மீனுவின் கவிதைகள்

by மீனு Sun Sep 20, 2009 7:32 pm

சுதந்திரம்
கணினியின்
கண்டுபிடிப்புக்கு பின்
உலகமே என் விரல் நுனியில் என
மார் தட்டுகிறாயே !
ஒரு நாற்காலியில் சிறைபடுகிறது
உன் வாழ்கை என்பதை உணர்வது எப்போது ?

இயற்கை அழகு

இயற்கை அழகு !!
சுட்டெரிக்கும் சூரியனும்
அந்தியில் அழகு !
தேய்ந்து போகுமென்றாலும்
பால் நிலா அழகு !
வீழ்கின்ற போதிலும்
மலை அருவி அழகு !
ஓயாமல் ஓசை எழுப்பினாலும்
அலைகடல் அழகு !
வளைந்து நெளிந்து போனாலும்
நதி நீர் அழகு !
கருத்து போய் இருந்தாலும்
மழை மேகம் அழகு !
இயற்கை அழகை
ரசிப்பதோடு பாதுகாத்தல்
மனிதனுக்கு அழகு !

இளைஞனே...

இளைஞனே...
முகத்தில் கண்ணில்லா எறும்புகளே
முகர்ந்து கொண்டே
முன்னோக்கி சென்று
உறுதியோடு
உழைத்துக்கொண்டிருக்கிறது !
பார்வையிருந்தும்
பாதையை தேடாமல் நீ !
பயணத்தை தொடங்குவது எப்போது ?
வானம் வந்துனக்காய்
வளைந்து கொடுக்காது !
முயன்றால் நீ
வானளவு
உயர்ந்து நிற்கலாம் !!

வெற்றி உன் காலடியில்

கவலையையும் சோம்பலையும்
கழற்றி எறிந்துவிட்டு
உற்சாகத்தை
உடுத்திக்கொள் !
உன் பலகீனங்களை
உழைப்பெனும்
பலம் கொண்டு
பலகீனப்படுத்து!!
நீயே சரணாகதி என்று
எப்போதும் வெற்றி
உன் காலடியில் தவம் கிடக்கும் !!

வினா

வினா
கார்மேக அழகியே
கனத்த மழையை
கருவில் தாங்கி
காற்றில் எப்படி மிதகின்றாய்?
கருத்து இருந்த போதிலும்
வெளிர் மழையாய் எப்படி பெய்கின்றாய்?

by மீனு Sun Sep 20, 2009 7:33 pm

ஒரு தமிழனின் குரல்

ஈழத்தில் தினம் தினம் வேட்டு சத்தம் உண்மையில் அவை வேட்டுகள் அல்ல மனித வேட்டைகள்...... ஆவணங்கள் தூக்கி செல்லும் இளைஞர்கள் கையில் இன்று ஆயுதங்கள்.......மானத்தை விட உயிர் பெரிதல்ல என தானாக மாண்டு போகும் மகளீர்கள்.......... பள்ளிக்கு செல்ல வேண்டிய வயதில் பதுங்கு குழியில் மாணவர்கள்......இலங்கை சகோதரர்களே இயற்கை தான் நம்மை பிரித்தது இரக்க குணமே இல்லாமல் நீங்களுமா...........அமைதியாக இருப்பவர்களை அகதிகளாக மாற்றி விடாதீர்கள்.....