உணராதவரை ஊழல் அழிந்திடாது........

by ஹாசிம் Sat Sep 10, 2011 6:37 pm

ஊழலற்ற உழைப்போடு
ஊதியம் பெற்றுநட
ஊராரை ஏய்த்துழைத்து
உன்னுலை பொங்கிடாதே...

உன்னொருத்தனின் ஆசையில்
தேசத்தின் தலையெழுத்தென்று
நேசங்கொண்டோரின் வசையில்
எத்தனைகாலம் அழுதிடும் எம்தேசம்

தனிமனித ஒழுக்கத்தோடு
பிணைந்துவிட்ட ஊழலுக்காய்
அரசுநோக்கிய பிடியாணை
பிறப்பிப்பதில் நியயமுண்டோ

சட்டங்கள் வகுத்தாலென்ன
சாசனங்கள் ஏற்றினாலென்ன
அந்தரங்கமாய்க் கைநீண்டும்
புத்திசாலித் திருடன் உணர்ந்து
திருந்த வேண்டாமா

காகிதமாகிய பணத்திற்காய்
தன்மானத்தினை விற்று
சுயநலத்துடன் சுகங்கள் தேடி
நியாயங்கள் சாகடிக்கப்படுகிறது

தன்னைத்தானுணரும் மனசாட்சியுடன்
திருந்திடாத மானிடனிருக்கும்வரை
எத்தனை லோக்பால் வந்தாலும்
ஊழல்தான் அழிந்திடுமா?

by balakarthik Sat Sep 10, 2011 6:40 pm

அருமையான வரிகள் நல்ல சமுதாய புரட்சி கவிதை இருப்பினும் நண்பா அதிகாரிகள் திருந்தினாலும் மக்கள் திருந்தவிடமாட்டார்கள் முதலில் மக்கள் திருந்தவேண்டும் சூப்பருங்க

by ஹாசிம் Sat Sep 10, 2011 6:45 pm

மிக்க நன்றி தோழா உண்மைதான் அதிகாரி என்பவனும் மனிதன் ஒவ்வொரு மனிதனும் திருந்தாதவரை இது அழிவதில்லை என்பதுதான் கவிலை

by **ayyamperumal** Sat Sep 10, 2011 7:31 pm

ஹாசிம் wrote:
உன்னொருத்தனின் ஆசையில்
தேசத்தின் தலையெழுத்தென்று
தன்னைத்தானுணரும் மனசாட்சியுடன்
திருந்திடாத மானிடனிருக்கும்வரை
?

நான் ரசித்த வரிகள். நன்றி காசிம் !

by ஹாசிம் Sat Sep 10, 2011 8:09 pm

அய்யம் பெருமாள் .நா wrote:
ஹாசிம் wrote:
உன்னொருத்தனின் ஆசையில்
தேசத்தின் தலையெழுத்தென்று
தன்னைத்தானுணரும் மனசாட்சியுடன்
திருந்திடாத மானிடனிருக்கும்வரை
?
நான் ரசித்த வரிகள். நன்றி காசிம் !

மிக்க நன்றி தோழரே

by **பிஜிராமன்** Sat Sep 10, 2011 8:23 pm

அருமையான வரிகள் நண்பா......... உணராதவரை ஊழல் அழிந்திடாது........ 224747944

மக்கள் நினைத்தால்
அதிகாரி விடுவதில்லை
அதிகாரி விட்டால்
மக்கள் விடுவதில்லை..
நேர்வழியில் சென்றிட
காத்திருத்தல் அவசியம்
காத்திருக்க விரும்பவில்லை
காசிரைக்க விரும்புகிறான்
அப்படி காத்திருக்க நினைதோமென்றால்
அதிகாரியின் வசை சொற்பொருத்தல் வேண்டும்
காத்திருக்க நினைதவன் நான்
அதனால் வசை சொற் பெற்றவன் நான்
இருந்தாலும் காதிருதல் விடுவதில்லை
காசிரைக்க விரும்புவதில்லை

by ARR Sat Sep 10, 2011 8:43 pm

தன்னைத்தானுணரும் மனசாட்சியுடன்
திருந்திடாத மானிடனிருக்கும்வரை
எத்தனை லோக்பால் வந்தாலும்
ஊழல்தான் அழிந்திடுமா?

அருமை ஹாஷிம்..!

சட்டங்கள், மேலதிகத் திருடர்களைத்தான் உருவாக்கும்.. இன்றைய தேவை வலிந்து கொண்டுவரும் விதிமுறைகள் அல்ல .. தன்னார்வத்தில் ஒவ்வொருவரும் எடுத்து வைக்கவேண்டிய முதற்படிகள்..!

by kitcha Sat Sep 10, 2011 8:47 pm

தன்னைத்தானுணரும் மனசாட்சியுடன்
திருந்திடாத மானிடனிருக்கும்வரை
எத்தனை லோக்பால் வந்தாலும்
ஊழல்தான் அழிந்திடுமா?

சத்தியமான வரிகள் இவை.அற்புதமான கவிதை(காவியம்).உங்கள் கவிதைகளில் தெரிகிறது உங்களின் என்ன ஓட்டங்கள்.

வாழ்த்துகள் உணராதவரை ஊழல் அழிந்திடாது........ 224747944