பரமக்குடியில் வன்முறை நீடிப்பு: போலீசார் திணறல்

**சிவா** · **சிவா** Sun 11 Sep 2011 - 21:35

பரமக்குடி: இன்று மதியம் ஒரு மணியளவில் பரமக்குடியில் வெடித்த கலவரத்தை அடக்க முடியாமல் போலீசார் திணறி வருகின்றனர். தொடர்ந்து பல மணி நேரம் தொடர்வதால் அருகில் உள்ள நகரங்களுக்கும் பரவும் சூழல் ஏற்பட்டுள்ளது. இம்மானுவேல் நினைவு நாள் அனுஷ்டிக்க ஏற்பாடு செய்யப்பட்டுள்ள நிகழ்ச்சிக்கு சென்றபோது பரமக்குடியில் கலவரம் வெடித்தது. இதில் 2 பேர் கொல்லப்பட்டனர்.போலீஸ் டி.ஐ.ஜி., மற்றும் எஸ்.பி., டி.எஸ்.பி., உள்பட 8 பேர் காயமுற்றனர்.

இன்று மதியம் 12.45 மணியளவில் வெடித்த கலவரம் இன்னும் தொடர்ந்து நீடித்து வருகிறது. தீ வைக்கப்பட்ட வாகனத்தை அணைக்க வந்த தீயணைப்பு வாகனத்திற்கும் தீ வைக்கப்பட்டது. மேலும் சுகாதார துறை அலுவலக ஜீப் ஒன்றும் தீக்கிரையானது. பார்த்திபனூரில் வன்முறையில் ஈடுபட்டவர்கள் மீது போலீசார் தடியடி நடத்தினர்.

நகரில் உள்ள 50 க்கும் மேற்பட்ட கடைகள் சூறையாடப்பட்டன. போலீசாரால் கலவரத்தை கட்டுப்படுத்த முடியாத நிலை தற்போது வரை நிலவுகிறது. இதனால் வெளி மாவட்டங்களில் இருந்து போலீசார் அனுப்பி வைக்கப்பட்டுள்ளனர். பரமக்குடி பகுதியில் 144 தடை உத்தரவு பிறப்பிக்கப்பட்டுள்ளது.

முதுகுளத்தூர் அருகே ரயில்வே சிக்னல் மற்றும் கேட்டை உடைக்கப்பட்டன. இதனால் அந்த வழியே செல்லும் ரயில்கள் ரத்து செய்யப்பட்டுள்ளன. 144 தடை உத்தரவு பிறப்பிக்கப்பட்டுள்ளதால் யாரும் வெளியே நடமாட முடியவில்லை. போலீசார் பதட்டத்துடன் சம்பவ இடத்திலேயே தொடர்ந்து உள்ளனர்.

தினமலர்

அசுரன் · அசுரன் Sun 11 Sep 2011 - 21:55

மக்கள் போலீசார் மீது நம்பிக்கை இழக்கும் காலம் வந்துவிட்டது.

இந்த பதிவைத் துவங்கியவர் நன்றி கூறியுள்ளார் அசுரன்

பரமக்குடியில் வன்முறை நீடிப்பு: போலீசார் திணறல்

பரமக்குடியில் வன்முறை நீடிப்பு: போலீசார் திணறல்

Re: பரமக்குடியில் வன்முறை நீடிப்பு: போலீசார் திணறல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக