நேரடி ஒளிபரப்பில் பரபரப்பு: டி.வி. நிலையத்தில் கணவரை தாக்கிய மனைவி- மாமியார்;

First topic message reminder :

சென்னை, செப். 10-

சென்னை
வில்லிவாக்கம் கிழக்கு மாட வீதியில் வசித்து வருபவர் பிரின்ஸ் (வயது 37)
போட்டோ ஸ்டூடியோ நடத்தி வருகிறார். இவருக்கு திருமணமாகி மினி என்ற
மனைவியும் 2 குழந்தைகளும் உள்ளனர். பிரின்சுக்கு குடிப்பழக்கம் உள்ளது.
அவர் அடிக்கடி குடித்து விட்டு வீட்டிற்கு செல்வதால் கணவன்- மனைவி
இருவருக்கும் தகராறு ஏற்படும். இந்த நிலையில் ஒரு தனியார் டி.வி. நிகழ்ச்சி
ஒன்றில் பங்கேற்க கணவன்- மனைவி இருவருக்கும் அழைப்பு வந்தது.

சொல்வதெல்லாம்
உண்மை என்ற இந்த நேரடி ஒளிபரப்பு நிகழ்ச்சியில் தம்பதியாக பங்கேற்க
பிரின்சும் மினியும் சென்னையில் உள்ள டி.வி. நிறுவனத்துக்கு சென்றனர்.
கணவன் -மனைவி குடும்ப பிரச்சினை குறித்து இந்த நிகழ்ச்சியில்
விவாதிப்பார்கள். கடந்த 30-ந்தேதி மாலை 6.30 மணிக்கு நிகழ்ச்சி தொடங்கியது.
இந்த நிகழ்ச்சியில் பார்வையாளராக பிரின்சின் மாமியார் லீலாவும் கலந்து
கொண்டார்.

அப்போது பிரின்ஸ் மீது மனைவி மினி பல்வேறு
குற்றச்சாட்டுகளை கூறினார். மனைவி மீது பிரின்சும் சில குறைகளை கூறினார்.
இருவரும் குடும்ப பிரச்சினைகள் குறித்து நடுவர் முன்பு விவாதித்து
கொண்டிருந்தனர். மகள் மீது பிரின்ஸ் குறை கூறியதும் மாமியாருக்கு ஆத்திரம்
ஏற்பட்டது. அவர் பார்வையாளர் பகுதியில் இருந்து மையப்பகுதிக்கு ஆவேசமாக
இறங்கி வந்து பிரின்சை தாக்கினார்.

அவரது சட்டையை
பிடித்து இழுத்து ஓங்கி அடித்தார். இந்த நிகழ்ச்சி நேரடியாக ஒளிபரப்பாகி
கொண்டிருந்தது. மாமியாருடன் சேர்ந்து மனைவியும் அவரை தாக்கினார். நிகழ்ச்சி
நடத்தியவர்கள் சண்டையை விலக்கி விட்டு சமாதானப்படுத்தி அவர்களை வீட்டிற்கு
அனுப்பிவைத்தனர். பிரின்சை மாமியார் தாக்கும் காட்சியை டி.வி.யில்
நேரடியாக பார்த்த உறவினர்களும், நண்பர்களும் அதிர்ச்சி அடைந்தனர்.

மனைவி
மாமியார் தன்னை தாக்கியதை எல்லோரும் பார்த்து விட்டதை கேவலமாக எண்ணி கண்
கலங்கினார். கடந்த 1-ந்தேதி அன்று வீட்டை விட்டு பிரின்ஸ் சென்றார். அதன்
பிறகு வீடு திரும்பவில்லை. அவரை பல இடங்களில் தேடினர் அவர் எங்கு சென்றார்
என்று தெரியவில்லை. வில்லிவாக்கம் போலீசில் பிரின்சின் தங்கை மினி மவுலி
புகார் கொடுத்துள்ளார்.

இன்ஸ்பெக்டர் கிளாட்சன் ஜோன்ஸ், சப்- இன்ஸ்பெக்டர் கோவிந்தராஜ் ஆகியோர் விசாரணை நடத்தி வருகிறார்கள்.

மாலைமலர்

ஆண்களின் பாதுகாப்பு ஏதும் வழியில்லையா நண்பா ?

-
இவன்
பல லட்சம் ஆண்களின் ஒரு பிரிதிநிதி ..