic message reminder :

மது புதியஉலகத்தில் எத்தனையோ நம்ப முடியாத விசித்திரங்களை நாம் உங்களுக்கு அறியத்தந்து கொண்டிருக்கிறோம். அந்த வரிசையில் இன்னுமொரு நம்பமுடியாத அதிசயத்தை நாம் தரப்போகிறோம். இதற்கு முன்னர் ஆடு ஒன்று நாய்குட்டி போன்ற சம்பவம் இடம்பெற்றது. தற்போது பூனை நாய்குட்டி போட்டுள்ள செய்தி வெளியாகியுள்ளது. சீனாவில் காணப்படும் ஒரு பூனை நாய்க்குட்டியை பிரசவித்துள்ளது. என்ன ஆச்சரியமாக இருக்கிறதல்லவா? ஆம் இந்த தகவல் பற்றிய மேலதிக விபரம் பின்வருமாறு:-

கிழக்கு சீனாவின் ஜியாங்சு மாகாணத்தில் சவ் யுன் என்பவர் பூனை ஒன்றினை வளர்த்து வந்துள்ளார். பின்னர் அந்த பூனை கர்ப்பமடைந்து இரண்டு குட்டிகளை பிரசவித்தது. இது பற்றி உரிமையாளர் சவ் யுன் கூறுகையில் நான் சென்று பார்க்கும் போது அது தனது இரண்டு குட்டிகளையும் வாயில் கவ்விக்கொண்டு நின்றது. நான் அருகில் சென்று பார்த்ததும் வியந்து போனேன். அதில் ஒரு குட்டி நாய்க்குட்டியாக காணப்பட்டது என தெரிவித்தார். இச்சம்பவத்தை தொடர்ந்து அங்குள்ள யாங்சன் என்பவர் பத்திரிகையாளர்களை அழைத்து இச்சம்பவத்தினை விபரித்தார்.

மேலும் இச்சம்பவம் பற்றி சீனாவின் செல்லப்பிராணிகளுக்கான உள்ளுர் மருத்துவமனை தலைவர் கருத்து தெரிவிக்கையில் இந்த சம்பவம் கொஞ்சம் கூட நடமுறை சாத்தியமற்ற சம்பவம் என தெரவித்துள்ளார். மேலும் இரண்டு வேறு இனத்தை சேர்ந்த விலங்குகள் ஒரே இனத்தை பெற்றெடுக்க முடியாது. குறித்த பூனை குட்டி போட்ட பின்னர் தனது இரண்டு குட்டிகளில் ஒன்று இறந்த பின்னர் வெளியில் சென்று எங்காவது குப்பையில் பிறந்து கிடந்த நாய்க்குட்டியை தூக்கி வந்திருக்கலாம் எனவும் இதன் பின்னரே உரிமையாளர் கண்டுள்ளார் எனவும் சுட்டிக்காட்டியுள்ளார்.

எது எப்படியோ எங்கையோ தவறு நடந்துள்ளது என்பது மட்டும் எமக்கு தெளிவாக புரிகிறது.
நாய்க்குட்டியை பிரசவித்த பூனை..?- சீனாவில் விசித்திரம்! - Page 2 Cat-Gives-Birth-To-Dog-11