உங்கள் Gmail/Blogger கணக்கு களவாடப்பட்டு விட்டதா? அடுத்து என்ன செய்யனும்? தொடர்-1

வணக்கம் வாசகர்களே!
உங்கள் Gmail கணக்கில் களவாடப்பட்டு விட்டதா? அல்லது நுழைய முடியாவிட்டால் அடுத்து என்ன செய்யனும்? என இந்த பதிவில் தொடராக எழுத உள்ளேன்.
முதலில் மிக எளிமையான விடயங்களில் தொடங்குவோம்




வழமையாக www.gmail.com ல் சென்று படத்தில் உள்ளபடி நமது பயனர் கணக்கு பாஸ்வேர்ட் என்பவற்றை கொடுத்து உள்நுழைவோம்.ஆனால் நமது மின்னஞ்சல்/Blogger கணக்கு யாராவது திருடி இருந்தால் அல்லது violate பண்ணியிருந்தால் அல்லது நாமே பாஸ்வேர்ட் மறந்து பல தடவைகள் பிழையாக கொடுத்திருந்தால் நம் மின்னஞ்சல் கணக்கு அல்லது பிளாக்கர் கணக்கு பறிபோக வாய்ப்புக்கள் அதிகம்.
நமது மின்னஞ்சல்/Blogger கணக்கு யாராவது திருடி இருந்தால் அல்லது violate பண்ணியிருந்தால் அல்லது நாமே பாஸ்வேர்ட் மறந்து பல தடவைகள் பிழையாக கொடுத்திருந்தால் அடுத்து நாம் காணும் செய்திகள் இவையே.
பாஸ்வேர்ட் மறந்து பல தடவைகள் பிழையாக கொடுத்திருந்தால்


இவ்வாறு எச்சரிக்கை செய்திவரின் உங்கள் மின்னஞ்சல் முகவரியை கொடுத்து உங்கள் பாஸ்வேர்ட்டை மாற்றியமைத்து உங்கள் மின்னஞ்சல் கணக்கை மீட்க முடியும். அதற்கு உங்களுக்கு நீங்கள் கணக்கை ஆரம்பிக்கும்போது கொடுத்த பாதுகாப்புக் கேள்வியும் பதிலும் நினைவில் இருத்தல் வேண்டும்.
2. பயனர் பெயர் பல தடவைகள் பிழையாக கொடுத்திருந்தால்

பயனர் பெயர் பல தடவைகள் பிழையாக கொடுத்து உங்கள் மின்னஞ்சல் கணக்கை இழந்திருந்தால் அதை மீட்க நீங்கள் கணக்கை ஆரம்பிக்கும்போது கொடுத்த recovery email address தெரிய வேண்டும்.
இவை எளிமையாக தீர்க்கக் கூடியவை. ஆனால் உங்கள் மின்னஞ்சல்/Blogger கணக்கு யாராவது திருடி இருந்தால் அல்லது violate பண்ணியிருந்தால் எப்படி மீட்பது என்று அடுத்த தொடரில் பார்ப்போம்.

முதல் தொடரை வாசித்து விட்டு ஆவலாக இருக்கும் உங்கள் அனைவருக்கும் வணக்கம்!
இந்த தொடரில் மின்னஞ்சல்/Blogger கணக்கை திருடுவது அல்லது violate பண்ணுவது என்றால் என்ன என்று பார்ப்போம்!
மின்னஞ்சல்/Blogger கணக்கை திருடுவது என்பது உங்கள் வீட்டுச் சாவியை ஒருவர் திருடி வைத்துக் கொண்டு அதற்கு புது சாவி தயார் பண்ணி அந்த வீட்டை தன் கட்டுப்பாட்டுக்குள் கொண்டுவருவதற்கு ஒப்பானது.ஆம் நண்பர்களே அதன் பின் உங்கள் பழைய சாவி எப்படி அந்த வீட்டுக்கு பொருந்தாதோ அதேபோன்று உங்கள் மின்னஞ்சல்/Blogger கணக்குக்குரிய வழமையான பாஸ்வேர்ட்டை உங்கள் நண்பர்கள் எதிரிகள் பொழுதுபோக்கிற்காக அடுத்தவனுக்கு தொல்லை கொடுப்பவர்கள் ஹக்கர்கள் திருடி பின் அதை மாற்றி புதிய பாஸ்வேர்ட் ஒன்றை தங்கள் விருப்பம் போல உருவாக்கி உங்கள் கணக்கை தம் காட்டுப்பாட்டுக்குள் கொண்டுவருவார்கள். அவர்கள் உங்கள் பெயரிலேயே உங்கள் கணக்கை தொடர்ந்து பேணி தம் இஸ்டம் போல துஸ்பிரயோகம் செய்வார்கள்.
இது பற்றி கூகிள் தரும் விள்க்கம் அறிய இங்கே செல்லுங்கள்.
இவ்வாறு பாஸ்வேர்ட்டை மாற்றி ஒரு கணக்கை கட்டுபாட்டுக்குள் கொண்டுவருவதற்கு உங்கள் பாதுகாப்புக்கேள்வியும் அதன் விடையும் தெரிய வேண்டும். இதனை நீங்கள் இரகசியமான முறையில் பேணுவதன் ஊடாக ஓரளவேணும் உங்களை சுற்றியுள்ளவர்கள் உங்கள் கணக்கை திருடுவதை தடுக்கலாம்.
ஆனால் ஹக்கர்கள் போன்ற தொழில்நுட்ப அறிவு கூடியவர்களிடமிருந்து இந்த முறையில் பாதுகாக்க முடியாது.ஏனெனில் அவர்கள் சில மென்பொருட்களின் துணையுடன் நமது பாஸ்வேர்ட்டை சரியாக அறிந்து நமது கணக்கில் உள்நுழைந்து அதே உத்தியை பாவித்து பாதுகாப்புக்கு கேள்விக்கான விடையையும் அறிந்து புதிய பாஸ்வேர்ட்டை உருவாக்கி விடுவார்கள்.இவர்களிடம் இருந்தும் நமது கணக்குகளை பாதுகாக்க விசேட வழிகள் உண்டு.அவற்றை இன்னொரு தொடரில் ஆராய்வோம்.
மின்னஞ்சல்/Blogger கணக்கை violate பண்ணுவது என்றால் என்ன என்று இப்போது பார்ப்போம்!
இது உங்கள் வீட்டில் உங்களையும் வாழ விடமால் அவர்களும் வாழமால் குழப்புவதற்கு ஒப்பானது. அதாவது உங்கள் மின்னஞ்சலை தம் கட்டுப்பாட்டுக்குள் இவர்கள் கொண்டுவர முயற்சிப்பதில்லை. மாறாக உங்கள் கணக்கை முடக்குவதே இவர்களின் ஒரே நோக்கம். அதற்காக இவர்கள் பிழையான பாஸ்வேர்ட் ஒன்றை திரும்ப திரும்ப கொடுத்து பின் recovery email address ஐயும் பிழையாக கொடுத்து கூகிள் நிறுவனத்தை உங்களுக்கெதிராக சீண்டி விடுவார்கள்.
விளைவு உங்கள் மீது ஆத்திரம் உறும் கூகிள் நிறுவனம் உங்கள் கணக்கை தற்காலிகமாக முதலில் Disabled செய்து விடும். அவ்வாறு நிகழ்ந்திருந்தால் உங்களுக்கு இவ்வாறான எச்சரிக்கை செய்தி வரும்




கூகிள் நிறுவனம் violate பண்ணுவது பற்றி தரும் விளக்கத்தை அறிய இங்கே செல்லுங்கள். கூகிளின் product-specific Terms of Service ஐ நீங்கள் மீறிவிட்டதாக கூகிள் கருதியதன் வினையே இது.இவ்வாறு Disabled செய்த கணக்கை ஒருபோதும் கூகிள் delete செய்வதில்லை.எனவே இதையும் நாம் மீட்கலாம்.
தீர்வுகள்-மீட்கும் வழிகள்.
கூகிளின் product-specific Terms of Service ஐ கணக்கை ஆரம்பிக்கும்போது வாசிக்காவிட்டாலும் இப்போதாவது முழுமையாக வாசியுங்கள். வாசிக்க
இந்த லிங் சென்று உங்கள் பாஸ்வேர்ட்டை மீட்க முயற்சியுங்கள்.
அதற்கும் சரிவராவிட்டால் இந்த லிங் சென்று தேவையான தகவல்களை வழங்கி மீட்க முயற்சியுங்கள்.இந்த வழியில் உங்கள் கணக்கை மீட்க உங்களிடம் கூகிள் கொஞ்சம் பொறுமையையும் நினைவாற்றலையும் எதிர்பார்க்கும்.
சரி அதுவும் உங்களுக்கு கை கூடுக்கவில்லையா? இனி இறுதி வழி கூகிளின் காலில் விழுவதே. காலில் விழ இந்த லிங்செல்லுங்கள்.அங்கு கேட்கப்பட்ட தகவல்களை வழங்கி முதல் முறை சமர்ப்பியுங்கள்.அதற்கு பதிலளிக்க கூகிள் 48 மணித்தியால அவகாசம் கேட்கும்.48 மணித்தியாலம் முடிந்தும் உங்களுக்குரிய பதில் வராவிட்டால் இரண்டாம் முறையும் முயற்சியுங்கள்.அதற்கும் கூகிள் நிற்சயம் பதில் தராது. ஏனேனில் அந்த கணக்கு உண்மையில் உங்களுடையதா? அது எவ்வளவு உங்களுக்கு முக்கியத்துவம் மிக்கது என்பதை பரிசோதிக்க அமைதியாக உங்களை கூகிள் பரிசோதிக்கும்.நீங்களும் சளைக்காமல் மூன்றாம் முறை முயற்சித்தால் உடனடியாக அல்லது அன்றே உங்கள் கணக்கை மீளப்பெறும் வாய்ப்பை கூகிள் உங்களுக்கு அளிக்கும்.
சரி இனிவரும் தொடரில் பிளாக்கரில் இது தொடர்பாக வரும் பிரச்சினைகள் தீர்வுகள் பற்றி அலசுவோம்.

நல்ல பயனுள்ள தகவல். இரண்டும் ஒன்றாக இருந்தால்தான் அனைவருக்கும் படிக்க எளிதாக இருக்கும். எனவே இரண்டு பதிவுகளையும் ஒன்றாக இணைத்துவிட்டேன்.

நல்ல தகவல் மஞ்சு.........

ஹேக்கர்களை உங்கள் விழிப்புணர்வு பதிவால் விரட்டிடுங்கள்

நல்ல பயனுள்ள தகவல். நன்றி