ஏறவே முடியாத மலையின் உயரத்தை அளப்பது எப்படி?

by அப்துல் Thu Sep 15, 2011 6:31 am

மனிதனால் ஏறவே முடியாத அளவு உயரமான மலைகளும் உள்ளன. மனிதன் சர்வசாதாரணமாக ஏறித் திரியும் மலைகளும் உள்ளன. ஆனால் எல்லா மலைகளின் உயரத்தையும் துல்லியமாகத் தெரிவிக்கிறார்களே, அது எப்படி? பூமிப் பரப்பில் இருந்து மலையின் உச்சி வரை `டேப்’ வைத்து அளக்கிறார்களா என்ன? பூமியின் பரப்பைக் கணக்கிடுவதற்கு மிகப் பழைய முறைகள் உண்டு. அவை பலவகைப்பட்டாலும் ஒரு குறிப்பிட்ட முறையை அதிகம் பயன்படுத்துகின்றனர். அம்முறைக்கு, `முக்கோணமாக்கல்’ என்று பெயர். கணக்கில் ஜியாமெட்ரி பாடங்கள் படிக்கும்போது முக்கோணத்தின் ஒரு பக்கத்தின் நீளம், கோணம் ஆகியவற்றைக் கொடுத்து மற்ற இரு பக்கங்களின் அளவுகளைக் கண்டுபிடிப்போமே அந்த முறைதான் பூமியின் பரப்பு பற்றிய கணக்கீடுகளுக்கும் பயன்படுகிறது.

ஒரு ஏக்கர் பரப்பளவுள்ள நிலமோ அல்லது ஆயிரம் ஏக்கர் நிலமோ, அளவிடும் முறை ஒன்றுதான். ஒரு சங்கிலி, கம்பி அல்லது கழி வைத்துக்கொண்டு ஒரு குறிப்பிட்ட பக்கத்தை அளந்துகொண்டு, அதை ஒரு முக்கோணத்தின் ஒரு பக்கமாகக் கணக்கிட்டு, அதற்கேற்ப இருபக்க முக்கோணங்களையும் கணக்கிட வேண்டும். இவ்வாறு ஒரு முக்கோணத்தின் பரப்பு கணக்கிடப்பட்டதும், மொத்தப் பரப்பையும் பல முக்கோணங்களாக்கிக் கணக்கிட்டு விட முடியும். இவ்வாறு கோணங்களைக் கணக்கிட உதவும் கருவிக்கு `டிரான்சிட்’ என்று பெயர். இந்தக் கருவியை வைத்து செங்குத்தாகவும் கணக்கிட முடிவதால், மலை உச்சிகளின் உயரத்தையும் கணக்கிட முடிகிறது.

இதற்குச் சமப்பரப்பு (லெவலிங்) முறையில் கணக்கிட வேண்டும். அதாவது இந்த டிரான்சிட் கருவியில் சமப் பரப்பைக் குறியிட்டுக் காட்ட ஒரு ஸ்பிரிட் முனை உள்ளது. இந்தச் சமப் பரப்பைக் கணக்கிட்டு முதலில் முக்கோணத்தின் ஒரு பக்கமாக வைத்துக்கொள்வோம். பிறகு டிரான்சிட் கருவின் மூலம் நம் பார்வையை ஒரு கோணத்தில் வைத்துக்கொண்டு மலையுச்சியைப் பார்க்க வேண்டும். இப்போது கோணத்தையும் கணக்கிட்டுக்கொண்டால், ஏற்கனவே சொன்னபடி முக்கோண முறைக்கு வழி கிடைத்துவிடும். இவ்வாறு மலையின் உயரத்தைக் கணக்கிட்டு விடலாம்.

by sino Thu Sep 15, 2011 7:17 am

தகவலுக்கு நன்றி அப்துல்

by **முனைவர் ம.ரமேஷ்** Thu Sep 15, 2011 8:28 am

இதைப்பற்றிய தெளிவின்மை எனக்கு நீண்ட நாட்களாக இருந்தது. பதில் கிடைத்தில் மகிழ்ச்சி. நன்றியும் வாழ்த்தும்...

by **சிவா** Thu Sep 15, 2011 12:53 pm

இது பழய அளவீட்டு முறை. 1999 முதல் மலைகளின் உயரத்தை அளக்க GPS பயன்படுத்தப்படுகிறது. மேலும் எளிதாக நாமே கூகிள் எர்த் மூலம் அளந்துகொள்ளலாம்.

ஏறவே முடியாத மலையின் உயரத்தை அளப்பது எப்படி? 07101510

ஏறவே முடியாத மலையின் உயரத்தை அளப்பது எப்படி? 07101510

இது எப்படி இருக்கு?

by **முனைவர் ம.ரமேஷ்** Thu Sep 15, 2011 12:57 pm

நான் எங்க ஊர் மலையை அளக்கனும் கொஞ்சம் விவரமா சொல்லுங்களேன்...
:silent: :silent: :silent:

by **பிளேடு பக்கிரி** Thu Sep 15, 2011 12:57 pm

சிவா wrote:இது பழய அளவீட்டு முறை. 1999 முதல் மலைகளின் உயரத்தை அளக்க GPS பயன்படுத்தப்படுகிறது. மேலும் எளிதாக நாமே கூகிள் எர்த் மூலம் அளந்துகொள்ளலாம்.

இது எப்படி இருக்கு?

சும்மா டக்கரா இருக்கு சிரி

by **சிவா** Thu Sep 15, 2011 1:01 pm

ம.ரமேஷ் wrote:நான் எங்க ஊர் மலையை அளக்கனும் கொஞ்சம் விவரமா சொல்லுங்களேன்...

இதுக்குப் பதிலளிக்க மூளைக்குப் பெட்ரோல் போட வேண்டும். அதற்கு உங்களை நேரில் வந்து சந்தித்தால் மட்டுமே முடியும்! எப்படி வசதி?

by puthiyaulakam Thu Sep 15, 2011 2:14 pm

by **ayyamperumal** Thu Sep 15, 2011 4:05 pm

என்னமோ போங்கப்பா !!

ஆளாளுக்கு ஏதேதோ சொல்லுகிறீர்கள். என்னுடைய களிமண் மூளைக்கு ஒன்றும் புரியவில்லை. ஆனாலும் இந்த பதிவு நல்ல பதிவு என்பதில் எனக்கு ஐயாம் இல்லை.

நன்றிகள் பல இந்த பதிவாளருக்கு !!!

Suunto Clinometer மற்றும் Range Finder ஆகிய கருவிகளைக்கொண்டும் உயரத்தை கணக்கிடலாம். மிகவும் துல்லியமாக அளக்க உதவும் கருவி 'Theodolite' என்பதாகும். இதை வைத்துத்தான் Mt. Everest போன்ற இமயமலை சிகரங்களை மிக துல்லியமாக அந்த காலத்திலேயே அளந்தார்கள் .