துவையல்கள் - 'கத்தரிக்காய் துவையல்'

**krishnaamma** · **krishnaamma** Mon Sep 12, 2011 8:06 pm

First topic message reminder :

நம் தென் இந்திய சமையலில் முக்கியமானது துவையல். இதை சாதத்தில் போட்டும் சாப்பிடலாம், கூட்டு, ரசம், தயிர் சாதம் போன்றவற்றிக்கு தொட்டுக்கொள்ளவும் பயன் படுத்தலாம். தண்ணீர் மாட்டாக விட்டு அரைப்பதால் நிறைய நாள் ( ஃபிரிஜ் இல் வைக்காமலே ) வைத்து உபயோகிக்கலாம். சிலவற்றை இங்கு பார்க்கலாம் புன்னகை

**krishnaamma** · **krishnaamma** Sun May 03, 2015 4:48 pm

தேவையானவை :

1/4 கிலோ காரட்
1 ஸ்பூன் புளி பேஸ்ட்
1 -2 மிளகாய் வற்றல் அல்லது 1 ஸ்பூன் மிளகு
உப்பு
கொஞ்சம் எண்ணை
கடுகு மற்றும் உளுத்தம் பருப்பு 1 ஸ்பூன்

செய்முறை :

காரட்டை அலம்பி நறுக்கவும் ....அல்லது துருவவும்.
பிறகு வாணலி இல் எண்ணெய் விட்டு மிளகாய்வற்றல் போட்டு தாளித்து, நறுக்கி வைத்துள்ள
காரட்டை போட்டு நன்கு வதக்கவும்.
கொஞ்சம் வதங்கினதும் உப்பு போட்டு வதக்கவும்.
பிறகு எல்லாவற்றையும் மிக்சி இல் போட்டு அரைக்கவும்;
வாணலி இல் எண்ணை விட்டு கடுகு உளுத்தம்பருப்பு போட்டு தாளித்து துவையல் மீது கொட்டவும்.
அவ்வளவுதான் காரட் துவையல் ரெடி.
கொஞ்சம் தித்திப்பாய் இருப்பது போல இருக்கும், குழந்தைகளுக்கு பிடிக்கும்.
கலரும் நல்லா இருக்கும் உடம்புக்கு நல்லது புன்னகை

**Dr.சுந்தரராஜ் தயாளன்** · 03/09/2011

மிகவும் எளிமையாக உள்ளதே ....செய்து பார்க்கிறேன். புன்னகை

**krishnaamma** · **krishnaamma** Sun May 03, 2015 6:09 pm

Dr.சுந்தரராஜ் தயாளன் wrote:மிகவும் எளிமையாக உள்ளதே ....செய்து பார்க்கிறேன்.

மேற்கோள் செய்த பதிவு: 1134539

நல்லது ஐயா புன்னகை

...............செய்து பாருங்கள் !

**krishnaamma** · **krishnaamma** Sun May 03, 2015 6:15 pm

பெங்களுரா - கிளிமூக்கு மாங்காய் - 1
புளி பேஸ்ட் 1/2 ஸ்பூன்
உப்பு
மஞ்சள் தூள் - சிறிது
கொத்தமல்லி - அரை கட்டு
பச்சை மிளகாய் - 3
கடுகு - 1/2 டீ ஸ்பூன்
எண்ணெய் - கொஞ்சம் தாளிக்க

செய்முறை:

மாங்காயை தோல் சீவி பொடியாக நறுக்கவும்.
புளி பேஸ்ட் தகுந்த உப்பு, மஞ்சள் பொடி, கொத்தமல்லி, பச்சை மிளகாய் சேர்த்து மிக்சி இல் அரைக்கவும்.
(தண்ணீர் விடாமல் அரைக்கவும்) நறுக்கிய மாங்காயும் போட்டு ஒரு சுற்று சுற்றி எடுக்கவும்.
சிறிது எண்ணெயில் கடுகு தாளித்து அரைத்த துவையல் மேல் சேர்க்கவும்.
இதை சூடான சாதத்துடன் கலந்து சாப்பிட்டால் மிக ருசியாக இருக்கும்.
இப்போ மாங்காய் சீசன் என்பதால் சுலபமாக செய்து சாப்பிடலாம் புன்னகை

**krishnaamma** · **krishnaamma** Sun May 03, 2015 7:03 pm

தேவையானவை:

கமலா ஆரஞ்சு தோல் - கைப்பிடி அளவு
இஞ்சி - சிறிய துண்டு
மிளகாய் வற்றல் - 2 - 3
உளுத்தம்-பருப்பு - 2 டீஸ்பூன்
எண்ணெய், உப்பு - தேவையான அளவு.

செய்முறை:

முதலில் ஆரஞ்சுப்பழத் தோலை பொடியாக நறுக்கவும்.
பிறகு வாணலி இல் எண்ணெய் விட்டு அதை நன்கு வதக்கவும்.
இஞ்சியை தோல் சீவி துருவவும்.
பின்பு வாணலி இல் எண்ணெய் விட்டு மிளகாய், உளுத்தம்-பருப்பை வறுக்கவும்.
பிறகு, வதக்கிய ஆரஞ்சுத் தோல், இஞ்சி, மிளகாய், உளுத்தம்பருப்புடன் உப்பு சேர்த்து மிக்ஸியில் தண்ணீர் விடாமல் கெட்டியாக அரைக்கவும்.
அவ்வளவுதான் சுவையான கமலா ஆரஞ்சுத் தோல் துவையல் ரெடி புன்னகை

குறிப்பு: வேண்டுமானால் இஞ்சியைக்கூட ஒரு வதக்கு வதக்கலாம் ஜுர வாய்க்கு இது நல்லா இருக்கும்

**krishnaamma** · **krishnaamma** Sun May 03, 2015 7:10 pm

தேவையானவை

முழு நெல்லிக்காய் - ஐந்து - கொட்டைகளை எடுத்துவிடவும்.
மிளகாய் வற்றல் 2 - 4
அல்லது பச்சை மிளகாய் 3 - 4
பெருங்காயபொடி - கால் டீஸ்பூன்
தேங்காய் துருவல், எலுமிச்சைச் சாறு - தலா ஒரு டீஸ்பூன்
உப்பு - தேவையான அளவு

செய்முறை :

மிளகாய் வற்றல் அல்லது பச்சை மிளகாய், பெருங்காய பொடி, தேங்காய் துருவல், எலுமிச்சைச் சாறுஎல்லாவற்றையும் உப்பு போட்டு மிக்ஸியில் அரைத்து, கடைசியாக நெல்லிக்காய் சேர்த்து ஒரு சுற்றுசுற்றி எடுத்தால் அருமையான நெல்லிக்காய் துவையல் ரெடி.
செய்வதும் சுலபம் ருசியும் அபாரம் புன்னகை

**krishnaamma** · **krishnaamma** Sun May 03, 2015 7:16 pm

தேவையானவை

அரு நெல்லிக்காய் - 1 கப் கொட்டைகளை எடுத்துவிடவும்.
மிளகாய் வற்றல் 7 - 8
அல்லது பச்சை மிளகாய் 3 - 4
பெருங்காய பொடி - கால் டீஸ்பூன்
உப்பு - தேவையான அளவு
எண்ணை தாளிக்க
கடுகு 1/2 ஸ்பூன்

செய்முறை :

வாணலி இல் என்னைவிட்டு, கடுகு மிளகாய் வற்றல் தாளிக்கவும்.
தாளித்த மிளகாயை மட்டும் எடுத்துக்கொண்டு அத்துடன், பெருங்காய பொடி, உப்பு என எல்லாவற்றையும் போட்டு மிக்ஸியில் அரைத்து, கடைசியாக நெல்லிக்காய் சேர்த்து ஒரு சுற்றுசுற்றி எடுத்தால் அருமையான அரு நெல்லிக்காய் துவையல் ரெடி.
வாணலி இல் உள்ள கடுகை இத்துடன் சேர்த்து கலக்கவும்.
செய்வதும் சுலபம் ருசியும் அபாரம் புன்னகை

இப்போ அரு நெல்லிக்காய் சீசன் இதை செய்து பாருங்களேன் !

**krishnaamma** · **krishnaamma** Sun May 03, 2015 7:23 pm

தேவையானவை:

வெள்ளை எள்ளு – 1 கப்
தேங்காய் துருவல் – அரை கப்
மிளகாய் வற்றல் – 6 - 8
புளி பேஸ்ட் 1 டீ ஸ்பூன்
உப்பு – தேவையான அளவு
எண்ணெய் – 1 டீ ஸ்பூன்

செய்முறை:

வாணலி இல் எண்ணெய் இல்லாமல் எள் 'பட பட' வென வெடிக்கும் வரை வறுத்துக்கொள்ளவும்.

பிறகு தேங்காய் ஈரம் போக வறுத்துக்கொள்ளவும்.

பிறகு சிறிது எண்ணெய் விட்டு மிளகாயை வறுக்கவும்.

வறுத்தப் பொருட்கள் ஆறிய பிறகு மிக்சியில் போட்டு புளி பேஸ்ட் மற்றும் உப்பு சேர்த்து அரைத்து கொள்ளவும்.

அவ்வளவு தான் மணமான எள் துவையல் தயார்.

**krishnaamma** · **krishnaamma** Sun May 03, 2015 7:33 pm

கோங்கூரா (புளிச்ச கீரை) - 1 கட்டு
பெரிய வெங்காயம் - 1
மிளகாய் வற்றல் - 6
புளி பேஸ்ட் 1 டீ ஸ்பூன்
நல்லெண்ணெய் - 1 டீஸ்பூன்
உப்பு - தேவையான அளவு
பூண்டு - 6 பல்
உளுத்தம்பருப்பு - 2 டேபிள் ஸ்பூன்

செய்முறை:

கோங்கூராவை மண் போக அலசி நறுக்கிக் கொள்ளவும்.
வாணலியில் எண்ணெய் விட்டு பூண்டு, உளுத்தம்பருப்பு, வெங்காயம், மிளகாய் வற்றல் போட்டு வறுத்து எடுத்துக் கொள்ளவும்.
கோங்கூராவை வதக்கவும்.
எல்லாவற்றையும் உப்பு, புளி சேர்த்து அரைக்கவும்.
கோங்கூரா துவையல் ரெடி.
இதை நெய் விட்டு பிசைந்து சாப்பிடணும், ரொம்ப சூடு பண்ணும் உடம்புக்கு புன்னகை

**krishnaamma** · **krishnaamma** Sun May 03, 2015 8:03 pm

தேவையானவை :

மாங்காய் இஞ்சி 100 கிராம்
மிளகாய் வற்றல் – 6 - 8
புளி பேஸ்ட் 1 டீ ஸ்பூன்
உப்பு – தேவையான அளவு
எண்ணெய் – 1 டேபிள் ஸ்பூன்
வெல்லம் ஒரு சின்ன துண்டு

தாளிக்க :

கடுகு 1/2 ஸ்பூன்
உளுத்தம் பருப்பு 1/2 ஸ்பூன்
பெருங்காயப்பொடி 1/4 ஸ்பூன்

செய்முறை:

மாங்காய் இஞ்சியை அலம்பி, தோல் சீவி துருவி வைக்கவும்.
வாணலி இல் எண்ணை விட்டு மாங்காய் இஞ்சி, மிளகாய் வற்றல் போட்டு வதக்கவும்.
கொஞ்சம் ஆறினதும், புளி பேஸ்ட், உப்பு, வெல்லம் எல்லாம் போட்டு அரைக்கவும்.
வாணலி இல் எண்ணைவிட்டு தாளிக்க கொடுத்த பொருட்களை தாளித்து, அரைத்ததை போட்டு கிளறி இறக்கவும்.
சூப்பரான மாங்காய் இஞ்சி துவையல் தயார்.

Sponsored content · Sponsored content

துவையல்கள் - 'கத்தரிக்காய் துவையல்'

துவையல்கள் - 'கத்தரிக்காய் துவையல்'

காரட் துவையல்

Re: துவையல்கள் - 'கத்தரிக்காய் துவையல்'

Re: துவையல்கள் - 'கத்தரிக்காய் துவையல்'

மாங்காய் துவையல்

கமலா ஆரஞ்சுத் தோல் துவையல்

பெரிய நெல்லிக்காய் துவையல்

அரு நெல்லிக்காய் துவையல்

எள் துவையல்

கோங்கூரா துவையல்

மாங்காய் இஞ்சி துவையல்

Re: துவையல்கள் - 'கத்தரிக்காய் துவையல்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக