இவர், இப்படி...: தகவல் அறியும் உரிமை சட்டத்துக்கு வித்திட்ட அருணா ராய்

**இளமாறன்** · **இளமாறன்** Wed 14 Sep 2011 - 1:42

ஊழலுக்கு எதிராக அன்னா ஹசாரே தலைமையில் டில்லியில் மாபெரும் உண்ணாவிரதப் போராட்டம் நடந்தபோது, "மக்களால் தேர்வு செய்யப்படாத அமைப்பு ஜனநாயகத்தை அச்சுறுத்துவதா? ஹசாரேவின் லோக்பால் மசோதா நிறைவேற வாய்ப்பே கிடையாது' எனக் கூறியவர் அருணா ராய். இவர் அரசியல்வாதியல்ல; இவரும் ஒரு சமூக நல ஆர்வலர் தான். இவர் இப்படி கூறியதற்காக அரசுக்கு ஆதரவானவர் என்பதல்ல. மசோதா எம்.பி.,க்கள் மற்றும் சமூக ஆர்வலர்களால், லோக்பால் ஆராயப்பட வேண்டும் என்பது தான் இவரது விருப்பம்.
அருணாவின் தாய் ஹேமா. பல மொழிகளில் புலமை பெற்றவர். சமஸ்கிருதம் மட்டுமல்லாது கிரேக்க லத்தீன் மொழிகளிலும் கதைகள் எழுதியவர். அய்யரான இவர், பிரபல அய்யங்கார் வழக்கறிஞர் குடும்பத்தைச் சேர்ந்த துரைசாமி ஜெயராமனை காதலித்து திருமணம் செய்து கொண்டார். இவர்களுக்கு மூன்று மகள்களும், ஒரு மகனும் பிறந்தனர். இவர்களில் மூத்தவர் தான் அருணா. சென்னையில் 1946ம் ஆண்டு மே 26ம் தேதி பிறந்த அருணா, சென்னையில் உள்ள பிரபல கிறிஸ்துவ பள்ளியில் படித்தார். பின்னர் இவர் குடும்பம் டில்லிக்கு குடிபெயர்ந்தது. ஐ.ஏ.எஸ்., அதிகாரியாகத் தேர்வான அருணா, ஏழாண்டுகள் மட்டுமே அரசுப் பணியில் இருந்தார்.
அதன் பின், அந்த வேலையை உதறிவிட்டு சமூகத் தொண்டில் ஈடுபட்டார். தொழு நோயாளிகள் மருத்துவமனைக்குச் சென்று அவர்களுக்காக தொண்டு செய்தவர் அருணா. ராஜஸ்தானில் அவரது கணவர் சஞ்ஜித் பங்கர் ராய் நடத்திய ஆராய்ச்சிக் கூடத்தில் தன்னை இணைத்துக் கொண்ட அருணா ராய், 1987ம் ஆண்டு, தொழிலாளர் விவசாய சக்தி சங்கத்தை நிறுவினார். தகவல் அறியும் உரிமை சட்டம் குறித்த பிரசாரத்தை, நாடு முழுவதும் நடத்தியவர் அருணா. இவரது பெருமுயற்சியால், 2005ல் தகவல் அறியும் சட்டம் அறிமுகப்படுத்தப்பட்டது. 2000ம் ஆண்டில் இவருக்கு பிலிப்பைன்ஸ் நாட்டின், "ரமோன் மகசேசே' விருது வழங்கப்பட்டது. இந்த விருதுக்காக கிடைத்த ரொக்கப் பரிசை தனது அறக்கட்டளைக்காகச் செலவிட்டார். ஏராளமான சமூக நல அமைப்புகளில் இவர் உறுப்பினராக உள்ளார். 2002ல் குஜராத்தில் ஏற்பட்ட வன்முறையில் அப்பாவிகள் கொல்லப்பட்டது குறித்து விசாரித்த, மக்கள் தீர்ப்பாயத்தின் உறுப்பினராகவும் இவர் பங்காற்றியுள்ளார். 2004 முதல் 2006 வரை, மத்திய அரசின் தேசிய ஆலோசனை கவுன்சிலிலும் இவர் உறுப்பினராக இருந்துள்ளார். இவர் அளித்த ஆலோசனையின் பேரில் தான் ஆர்.டி.ஐ.,யும், ஊரக வேலைவாய்ப்பு உறுதித் திட்டமும் அமல்படுத்தப்பட்டது. காங்கிரஸ் தலைவர் சோனியாவின் தலைமையில் தற்போது உள்ள தேசிய ஆலோசனை கவுன்சிலிலும் அருணா ராய் உறுப்பினராக உள்ளார் என்பது குறிப்பிடத்தக்கது.

தினமலர்

**பிஜிராமன்** · **பிஜிராமன்** Wed 14 Sep 2011 - 1:49

ஒரு சிறந்த சமூக ஆர்வலரை பற்றிய சிறந்த பதிவு மிக்க நன்றிகள் இளா...... இவர், இப்படி...: தகவல் அறியும் உரிமை சட்டத்துக்கு வித்திட்ட அருணா ராய் 224747944

**இளமாறன்** · **இளமாறன்** Wed 14 Sep 2011 - 1:50

பிஜிராமன் wrote:ஒரு சிறந்த சமூக ஆர்வலரை பற்றிய சிறந்த பதிவு மிக்க நன்றிகள் இளா......

அதி · அதி Wed 14 Sep 2011 - 1:58

உண்மைய வெளிப்பூச்சு இல்லாம பேசிருக்காங்க

**சிவா** · **சிவா** Wed 14 Sep 2011 - 3:00

///"மக்களால் தேர்வு செய்யப்படாத அமைப்பு ஜனநாயகத்தை அச்சுறுத்துவதா? ///

இவர்கள் மக்களை அச்சுறுத்தவில்லை. மக்கள் மாக்களாக இருப்பதை உணர்ந்து ஒரு தனி மனிதர் துவங்கிய அமைப்பு. மக்களை எதிர்த்து அல்ல, ஊழலை எதிர்த்து.