பொங்கடா தம்பி பொங்கு ! (கவிதை)

by **kirikasan** Thu Sep 15, 2011 10:13 pm

பொங்கிடடா தம்பி பொங்கிடு நீயும்
பூத்த நெருப்பெழு பூகம்பமாக
பொங்கிடடா தம்பி பொங்கிடு நீயும்
புன்னகை மாறிப் புயலென்ப தாக
பொங்கிடடா தம்பி பொங்கிடு நீயும்
பேய்கள் விளைந்துபொலிந்தன ஈழம்
எங்கும் பெரும்ஓலம் எத்தனைபீதி
இத்தனை கண்டுமா இன்னும் தயக்கம்

தொங்குதடா தம்பி துட்டபிசாசுகள்
தூபமிட வொருமந்திரம் உண்டோ
அங்கமழியவர் ஆடுகளத்தில்
ஆனந்தக்கூத்தாடி ஓட்டினர் மைந்தர்
சிங்களம் இன்றுபார் எங்களின் ஈழம்
செங்குளமாக்கினர்,சிந்தனைகொண்டு
நம்குலம் காத்திட நீயெழவேண்டும்
நாடு பிரித்தெம்மை நாம் காக்கவேண்டும்

போதி மரத்தின்கீழ் நின்றவனெல்லாம்
புத்திஅழிந்திட முற்றத்தில் நிற்கும்
ஊதி வளர்ந்த முருங்கை மரத்தில்
ஏறித் தலைகீழாய் தொங்குதல் காணாய்
நீதி சொல்விக்கிர மாதித்தன்அல்ல
நின்றுபதில் சொல்ல நேரமுமில்லை
பாதியில் வேதாளம் பாயும் மரத்தில்
பட்டதுஎத்தனை பாடுகள் கண்டோம்

கையிலே வாளினை வைத்தவன் மன்னன்
காலம் விரைந்திட மீண்டும் நடந்தான்
பொய்யிலேபேசுவர் பேய்களென்றானார்
பொங்கிடடாதம்பி போதுமேபேச்சு
நெய்பூசிக் கொண்டவன் மெய்கூசிஓட
நீயேஎழுந்திடு நீதியைத் தேடி
வெய்யோன்எழுந்திட எம்மீழம் காண
ஐநாவில் முன்னாலே பொங்கிஎழடா

வரும் திங்களன்று(!9.0911) ஐநா முன்றலில் நடக்கவிருக்கும் நீதி கேட்கும் பேரணியைக் குறித்து எழுதப்பட்டது