கர்ப்பிணியின் எடை கூடலாமா?

கர்ப்பக் காலத்தில் இரண்டு பேருக்கு சேர்த்து சாப்பிடவேண்டும் என்று உங்களுக்கு சொல்லப்பட்டிருப்பது ஆதாரமற்றது, ஆபத்தானது. குறைவாக சாப்பிடுவதைவிட அதிக தீங்கு தருவது மிகை உணவு. மிதமான சாப்பிடுவதே நல்லது.

அதிகமாக சாப்பிட்டால் உடல் பருமன் அதிகமாவதோடு, அஜீரணக் கோளாறுகள், பேறுகால வலிப்பு, டாக்சீமியா என்றநோய் ஆகியவை வரும் வாய்ப்பு அதிகம்.

கர்ப்பக் காலத்தில் பால் அதிகமாக அருந்தலாம். பருப்பு, முட்டை, இறைச்சி, புத்தம் புதிய காய்கள் ஆகியவற்றை போதுமான அளவு சாப்பிடுங்கள்.
கருக்காலத்தில் நீங்கள் உங்கள் எடை அதிகரிக்காமல் பார்த்துக் கொள்ள வேண்டியது மிக முக்கியம். கர்ப்பக்காலம் முழுவதும் மொத்த எடை அளவு இயல்பான எடையுடன் பத்து அல்லது பன்னிரண்டு கிலோவுக்கு மிகாமல் பார்த்துக் கொள்ள வேண்டும்.

எடை மிக அதிகமாவது, அல்லது இயல்பை விட குறைவது ஆகிய இரண்டுமே பல அபாயங்களைக் கொண்டு வரும்.

தாயின் எடை உயராமல் நிலையாகவோஅல்லது இயல்பை விட குறைந்தோ இருந்தால் குறை பிரசவம் ஏற்படும். அல்லது கர்ப்பத்திலேயே குழந்தை இறந்து பிறக்கும். எடை மிகஅதிகமாக இருந்தால் டாக்டரீமியா என்றநோயும்., பிற்காலத்தில் குழந்தை அதிக உடற்பருமனுடனும் இருக்கும்.

கர்ப்பக் காலத்தில் உடலில் சேரும் கொழுப்புகள் பெரும்பாலும் உடற்பகுதியின் கீழ்ப்றுத்திலும், மேற்புறத் தொடைகளிலும் ஏற்படும். இது இரண்டாவது மூன்று மாத கருக்காலத்தின்மையப் பகுதியில் அதிகரிக்கிறது. கொழுப்பு சேர்வதை புரொஜெஸ்டீரான் ஹார்மோன் தூண்டுகிறது. இவ்வாறு கொழுப்பை சேர்த்துவைப்பதற்கான உண்மைக் காரணம், தாயால் போதுமான உணவை சாப்பிட இயலாத சூழ்நிலை உண்டாகும் போது தயாராக எடுத்துப் பயன்படுத்திக் கொள்வதற்காகத்தான்

தேவையில்லாமல் எடை அதிகரிப்பதை தவிர்க்க வேண்டும். புரதம், வைட்டமின்கள் மற்றும் தாதுக்கள் இல்லாத அதிக கலோரிகள் நிறைந்த உணவை சாப்பிடுவதை தவிர்க்கவேண்டும்.

வறுத்த உணவுகள், கிரீம்கள், இனிப்புகள், சாக்லேட்டுகள்.,சர்க்கரை, குளுக்கோஸ், கேக்குகள், மாவுப் பொருட்கள், ஆவியில் வேகவைக்கப்பட்ட உணவுகள், பிஸ்கோத்துகள், ஜாம் போன்ற உணவுகள் தவிர்க்கப்பட வேண்டும்.

இந்தக் கட்டுப்பாடுகள் அனைத்தையும் பின்பற்றிய பிறகும் உடல் எடை மிக அதிகமானால் மருத்துவரை அணுகவேண்டும்.

கர்ப்பிணிக்கான உணவுத் திட்டம்

(சுமார் 48 கிலோ எடையுள்ள கர்ப்பிணிக்கு)

தேவையான அளவு கலோரிகள்- 2200

காலை- 7 மணி

டீ-ஒரு கப், பேரீட்சை-5 அல்லது 6 துண்டுகள், 2 அ 3 மேரி பிஸ்கோத்து அல்லது ரஸ்க்.

காலை-8.30

ரொட்டித்துண்டு-2 அல்லது கஞ்சி- ஒரு கோப்பை அல்லது இட்லி-2 ல்லது சிறிது காய்கறிகளுடன் சப்பாத்தி-2, பாலடைக்கட்;டி-1 துண்டு அல்லது ஒரு முட்டை மற்றும் ஒரு டம்ளர் பால்.

காலை-11 மணி

அவ்வப்போது கிடைக்கும் பழங்கள்., முளை கட்டிய தானியம்- ஒரு கப்.

மாலை 1 மணி

சப்பாத்தி-3 அல்லது4, அல்லது சோறு 3 கரண்டி, பருப்பு-1 கப், பச்சைக் காய்கறி-1 கப், தயிறு- 1 கப், சாலாடு- ஒரு சிறிய தட்டு நிறைய.

மாலை 4 மணி

மில்க் ஷேக்- ஒரு டம்ளர் அல்லது உப்புமா- உண்ணும்அளவு.

மாலை 8.30 மணி

சப்பாத்தி-3 அல்லது 4. அல்லது சோறு-3 கரண்டி, பருப்பு-1 கரண்டி, பச்சைக் காய்கறி-1 கரண்டி, தயிர்- ஒரு கோப்பை, இறைச்சி, மீன் அல்லது
கோழி இறைச்சி- 1 கப், சாலாடு- ஒரு தட்டு

இரவு 9.30 மணி

பால்- ஒரு டம்ளர்.