கோவில்களில் வழிபடும் முறை

**சிவா** · **சிவா** Sun 20 Sep 2009 - 9:53

கோயிலுக்குள் இருந்து போது, கொடி மரத்தின் முன்னால் மட்டும் சாஷ்டாங்க நமஸ்காரம் செய்ய வேண்டும். வேறு எந்த இடத்திலும் இந்த நமஸ்காரத்தை வழிபடக்கூடாது. இந்த வழிபாட்டில் பலவித நிலைகள் உண்டு.

ஓரங்க நமஸ்காரம்: தலையை மட்டும் குனிந்துவழிபாடு செய்தல். மூன்று அங்க நமஸ்காரம்: தலை, கைகள், முழந்தாள் ஆகிய அங்கங்கள் மட்டும் தரையில் படும் விதத்தில் வழிபாடு செய்வது. (பெண்களுக்கு மட்டும்).

சாஷ்டாங்க நமஸ்காரம்: தலை, கைகள், மார்பு, முழந்தாள் ஆகியவை பூமியில் படும்படி வழிபாடு செய்தல்.

அஷ்டாங்க நமஸ்காரம்: தலை, காதுகள், கைகள், தோள்கள், முகவாய்க்கட்டை ஆகிய எட்டு உறுப்புக்களும் பூமியில் படும்படி வணங்குதல்.

"என் செயல் ஆவது யாதொன்றும் இல்லை. எல்லாம் உன் செயல்" என்று இறைவனை சரணாகதி அடைவதே சாஷ்டாங்க நமஸ்காரத்தின் நோக்கமாகும்.