ம. ரமேஷ் கவிதைகள் - எதிர் பாராத கேள்வி

by **முனைவர் ம.ரமேஷ்** Sat Sep 10, 2011 10:08 am

First topic message reminder :

• காதலின் பொய்

உன்னை நினைத்து
அழும் இரவுகளில்
பொய் சொல்ல வேண்டியிருக்கிறது
அம்மாவுக்கு
வயிற்றுவலி என்றோ...
தலைவலி என்றோ...

by **முனைவர் ம.ரமேஷ்** Mon Sep 12, 2011 5:38 pm

• அன்பே!

ஏழு ஜென்மம் உண்மைதான்…
‘அம்மா
ஆறு ஜென்மத்திலும்
பிரிந்தே வாழ்கிறோம்’
இந்தக் கடைசிப் பிறப்பையாவது
நான் சென்று புனிதப்படுத்துகிறேன்
என்று சொல்லிவிட்டு வா.
வா,
வந்து விடு
என்னோடு.

by **முனைவர் ம.ரமேஷ்** Tue Sep 13, 2011 7:43 am

• ~~காதல~~ி!

நீ
எனக்கு
காதலியானவள் அல்ல
கவிதையானவள்.
என் ஒரு கவிதையையும்
நீ படிக்க முடியாத போது
என் கவிதைக்கு என்ன மதிப்பு
எழுதியக் கவிதைகளை
அழித்து விடுகிறேன்.
நீ
~~எனக்கு~~
~~காதலியானவள்~~ ~~அல்ல~~
~~கவிதையானவள்.~~
~~என்~~ ~~ஒரு~~ ~~கவிதையையும்~~
நீ ~~படிக்க~~ ~~முடியாதபோது~~
~~என்~~ ~~கவிதைக்கு~~ ~~என்ன~~ ~~மதிப்பு~~

by **முனைவர் ம.ரமேஷ்** Tue Sep 13, 2011 10:54 am

இதயத்தை சுக்குநூறாக்கிவிட்டு...

பூங்காவின்
புல் தரையில்
நடந்தால்
புல் உடைந்து
அழுமே என்று
கவிதைப் பேசியவளே!
என் இதயத்தை
சுக்குநூறாக்கிவிட்டு -
இன்று
திரும்பிப்பார்த்து
சிரித்துக்கொண்டு போகிறாயே!

by முகம்மது ஃபரீத் Tue Sep 13, 2011 12:02 pm

அருமை

by dsudhanandan Tue Sep 13, 2011 2:26 pm

அருமையான கவிதைகள் ரமேஷ்

by **முனைவர் ம.ரமேஷ்** Wed Sep 14, 2011 8:40 am

• காதல் வயப்பட்டவள்...

துடப்பமே கையில் எடுக்காதவள்
காலை மாலை
தெரு வாசலைப் பெறுக்குகிறாள்...
குடத்தையே கையில் எடுக்காதவள்
தெருக் குழாயில்
நீர்ப் பிடித்து
இடுப்பில் சுமக்கிறாள்...
புள்ளிகளே வைக்கத் தெரியாதவள்
கோலம் போட
தொடங்கிய இடத்திலேயே
வந்து முடிக்க முடியாமல்
எதிர் வீட்டு
ஜன்னலைப் பார்த்து சிரிக்கிறாள்!

by **முனைவர் ம.ரமேஷ்** Thu Sep 15, 2011 8:03 am

வடு...

வேறு ஒருவனுடன்
திருமணமானாலும்
பழைய நைந்த
பட்டுச் சேலையைப்
பார்க்கும்போது
ஞாபகம் எனக்கு...
பூப்பெய்திய போது
வாங்கிக் கொடுத்த
முறைமாமனுக்குக்
கட்டி அழகு காட்டியது!

by sino Thu Sep 15, 2011 6:12 pm

by **rameshnaga** Thu Sep 15, 2011 6:30 pm

உங்களுடைய கவிதைகள் மிக நன்றாக..புதிய கருத்துக்களோடு இருக்கின்றன. நீங்கள் இன்னும் கொஞ்சம் நீண்ட கவிதைகளைத் தர முயற்சித்தால்..நன்றாய் இருக்கும் என்பது எனது கருத்து.

by **முனைவர் ம.ரமேஷ்** Fri Sep 16, 2011 5:56 pm

• திருத்தல்கள்

நண்பர்கள் நாங்கள்
ஜோசியம் பார்த்தோம்.
கிளி
சீட்டை எடுத்துக் கொடுத்தது.
அவன் சொன்னான்:
வரும் 'தை'யில் கல்யாணம்.
சரி விட்டுத் தொலையுங்கள்.
எங்களைப் பார்க்கும்
சமூகம் சொல்கிறது:
'தள்ளிக்கிட்டுப் போறான்'