மணப்பாறை அருகே இன்று பரிதாபம்: பள்ளிக்கூட சுவர் இடிந்து 5-ம் வகுப்பு மாணவி பலி

by **சிவா** Wed Sep 14, 2011 9:37 pm

மணப்பாறை அருகே உள்ள குப்பனார்பட்டியை சேர்ந்தவர் முருகேசன். இவர் அரசு பஸ் டிரைவராக பணியாற்றி வருகிறார். இவரது மனைவி பழனியம்மாள். இந்த தம்பதியின் மகள் முத்துலட்சுமி (வயது 10). அந்த பகுதியில் உள்ள அரசு ஊராட்சி ஒன்றிய தொடக்கப்பள்ளியில் முத்துலட்சுமி 5-ம் வகுப்பு படித்து வந்தார். இன்று காலை முத்துலட்சுமி வழக்கம் போல பள்ளிக்கு சென்றார். பிறகு கழிவறைக்கு செல்வதற்காக முத்துலட்சுமி பள்ளி சுற்றுச்சுவர் இரும்பு கேட்டை திறந்து கொண்டு வெளியே செல்ல முயன்றார்.

அப்போது கதவோடு அந்த சுவரின் தூண் சரிந்து அவர் மீது விழுந்து அமுக்கியது. இதில் உடல் நசுங்கிய முத்துலட்சுமி சம்பவ இடத்திலேயே பரிதாபமாக இறந்து போனார்.

இந்த தகவல் கிடைத்ததும் அங்கு பொதுமக்கள் மற்றும் அவரது பெற்றோர் திரண்டதால் பரபரப்பான சூழ்நிலை நிலவுகிறது. இந்த சுற்றுசுவர் கதவு பொருத்தப்பட்ட தூண் தரம்மில்லாமல் அமைக்கப்பட்டதால்தான் அது இடிந்துவிழுந்து மாணவியின் உயிரை பலிவாங்கி விட்டதாக பொதுமக்கள் புகார் கூறுகிறார்கள். முத்துலட்சுமியின் உடலை பார்த்து அவரது தோழிகள் கதறி அழுதது நெஞ்சை உருக்குவதாக இருந்தது.

மாலைமலர்

by dsudhanandan Wed Sep 14, 2011 11:46 pm

பள்ளிகளின் நிலையெல்லாம் என்றுதான் சீர்படுமோ?

மணப்பாறை அருகே இன்று பரிதாபம்: பள்ளிக்கூட சுவர் இடிந்து 5-ம் வகுப்பு மாணவி பலி

மணப்பாறை அருகே இன்று பரிதாபம்: பள்ளிக்கூட சுவர் இடிந்து 5-ம் வகுப்பு மாணவி பலி

Re: மணப்பாறை அருகே இன்று பரிதாபம்: பள்ளிக்கூட சுவர் இடிந்து 5-ம் வகுப்பு மாணவி பலி