பழைய சாதத்துல இவ்வளவு சத்தா.........?

by **ஜாஹீதாபானு** Wed Sep 14, 2011 3:52 pm

நோய் எதிர்ப்பு சக்தி,உடல் சுறுசுறுப்பாக, பன்றிக் காய்ச்சல்,எந்தக் காய்ச்சலும் அணுகாது!, உடல் சூட்டைத் தணிப்பதோடு, குடல்புண், வயிற்று வலி குணப்பட, சிறு குடலுக்கு நன்மை, அலர்ஜி, அரிப்பு போன்றவை சரியாக, சட்டென்று இரத்த அழுத்தம் கட்டுக்குள் வர, உடல் எடையும் குறைய..
முதல் நாள் சோற்றில் நீரூற்றி, மறுநாள் சாப்பிடும் இந்த பழைய சாதத்தில் தான் பி6, பி12 ஏராளமாக இருக்கிறது என்கிறார் அமெரிக்காவில் இருக்கும் ஒரு மருத்துவர்.

தவிரவும் உடலுக்கு, குறிப்பாக சிறு குடலுக்கு நன்மை செய்யும் 'ட்ரில்லியன்ஸ் ஆஃப் பாக்டீரியாஸ்' (கவனியுங்கள்: 'மில்லியன்' அல்ல 'ட்ரில்லியன்') பெருகி நம் உணவுப் பாதையையே ஆரோக்கியமாக வைத்திருக்கிறதாம்!

கூடவே இரண்டு சிறிய வெங்காயம் சேரும்போது, நோய் எதிர்ப்பு சக்தி அபரிமிதமாக பெருகுகிறதாம். அப்புறம் பன்றிக் காய்ச்சல் என்ன, எந்தக் காய்ச்சலும் நம்மை அணுகாது!

"காலையில் சிற்றுண்டியாக இந்த பழைய சாதத்தைக் குடிப்பதால், உடல் லேசாகவும், அதே சமயம் சுறுசுறுப்பாகவும் இருக்கிறது.

இரவே தண்ணீர் ஊற்றி மூடி வைப்பதால் இலட்சக்கணக்கான நல்ல பாக்டீரியாக்கள் இதில் உருவாகிறது. மறுநாள் இதை குடிக்கும் போது உடல் சூட்டைத் தணிப்பதோடு குடல்புண், வயிற்று வலி போன்றவற்றையும் குணப்படுத்தும்.

அதுமட்டுமில்லாமல் இதிலிருக்கும் நார்ச்சத்து, மலச்சிக்கல் இல்லாமல் உடலை சீராக இயங்கச் செய்கிறது.

இந்தப் பழைய சாதம் உணவு முறையை சில நாள் தொடர்ந்து நான் சாப்பிட்டதில் நல்ல வித்தியாசம் தெரிந்தது. இரத்த அழுத்தம் கட்டுக்குள் வந்துவிட்டதோடு, உடல் எடையும் குறைந்தது." என்கிறார்.

மிகவும் முக்கியமான விஷயம் என்னவென்றால் உடலுக்கு அதிகமான சக்தியை தந்து நாள் முழுக்க சோர்வின்றி வேலை செய்ய உதவியாக இருக்கிறது.

அலர்ஜி, அரிப்பு போன்றவை கூட சட்டென்று சரியாகி விடும். அல்சர் உள்ளவர்களுக்கு இதைக் கொடுத்து வர, ஆச்சரியப்படும் அளவிற்குப் பலன் கிடைக்கும்.

எல்லாவற்றிற்கும் மேலாக நோய் எதிர்ப்பு சக்தி அதிகளவில் கிடைப்பதால், எந்த நோயும் அருகில்கூட வராது. ஆரோக்கியமாக அதே சமயம் இளமையாகவும் இருக்கலாம்".

பழைய சாதத்தை எப்படி செய்வது? (அது சரி!)

பழைய சாதத்திற்கு மிகவும் சிறந்தது பிரெளன் ரைஸ் என்று அழைக்கப்படும் கைக்குத்தல் அரிசிதான்.

ஒரு கல் சட்டி அல்லது மண் சட்டியில் சிறிது சாதத்தைப் போட்டு, சுத்தமான தண்ணீரை நிறைய ஊற்றவும். மறுநாள் சாதத்தை நன்கு பிசைந்து, மோர் சிறிது சேர்த்து, சின்னவெங்காயம் சேர்த்துக் குடிக்க 'ஜில்'லென்று இருக்கும் (மிகவும் சூடாக இருக்கும் சாதத்தில் தண்ணீரை ஊற்றக் கூடாது.) மதிய உணவு நேரம் வரை டீ, காபி கேக்காது வயிறு!

by ரபீக் Wed Sep 14, 2011 3:54 pm

ஏற்கனவே படித்து போல இருந்தாலும் பகிர்வுக்கு நன்றி ஆண்ட்டி !!

by **Manik** Wed Sep 14, 2011 3:54 pm

பழைய சாதம் சாப்பிட்டா நல்லதா அதிர்ச்சி

அதான் தினமும் பழைய சாதம் சாப்பிடுறீங்களா பாட்டி சொல்லவே இல்ல பாத்தீங்களா

by **ஜாஹீதாபானு** Wed Sep 14, 2011 4:00 pm

Manik wrote:பழைய சாதம் சாப்பிட்டா நல்லதா அதான் தினமும் பழைய சாதம் சாப்பிடுறீங்களா பாட்டி சொல்லவே இல்ல பாத்தீங்களா

ஏன் போஸ்டர் அடிச்சு ஒட்டனுமா என்ன கொடுமை சார் இது

by kitcha Wed Sep 14, 2011 4:03 pm

பழைய சாதத்தில் இவ்வளவு இருக்கா.சிறு வயதில் நான் மிகவும் விரும்பி சாப்பிடுவது இதைத்தான். இங்கேயும் அதைத் தொடர வேண்டியதுதான்.பகிர்விற்கு நன்றி பழைய சாதத்துல இவ்வளவு சத்தா.........? 224747944

பழைய சாதத்துல இவ்வளவு சத்தா.........? 224747944

பழைய சாதத்துல இவ்வளவு சத்தா.........? 2825183110

by **பிளேடு பக்கிரி** Wed Sep 14, 2011 4:07 pm

நான் படிக்கும் போது வரைக்கும் சாப்பிட்டேன்... அருமையிருக்கு

by ரபீக் Wed Sep 14, 2011 4:12 pm

பிளேடு பக்கிரி wrote:நான் படிக்கும் போது வரைக்கும் சாப்பிட்டேன்...

இந்த பதிவை படிக்கும்போதா நண்பா?

by **பிளேடு பக்கிரி** Wed Sep 14, 2011 4:14 pm

ரபீக் wrote:
பிளேடு பக்கிரி wrote:நான் படிக்கும் போது வரைக்கும் சாப்பிட்டேன்...

இந்த பதிவை படிக்கும்போதா நண்பா?

உன் லொள்ளுக்கு அளவே இல்லையா? மண்டையில் அடி

by ரபீக் Wed Sep 14, 2011 4:20 pm

பிளேடு பக்கிரி wrote:
ரபீக் wrote:
பிளேடு பக்கிரி wrote:நான் படிக்கும் போது வரைக்கும் சாப்பிட்டேன்...

இந்த பதிவை படிக்கும்போதா நண்பா?

உன் லொள்ளுக்கு அளவே இல்லையா?

சே சே ,,எனக்கு லொல்லெல்லாம் வராது !!