குஜராத்தில் அபாரமான வளர்ச்சி: மோடிக்கு அமெரிக்கா பாராட்டு

by **சிவா** Thu Sep 15, 2011 2:39 am

புதுடில்லி: "இந்தியாவை பொறுத்தவரை, திறமையான நிர்வாகத்துக்கும், அபாரமான வளர்ச்சிக்கும், நரேந்திர மோடி தலைமையிலான குஜராத் மாநில அரசு, சிறந்த முன் உதாரணமாக திகழ்கிறது' என, அமெரிக்கா பாராட்டியுள்ளது. அமெரிக்க பார்லிமென்ட் ஆய்வுக்கு குழு (சி.ஆர்.எஸ்.,) அந்த நாட்டின் எம்.பி.,க்களுக்காக, இந்தியாவின் முக்கிய விஷயங்களை விளக்கும் அறிக்கையை தயாரித்துள்ளது. 94 பக்கங்களைக் கொண்ட இந்த அறிக்கை, சமீபத்தில் வெளியிடப்பட்டது. அதில், குஜராத் மாநிலத்தின் வளர்ச்சியும், அம்மாநில முதல்வர் நரேந்திர மோடியின் செயல்பாடுகளும், வெகுவாக பாராட்டப்பட்டுள்ளன.

அந்த அறிக்கையில் இடம் பெற்றுள்ள முக்கிய அம்சங்கள்: இந்திய மாநிலங்களை பொறுத்தவரை, திறமையான நிர்வாகத்துக்கும், அபாரமான வளர்ச்சிக்கும், சிறந்த முன் உதாரணமாக, குஜராத் மாநிலம் திகழ்கிறது. இந்த மாநிலத்தின் முதல்வரான நரேந்திர மோடி, 2002ல் நடந்த கலவரம் தொடர்பாக, பெரும் சர்ச்சையில் சிக்கினார். ஆனாலும், அந்த சர்ச்சையில் இருந்து மீண்டு வந்து, மாநிலத்தின் வளர்ச்சிக்கு பயனுள்ள திட்டங்களை தீட்டி, செயல்படுத்தினார்.

இதன் காரணமாக, குஜராத் மாநிலம், பல்வேறு துறைகளிலும் சிறப்பான வளர்ச்சியை எட்டியுள்ளது. பொருளாதார நடவடிக்கைகளை ஒழுங்கு படுத்தியது, சிகப்பு நாடா முறையை ஒழித்தது, ஊழலை குறைத்தது போன்ற நடவடிக்கை மூலம், தேசிய பொருளாதார வளர்ச்சிக்கு முக்கிய காரணமாக, மோடி விளங்குகிறார். சாலை மேம்பாடு, மின்சார வசதி ஆகியவற்றுக்காக, பெரிய அளவிலான தொகையை முதலீடு செய்தார், மோடி. இதன் காரணமாக, அந்த மாநிலத்தின் ஆண்டு பொருளாதார வளர்ச்சி, சமீப ஆண்டுகளில், 11 சதவீதமாக வளர்ச்சி அடைந்துள்ளது. வெளிநாட்டு முதலீடுகளை ஈர்ப்பதிலும், குஜராத் மாநில அரசு, முதலிடத்தில் உள்ளது. ஜெனரல் மோட்டார்ஸ், மிட்சுபிஷி போன்ற நிறுவனங்கள், குஜராத்தில் முதலீடு செய்துள்ளன. ஒட்டு மொத்த இந்தியாவில் உள்ள மக்கள் தொகையில், வெறும் 5 சதவீதம் பேர் தான், குஜராத்தில் வசிக்கின்றனர். ஆனால், இந்தியாவின் மொத்த ஏற்றுமதியில், குஜராத் மாநிலம் முக்கிய பங்கு வகிக்கிறது. ஒட்டு மொத்த இந்தியாவில் இருந்து ஏற்றுமதி செய்யப்படும் பொருட்களில், ஐந்தில் ஒரு பங்கு, குஜராத்தில் இருந்து ஏற்றுமதி செய்யப்படுகிறது.

நிதிஷ் குமாருக்கும் பாராட்டு: குஜராத்துக்கு அடுத்தபடியாக, பீகார் மாநிலமும், நிர்வாகத்தில் சிறப்பாக செயல்படுகிறது. பொருளாதார வளர்ச்சியில் மிகவும் பின்தங்கிய இந்த மாநிலம், நிதிஷ் குமார் முதல்வராக பதவியேற்ற பின், நல்ல வளர்ச்சியை கண்டுள்ளது. சட்டம் - ஒழுங்கை கட்டுக்குள் கொண்டு வந்தது, கட்டமைப்பு மற்றும் கல்வித் துறைகளின் வளர்ச்சிக்கு அதிக முக்கியத்துவம் அளித்தது ஆகியவை, நிதிஷ் குமாரின் சாதனைகள். இதன் மூலம், பீகார் மாநில மக்கள், நேரடியாக பயன் அடைந்துள்ளனர். இவ்வாறு அந்த அறிக்கையில் தெரிவிக்கப்பட்டுள்ளது.
இந்த அறிக்கையில், உ.பி., முதல்வர் மாயாவதி, மேற்கு வங்க முதல்வர் மம்தா பானர்ஜி, தெலுங்கானா விவகாரம் ஆகியவை பற்றியும் தெரிவிக்கப்பட்டுள்ளது.

ராகுலா, மோடியா? : வரும் 2014ம் ஆண்டில் காங்., பொதுச் செயலர் ராகுல் மற்றும் குஜராத் முதல்வர் நரேந்திர மோடிக்கும் இடையே பிரதமர் பதவிக்காக, நேரடி போட்டி ஏற்படலாம் என, அமெரிக்க பார்லிமென்ட் ஆய்வுக்குழு (சி.ஆர்.எஸ்.,) அறிக்கையில் தெரிவித்துள்ளது. இந்த அமைப்பு, அரசியல் சார்பற்ற சுயேச்சையான அமைப்பு என்பது குறிப்பிடத்தக்கது.

அமெரிக்க பார்லிமென்ட் ஆய்வுக் குழு அறிக்கை : பொருளாதார நடவடிக்கைகளை ஒழுங்கு படுத்தியது, சிகப்பு நாடா முறையை ஒழித்தது, ஊழலை குறைத்தது போன்ற நடைமுறைகளை குஜராத்தில் செயல்படுத்தி, அந்த மாநிலத்தின் வளர்ச்சிக்கு வழி வகுத்ததன் மூலம், தேசிய பொருளாதார வளர்ச்சிக்கும், முக்கிய காரணமாக நரேந்திர மோடி விளங்குகிறார் .

தினமலர்

by **பிளேடு பக்கிரி** Thu Sep 15, 2011 11:45 am

by **பிரசன்னா** Thu Sep 15, 2011 11:48 am

- ஹேட்ஸ் ஆஃப் மோடி.

by **பிளேடு பக்கிரி** Thu Sep 15, 2011 11:53 am

prasanna.ee wrote:

- ஹேட்ஸ் ஆஃப் மோடி.

உண்மை தான்.. மோடி.. நிதிஷ்குமாரும் இந்தியா மண்ணின் மேல் பாசம் வைதிருக்கிறார்கள்.. அருமையிருக்கு

by **பிரசன்னா** Thu Sep 15, 2011 11:58 am

பிளேடு பக்கிரி wrote:
prasanna.ee wrote:

- ஹேட்ஸ் ஆஃப் மோடி.

உண்மை தான்.. மோடி.. நிதிஷ்குமாரும் இந்தியா மண்ணின் மேல் பாசம் வைதிருக்கிறார்கள்..

சரியாக சொன்னீர்கள் மிஸ்டர். பிளேடு பக்கிரி

by **பிளேடு பக்கிரி** Thu Sep 15, 2011 12:01 pm

prasanna.ee wrote:
பிளேடு பக்கிரி wrote:
prasanna.ee wrote:

- ஹேட்ஸ் ஆஃப் மோடி.

உண்மை தான்.. மோடி.. நிதிஷ்குமாரும் இந்தியா மண்ணின் மேல் பாசம் வைதிருக்கிறார்கள்..

சரியாக சொன்னீர்கள் மிஸ்டர். பிளேடு பக்கிரி

by ரேவதி Thu Sep 15, 2011 12:14 pm

பாராட்டுகள் மோடி இதையே எங்க அரசியல் தலைகளுக்கும் கொஞ்சம் கற்றுக்கொடுங்கள்

by உதயசுதா Thu Sep 15, 2011 12:47 pm

ஹாட்ஸ் ஆஃப் மோடி.தொடரட்டும் உங்கள் மக்கள் நல சேவைகள்.

by **பிரசன்னா** Thu Sep 15, 2011 12:56 pm

உதயசுதா wrote:ஹாட்ஸ் ஆஃப் மோடி.தொடரட்டும் உங்கள் மக்கள் நல சேவைகள்.

இதிலாவது ஒருமித்த கருத்து உள்ளதே, நன்றி தோழி.

மோடி இந்தியா அரசியல்வாதிகளுக்கு ஒரு முன் உதாரணமாக இருக்கிரார். வெளி வேஷம் போடும் காங்கிரஸ், ப.ஜ.க மற்றும் பிற மாநில அரசியல்வாதிகள் (வியாதிகளுக்கு) மோடியை பார்த்தாவது திருந்தட்டும். :நல்வரவு: